حلقه هديه 🌚🙈
بسم الله الرحمن الرحيم
صلى على النبي تلات مرات
استغفر الله العظيم يارب
الحلقه الثالثه
##############
صباح اليوم التالي فى منزل رهف وبسمله الساعة السادسة صباحا
رهف بصراخ:بسمله يالا قومى كفايه نوم اى كل ده هتتاخرى على الجامعه قومى يا زفته
بسمله بنوم:خلاص هقوم الجامعه مش هطير يعنى
رهف:لا انا اللى هطير يالا قومى وغيرى هدومك بسرعه
بسمله:حاضر
رهف طلعت من الاوضه وبسمله قامت وغيرت هدومها بسرعه عشان منتاخرش خلصت وطلعت عشان تفطر بس قبل متطلع من الأوضه طلعت فونها وفتحت الكاميرا فيديو
بسمله: صباح الخير يا انا العزيزه طبعا ده جنان اول مره اشوف واحده بتسجل حياتها فيديو هو انا لسه هكتب انا كسوله اوى المهم هاى يا انا طبعا أنا بسجل فيديو عشان يجى اليوم اللى قابل فيه فارس احلامى ويشوف جنان مراته ياه امتا يجى اليوم ده الاقى فارس الاحلام الاول وبعدين يبقا يجى اليوم ده المهم انا بسمله عندى عشرين سنة فى كليه طب طبعا الفضل فى ده فى اختى حبيبه قلبي المقدم رهف غريبه صح اها اختى ضابط مخابرات اخترت المجال ده عشان تكون قويه وتعبت لحد ما وصلتله وطبعا كانت محتاجه فلوس كتير وواسطه عشان تدخل الكليه والفضل لانكل احمد صاحب بابا الله يرحمه انا الاول فعلا زعلت منه لما خلانا انا واختى نسيب بيته ساعتها حسيت بعجز فظيع وانا شايفه اختى الوحيده مش عارفه تعمل اى اها مكنتش فاهمه بس كنت حاسه دى كانت أول ليله ننام فيها واحنا مش عارفين اى اللى هيحصل ولا هنعيش ازاى سابنها على ربنا والحمدلله تانى يوم الصبح انكل احمد جه واقعد معانا وتكلم وقال انو للاسف مش هيقدر يخلينا نقعد معه بس مش هيسبنا وفعلا مسبناش وصرف علينا بقا زى الاب لينا كفايه عليك انهارده كده يا فارس احلامى عشان رهف هتيجى دلوقتي تموتنى بحبك حتى وانا مش عارفك
بسمله قفلت الفون واتفتكرت ادهم
بسمله بسرحان:ياترى ممكن يكون هو فارس احلامى لا لا طبعا أنا لسه شايفه امبارح ازاى هيكون فارس احلامى انا مش هقول لرهف على اللى حصل عشان متقلقش وربنا يستر وطلعت تشوف رهف
رهف بزهق:كل ده
بسمله اقعدت جنبها عشان تفطر وبمرح:معلش
رهف بسخرية:اكيد بتسجلى فيديو
بسمله بابتسامة:ده اكيد
رهف بمرح:ربنا يشفيكى
بسمله بمرح:يارب
رهف:تخلصى فطارك وتطلعى على الجامعه ماشى متتاخريش
بسمله:حاضر هتتاخرى انهارده
رهف:شويه بس مش هتاخر اوى
بسمله:ماشى
رهف:مع السلامه
بسمله:مع السلامه
رهف نزلت على شغلها وبسمله خلصت فطارها وخلصت الأطباق ونزلت بسرعه تلحق جامعتها
__________________استغفر الله العظيم
فى فيلا احمد
فى اوضه ادهم
ادهم بيلبس هدومه الباب خبط
ادهم:ادخل
مازن:كويس انك صحيت انت جيت امتا
ادهم:الفجر
مازن بأستغراب:لي كل ده ؟؟؟؟!
