العروبية و المفيوزي🔥🔥

البارت 19

اوا اسيادي فاش احلام نgعت البراد ديال آتاي بلا حشمة بلا مرgة او تgعشمت ماهياش في هاد العلام لي شافيها يقول هي مولات دار اما سي رياض بقا يشوف فيها حاس بالفقصة او الشمتة من هاد صgعة لي باركة حداه او كيقول في خاطرو واش رجال يتلقاو مع العيالات كيدايرين زين او صواب او حشمة او هو لقاه الله مع هاد  الموصيبة  الكحلة غير البروسي لصق صافي ولكن هو ليدارها لراسو ( اش داني او لاش مشيت غير بالهضرة باش بلاني) او زيد عليها ضربة لي في راسو عاطياه لحريق او مدوخاه شاف حتى عيا او هو يطلع واحد تنهيدة خارجة من اعماق اعماق قلبو او هو يقول:

رياض: واش عندكم شي تلفون شي حاجة ديال تواصل بغيت ندوز واحد المكالمة بزربة

المرا: اه اوليدي كاين تسنا انا غادة نمشي نجيبو ليك ولك هانتا اوليدي مفيهش المكالمات بزاف غير على حساب تبيبي او تقطع صافي

اما رياض مفهمش زعمة معنا تبيبي حدو برك يحرك في راسو زعمة غي سيري جيبيه او يحضر الله بشات المرا تعوج في رجليها جابت ليه تلفون او عطاتو ليه اما هو غير شدو في ايديه او هو يطيح ليه او عاود هزو حيت داك تلفون كان ديال عام حزق او شم كان واحد لعضييم كلو مقشقش او خاصر او باv ديالو باح او الأرقام ممحيين او صغيور

اما رياض بقا كيشوف فيه بحالي كيشوف في شي تحفة حيت هو معمرو شاف بحال هاد تلفون كان ملور غير بي ديال بسمة (ايييه يا ليام شتي لي كيبغي يدير راسو في البراهش) معلانة بقا بعاقر مع داك تلفون او لا هو بغا يخدم ليه حتى جا داك دري حلو ليه او دخل ليه نمرة لي كال ليه مع يله حطو على ودنو او قال ألو او هو يتقطع الخط راه سيدة قال ليه غير كيبيبي شتي لي معند بوه زهر معلانة دار عند داك دري بقا يشوفي او يقوليه دري

دري: راه سلات تعبئة غير بلاما تصدع معاه راسك
بقا يشوف حتى عيا او فلخر هو يسول على كيفاش كيسيفط sms وراه دري كيف يدير راه حيت هو مقفل في داك تلفون والو مهم سيفط الميساج الواحد من رجالو

بعد 15 دقيقة جا هداك لي سيفط رياض قبيلة ميساج ناض رياض شكرهم على استقبال او جبد شيك كتب ليهم واحد القدر المالي عطاه ليهم او تم غادي سالت من كحلة العفطة ديال احلام ساعة معامن غير شافتو تململ من بلاصتو او هي تبعو كي gرادة لاصقة فيه بقا يشوف فيها واحد المدة مافيه لي يتجاحد معاها خلاها او مشا ركب في طوموبيل حتى غي شافتو ركب ركبت حتى هي لور حداه اما هداك لي كيسوق غير شافهم ركبو او هو هي يديماري او تم غادي شاد طريق

اما عند ديك صgعة بقات حادية او حاسة براسها مدgدgة معندش بوها عضم صحيح مهم بقات حادية محست براسها حتى غفات او مع طوموبيل غدا او تزعزع مجا راسها فين يتحط فير فوق كتف رياض لي كان بارك يتصنت لعضامو او ولا كولو عامر دم بديك ضربة حتى حس بي شيحاجة تحت فوق كتفو او هو يدور عندها غير شافها كيفاش ناعسة او يلقط واحد لغوباشة عندو مايبشيش بالكم بعيد زعمة بقا ساهي فيها  توووء تووووء غلطتو حدو لقط ديك لغوباشة او هو يقول في خاطرو هي لي جات معاها بنت لكاروشية لاخرة انا بارك هنا نتوجع بهاد دقة لي فراسي او هي ناعسة او من لفوق حاطة راسها عليا مبان غير هز ايدو حتى لسما او هو يخبط ليها راسها مع زاج ديال طوموبيل حتى تسمعت بوااااق اما هي راه ماش في هاد لعالم حدها ضربتها بواحد البارودة بجهد حتى قلبت طوموبيل بريحة اما رياض غير سمعها اش دارت ولا غير كيضور فعينيها فاتت تخيلاتو او ريحة قلباتو اما سائق شداتو ضحكة او هو يحبسها بزز خايف على راسو اما رياض فاش شافو حابس ضحكة مرضاش او هو يبرك يتحلف عليها فخاطرو او موشكيلة ديك ريحة لي طالعة كعاه نيوف دوخاتو كتر ماهو دايخ او نيوفو بركو يحرgوه حدو قال السائق حل سرجم راه حال سخن

_______________________________
سلام البنات لباس عليكم بخير هانيين كنتمنى تكونو بألف خير مهم سمحوليا على تعطال هاهو البارت كنتمنى يعجبكم  او لي عجبو البارت يدير نجمة او لا كومونطير فضلا وليس امرا