احلام: شتي حتى انا نبت بت هنا او الى مرجعتونيش منين جبتوني عاد باش غنتفاهم معاكم بطريقتي حتى انا
اما هادوك جوج بركو يشوفو فبعضياتهم عرفو راسهم طاحو في موصيبة كحلة متفهم لا بالهضرة لا بالعنف بقاو شوفيا نشوفك اطاجين لحوت حتى قفزتهم تاني
احلام: دابا واش غتبقاو غير شوف فيا نشوف اطاجين لحوت واش مناوينش تردوني منين جبتوني او لا شنو
شخص1: راه منقدروش نردوك راه ماشي بيدينا كون كان بيدينا كوراه رديناك قبيلة من نصف طريق فاش عرفتك راك واحد شويطينة مقطرة
احلام:(بالبرودة) شكون لي غيضمن ليا بلي مكضحكوش عليا
شخص2: 😡😡😡 ياك نتي صاع صاعين او لا ضحكنا عليك شعلي في بونا لعافيا
احلام: ( بالضحكة سخرية) اوكي بشات ولكن كون اكيد غنشعلها حتى فداك ابن لكلب ديال سيدك
مهم عاونوها حتى هبطات من طوموبيل او هي تشد لعكاز ديالها او تمت غادة او تعكز حتى بان ليها لعربي حال فمو في هاد لمكان لي معمرو حلم حتى يشوفو في لخيال او هاهو دابا كيشوفو في الواقع او هي تقول ليه
احلام : ( تنهدت تنهيدة خارجة من اعماق قلبها) عجباتك هاد لبلاصة بزاف في لحقيقة هي زوية ولكن كيقولو مضاهر خداعة معرفناش هاد لبلاصة اش مخبية لينا او باينة💯في💯 حيتاش مني جابونا لهنا باينة غتكون كاينة ماشي زوينة .اما فاش شاف ختو فهاديك لحالة باين عليها تعب بشا حداها او عنقها من جنب او بقاو كيتمشاو او هو يقوليها
لعربي : مغيوقع تا حاجة انشاء الله غتكون هاد لبلاصة مخبية لينا غالخير
احلام: كنتمنى هادشي يكون صحيح حيت لحد لآن معارفاش حنا لاش هنا
لعربي: احنا غنعرفو دابا نيت
مهم بقاو غاديين تابعين دوك جوج اشخاص حتى وصلوهم لقصر او مشاو اما عند احلام فبقات باركة تشوف فداك لباب واش تعتبو او لا ترجع منين جات حيت عارفة راسها الى عتبت هاد لباب غتصدم صدمة لعمر بقات ساهية حتى حسات بش ايد تحطات فوق كتفها او هي لقاتو لعربي ليكيشوف فيها زعما كيطمئنها بلي مغيوقع والو .
غمضت او هي دخل او تبعها لعربي دخلت او هي تشوف كاينين شي ناس باركين في صالة كيتسناو فيهم يوصلو اما هي بقات غير كتشوف حيت بانو ليها شي كمامر مكتعرفهمش بقات تشوفيهم او هوما كيشوفو فيها حتى ناض واحد راجل( لي هو اب احلام) تم جاي عندها بخطوات بطيئين او عينيه مغرغرين بالدموع او بارك كيضحك بحال شي حمق او هو يقول ليا انا او لعربي
اب احلام: ولادي توحشتكوم بزاف سمحوليا حيت تخليت عليكم او نتوما كنتو في امس لحاجة ليا.او هي تجاوبو ديك فريفرة ديال احلام مكتحشم مكترمش
احلام: وااا سي محمد تا مالك اش واكل واحدين كيقولو باك حي او واحد كيقول ولادي واش نتوما شداتكم شيخوخة المبكرة او لا شنو
اب احلام : كبرتي ابنتي احلام كنت خليت غير صغيرة عرفتي شحال توحشتك بزاف
احلام: وااااا بوgليب لكحل ليضربك انشاء الله نتا منين كتفهم واش انا كنشرق او نتا كتغرب كيفاش بنتك ياكما تغالطت ليك مع هديك لي كتقول ليها بنتك
اب احلام: حشومة عليك ابنتي واش معقلتيش عليا انا باباك اه غتكوني نسيتيني حيت مدة مشفتينيش
احلام: ( حطات ايديها على راسها) وااا كوااااك واااا كوااااك اعيباد الله كيفاش غتفهمو هدا بلي راه الواليد ماااات سمعتي ماااات مني كانت عندي هديك 10 او 11عام فهمتي دابا او لا نفهمك بشي طريقة اخرى
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
______________________________ البنات لباس عليكم نتمنى تكونو بالف خير مهم سمحوليا الا تعطلت عليكم راكم عارفين دخول مدرسي كيف كيكون معلانة كنتمنى يعجبكوم لبارت او لعجبها لبارت او بغاتني نكمل دير نجيمة🎇🎇او لا كومونطير فضلا او ليس امرا