ادهم:عادى السهره عجبتنى
مازن بتنهيده:حد شافك
ادهم:لا متقلقش انا جيت الفجر وكله كان نايم
مازن: طيب الحمدلله يالا عشان تفطر
ادهم:هو انا لازم افطر منتا عارف انى مبحبش افطر
مازن:ده مش بمزاجك يا ادهم ده بمزاج ماما
ادهم:قصدك ساميه هانم
مازن:اديك قولتها يالا
ادهم:يالا اما نشوف اخرتها
ادهم ومازن طلعوا من الاوضه ولسه هينزلوا
مازن بعصبية:جنه
جنه ببرود:نعم
ادهم:انتى رايحه فين
جنه بسخرية: اكيد طبعا نازله افطر وبعدها هروح النادى
مازن:اتكلمى مع اخوكى باحترام وقبل متتطلعى من البيت تغيرى القرف اللى انتى لابسه ده
جنه:ده قرف ده اشيك لابس فى مصر كلها
مازن:اللى اقوله يتنفذ مش عايز كلام كتير فاهمه ولا افهمك بطريقتى
جنه ببرود:اوك وسابته ونزلت
ادهم:شايف
مازن:شايف يخويا شايف البت دى مش هترتاح الا لما اخلص عليها وارتاح منها
ادهم:اتفق معاك فى الحكايه دى تصرفاتها كلها غلط في غلط
مازن: وطبعا محدش يقدر يكلمها عشان دى تربيه الحجه
ادهم:ههه خلى ساميه هانم تسمعك وانت بتقول عليها الحجه هههه
مازن:بس اسكت لتيجى هى مش ناقصه خناق معاها
ادهم:يالا ننزل عشان بالشكل ده مش هتتخانق معاك انت بس مع البيت كله
مازن:يالا
مازن وادهم نزلوا
فى اوضه ملك
ملك نايمه والمنبه رن اول ما رن
ملك قامت من النوم بسرعه ولمت شعرها
ملك: ياربى هو انا لازم كل يوم اصحى بدرى عشان احضر الفطار الممل اللى تحت ده يارب صبرنى وقامت من السرير وطلعت فونها وشغلت الكاميرا فيديو
ملك:صباح الخير اهلا وسهلا بيكم اعزائي المشاهدين احب اقدملكم نفسى انا اسمى ملك احمد الحسين بابا رجل اعمال عنده شركة فى صناعه الادويه وهو دكتور وانا اصغر واحده في عيله الحسين ودى عيله عباره عن بابا و ساميه هانم اللى هى ماما ومازن وادهم وجنه وانا عايشين حياه ممله كل حاجه فيها قوانين حتى الاكل وكل ده لي عشان حضرتها جدها كان باشا وشغال عند الاسره الحاكمه زمان يعنى من حوالى اربعين خمسين سنه كده واحنا اى ذنبنا لازم نستحمل طبعا عشان خاطر ماما والبيت كله بيخاف من ماما حتى بابا طبعا انتو مستغربين انا بعمل كده لي ولي يعنى فيديو انا كده هبقا مجنونه انا نفسى اكون مذيعه وبدرب على ده من دلوقتي طبعا أنا خدت الفكره دى من صاحبتى الانتيم بسمله وانا فى كليه اعلام وبدرب من دلوقتي عشان متوترش اوبس هتاخر كده سلام ونتقابل فى لقاء صحفي قريبا معاكم ملك احمد الحسين
ملك قفلت الفون وغيرت هدومها بسرعه ونزلت جرى على تحت لقت مامتها قاعده بكل فخر وبابها اقعد واخواته كلهم موجودين
ملك لنفسها:طبعا منتى لازم تقعدى كده مش جدك كان باشا
ملك: صباح الخير
احمد: صباح الخير يا حبيبتي تعالى اقعدى يالا
ساميه:عندك انتى عارفه الساعه كام
ملك لنفسها:يادى النيله هنبدا حوار كل يوم
ملك:الساعه سابعه
ساميه: وخمسه متاخره خمس دقايق لي
ملك:انا اسفه اتاخرت شويه فى النوم
ساميه:اتفضلى اقعدى اخر مره
ملك اقعدت جنب ادهم وبدأت تاكل
ادهم همسلها: عاش يا وحش الوحيده اللى بتكسر القوانين
ملك بنفس الهمس: تربيتك يا كوتش
مازن همسلهم:انت بتعلمها اى يبنى اختك اخلاقها هتبوظ كده
ادهم: هى بايظه خلقه ولا اى يا لوكا
ملك:فعلا يا شبح هى بايظه خلقه
ساميه:الكلام ممنوع على الاكل
كلهم سكتوا ورجعوا ياكلوا تانى
مازن قام:يالا يا ادهم
جنه: رايحين فين
مازن:عندنا شغل
جنه:شغل اى يعنى
ادهم:وانتى مالك انتى يالا يا مازن
ادهم ومازن خرجوا وملك خرجت ورائهم بسرعه
جنه:عجبك كده يا مامى
احمد:اخوكى مغلطش ده شغله وانتى بتدخلى لي اصلا
ساميه:احمد متكلمهاش كده وبعدين بتطمن على اخواتها
احمد:على اخواتها بردو انا ماشى
احمد قام مشى
ساميه:جنه تكلمى اخواتك الولاد بعد كده باحترام فاهمه
جنه ببرود:اها انا رايحه النادى بأى
ساميه:بأى
فى الخارج
ادهم كان لسه هيركب عربيته
ملك:ونبى توصلنى فى طريقك
ادهم:خلى مازن يوصلك
مازن:انا هركب معاك اصلا
ادهم:لي عربيتك فين
مازن:فى الصيانه
ادهم:امرى لله اركبوا
مازن وملك ركبوا وادهم بدأ فى القياده
مازن بأستغراب:ملك انتى بتروحى الجامعه لوحدك لي ؟؟؟!
ملك بحزن:عشان معنديش صحاب غير واحده بس بسمله
مازن:طيب متروحى معاها
ملك:بسمله فى كليه طب وانا إعلام
مازن كان لسه هيتكلم ادهم قطعه
ادهم:احسن منك عشان تدخل طب وانتى لا
ملك:بس انا كنت عايزة ادخل اعلام مش طب يا ادهم
مازن: انا مش عارف انت مبتحبهاش لي
ادهم:احبها لي يعنى عيله طفوليه وبتعيط كتير
ملك: ادهم انت اخر مره شوفت فيها بسمله كانت من 15سنه هى دلوقتي كبرت
ادهم:حتى لو كبرت هتفضل زى ما هى
ملك:بس اقف هنا وصلت
ادهم:هتخلصى امتا
ملك باستغراب:الساعه 2لي ؟؟؟!
ادهم:عشان لو خلصت شغلى بدرى اجى اخدك بدل ما تمشى لوحدك
ملك:ماشى بأى
ادهم:بأى
ملك دخلت جامعتها وادهم مشى
مازن:مش بتحبها لي يا ادهم
ادهم:مش حكايه بحبها ولا لا بس هى بنسبالى واحده عاديه جدا
مازن:طيب سوق بسرعه عشان نلحق نوصل
ادهم:طيب وبدأ فى القياده وعقله مشغول بسنفوره وبدأ يضحك وهو بيختيلها وعيونها الزرقاء
مازن بأستغراب:انت اتجننت ولا اى
أدهم:اى؟؟؟؟!
مازن:بتضحك لي
ادهم:افتكرت حاجه ضحكتنى اسكت بقا
مازن وهو يعلم شقيقه جيدا مردفا بخبث:ماشى يا ادهم
ادهم بصله استغرب وسكت
________________صلى على المصطفى الحبيب
فى شقه يوسف
يوسف قام فتح الباب وياسين دخل
ياسين:فى اى ياعم كل ده عشان تفتح الباب
يوسف بزهق:عايز اى على الصبح
ياسين:انت نسيت الاجتماع ولا اى
يوسف بتذكر:اوبس نسيت
ياسين:يالا اجهز بسرعه وانا هعملك قهوه
يوسف:ماشى ربع ساعة واكون جاهز
ياسين:طيب
دلف يوسف إلى غرفته لتبديل ملابسه سريعا بينما ذهب ياسين إلى المطبخ لإعداد القهوه لفت انتباه صوره موجوده فى المطبخ مسكها وبصلها بصدمه وكره فى آن واحد
يوسف من خلفه:انت لقيت الصوره دى فين
ياسين بغضب:تانى يا يوسف لسه محتفظ بصورها لي
يوسف وهو ياخد الصورة منه :انا مش محتفظ بيها انا شكلى نسيت ارمى الصوره دى
ياسين: يوسف متحورش عليا انت لسه بتحبها
يوسف:وانا امتى بطلت احبها عشان يبقا لسه
ياسين:فوق بقا يا يوسف انت نسيت ولا اى بسببها انت كان ممكن تموت لولا ربنا ستر
يوسف بضعف:مش قادر يا ياسين انا حبيتها اوى كانت أول واحده فى حياتى وعملت كل حاجه عشانها كل حاجه وفى الاخر
ياسين بالحزن على صديقه وعلى نفسه:وفى الاخر خانتك يا يوسف دى واحده نصابه متستهلش انك تعمل فى نفسك كده عشانها فوق بقا حرام عليك وجعت القلب دى
يوسف بصله بحزن:حولت كتير حولت بس مفيش فايده من يوم وليله خسرت كل حياتى وصاحب عمرى
ياسين:اوع تقول عليه صاحب عمرك ابدا ده واحد خاين يا يوسف خاين فوق بقا يا يوسف من الوقر اللى انت عايش فيه ده كفايه لحد هنا دوس على قلبك ده وانسى هى مستهلكش يالا قوم ورانا شغل مش عايز اشوفك ضعيف كده متعودين على يوسف البارد والقوى
يوسف:خدته معاها ومشت
ياسين بتحذير: يوسف!!!!!!!
يوسف:خلاص اوعدك انى هحاول أنساها
ياسين:مفيش هحاول في هنساها
يوسف:حاضر يالا خلينا نخلص من فقره الام وبنتها دى ههههه
ياسين بتعجب:يا ابنى انت اى كل حاجه هزار قوم خلينا نخلص
يوسف:كده مش عاجب وكده مش عاجب اعملك اى يا ابنى
ياسين:قوم يا ابنى خلينا نخلص
يوسف:يالا
__________________اسغفر الله العظيم يارب
في المقر وصل الجميع وبدأت رهف فى الحديث
رهف:كله كده تمام
ادهم:هنبدا انهارده
يوسف:الا قوليلى يا رهف
رهف بأستغراب:نعم
يوسف:هى دى عيونك بجد
الكل بص ليوسف باستغراب عدا مازن الذى نظر له بغضب
رهف ببرود وحده:ايوى يا سياده المقدم وبعد اذنك ده مكان شغل مش كلام فارغ
يوسف همس لياسين:دى مبتهزرش ياعم
ياسين بنفس الهمس:اسكت الله يخربيتك مازن شكله هيقوم يموتك
يوسف بص لمازن بخبث واستنتج حاجه واردف بجد:خلاص مش هزر المهم هى بنت عبدالله النسور اسمها اى
ادهم:انت فايق أوى يا يوسف هو ده وقت بنات
يوسف:يا ابنى استنا يعنى احنا لازم نعرف اسمها وشكلها
مازن بغضب خفيفه:وده لي إنشاء الله يا أستاذ يوسف هتروح تشوف واحده ميته
يوسف:يا ابنى ريحينى انا عايز اعرف
رهف:اسمها عشتار يا سياده المقدم ودى صور ليها وبدأت تعرض الصور على شاشه العرض
ياسين مازن أدهم بصوا للصوره بصدمه كبيره
رهف بأستغراب:فى اى
يوسف:فهمتوا لي قولت عايز اشوف صورها
رهف:هو فى اى
يوسف:فى أن الاستاذه عشتار ممتش اصلا ودى خدعه اتعلمت علينا
رهف بصدمه:نعم ازاى !!!!!
ادهم:ازاى ماتت وهى كانت معايا بليل !!!؟
رهف:معاك ازاى؟؟؟؟دى ميته!!!!
مازن: انا شايفها امبارح
ياسين:يعنى احنا اضحك علينا
ادهم: مستحيل تكون ماتت انا مقضى معاها الليل كله
رهف بصدمه:اى!!!!!!
مازن:احنا اتلعب علينا ؟!
رهف:هنعمل اى
مازن:الخطه كالتالي انا ورهف مهمتنا نراقب عبدالله النسور ونعرف كل حاجه عنه يوسف معتصم الشريف ياسين عاصم الحديدى ادهم عليك عشتار دى هحاول تعرف منها كل حاجه
ادهم:تمام
رهف:ياريت لو نبدا من دلوقتي عشان فى اخبار بتقول أن فى شحنه مخدرات كبيره اوى داخله البلد قريب
ادهم:تمام نبدا من دلوقتي يالا كل واحد على موقعه
مازن: ماشى
الكل بدأ ينسحب
مازن:يالا يا رهف
رهف:يالا يا سياده المقدم
مازن بضيق:مازن يا رهف مش سياده المقدم
رهف ببرود:مش هتفرق يالا خلينا نخلص
مازن بضيق:يالا
_______________صلى على الحبيب المصطفى
وصلا كلا من رهف ومازن أمام قصر عبدالله النسور
رهف ومازن واقفين
رهف:هنعمل اى
مازن:اكيد طبعا مش هنخش ونعمل تحقيق
رهف:اكيد طبعا بس هنعمل اى دلوقتي
مازن:شايفه الحرس دول
رهف:فكره هايله انا ممكن اروح واسائلهم وهما اكيد هيقولولى
مازن:ولي يعنى هيقولولك
رهف:هتعرف دلوقتي وسابته ومشت
مازن لنفسه:دى ناويه على موتى وموتها ربنا يستر أما اشوف هتعمل اى
عند الحرس رهف راحت ووقفت قدامهم بالظبط ووقعت في الأرض والحرس اتلموا عليها وكبير الحرس جه
كبير الحرس:فى اى ومين دى
احد الحراس:دى واحده اغمى عليها هنا
كبير الحرس:طيب حد يشوفها مالها دخلوها جوه بسرعه وخلوا حد من الخدم يحاول يفوقها
حارس اخر:هشلها ادخلها يا فندم
كبير الحرس:بسرعه
الحارس شالها ودخلها ورهف فتحت عيونها وغمزت لمازن وكملت تمثيل
مازن: يخربيتك لو اتكشفتى هنروح فى داهية وهتكون آخره اللى يشتغل مع حريم تانى ومش هلحق اتجوزك ربنا يستر
فى الفيلا من الداخل الحارس دخل رهف و ندا على واحده من الخدم تيجى تشوفها وهو مشى
الخادمه بتحاول تفوقها بس مفيش فايده رهف فتحت عيونها وبصت حواليها بسرعه ملقتش حد غير الخدامه فى المكان قامت بسرعه والخدامه استغربت من سرعتها
رهف طلعت مسدسها والخادمه كانت لسه هتصوط
رهف بتحذير:ايكى تفكرى حتى تعمليها لو صوطى هيكون اخر يوم ليكى فى الدنيا ولو سمعتى كلامى هتفضلى عايشه ها قولتى اى قررى بسرعه
الخادمه بخوف:انتى عايزه اى
رهف:اسمك اى
الخادمه:هدير
رهف:فى مكان آمن هنا نتكلم فيه
هدير:اها اوضتى
رهف:قدامى بسرعه عليها وايكى تعملى صوت
هدير:حاضر
رهف مشت ورائها لحد ما دخلت اوضتها وسكت الباب بسرعه
رهف:اقعدى
هدير قعدت قدامها وبخوف: عايزه اى
رهف:هسالك سؤالين
هدير: سؤالين اى
رهف: عشتار لسه عايشه ولا لا
هدير بخوف:ماتت
رهف رفعت المسدس على رأسها:هقرر السؤال تانى عشتار لسه عايشه ولا لا
هدير:اها عايشه عايشه
رهف:ازاى وهى ماتت من سنه
هدير:مماتش دى كانت لعبه
رهف:ازاى لعبه ؟!
هدير:هقولك كل حاجه بس متموتنيش
رهف:قولى بسرعه
كانت هدير على وشك الحديث لكن سمعت صوت كبير الحرس ينادى عليها
هدير بخوف:لازم ارد اعمل اى
رهف بتفكير:بصى انا هطلع معاكى دلوقتي أن قولتى حاجه هموتك انتى فاهمه
هدير بخوف:فاهمه
رهف وهى تضع مسدسها فى جيبها:وانا هعرف اوصلك تانى لو عرفت منك اللى انا عايزاه هديكى مكافاه كبيره اى رايك فى الاتفاق ده
هدير بخوف:ماشى موافقه بس متقتلنيش
رهف:لو فتختى بوقك عيلتك وحياتك هتكون فى خطر فاهمه
هدير:اها فاهمه
رهف:يالا نطلع
هدير مسكت رهف وطلعت معاها
كبير الخدم:روحى انتى يا هدير حضرى الغداء للباشا
هدير:حاضر يا بيه
رحلت هدير ونظر كبير الخدم الى رهف بشك
كبير الخدم:انتى مين
رهف بخوف وكدب:انا ليلى
كبير الخدم:بتعملى اى هنا
رهف:انا صحفية وكنت عايزه اقابل عبدالله بيه بس تعبت واغمى عليا
كبير الخدم بشك:اممم خدتى معاد مع البيه
رهف:لا لسه
كبير الخدم:طيب يا انسه البيه مش هيقدر يشوفك دلوقتى يالا اتفضلى بقا والمقابلات بتكون فى الشركه مش هنا فاهمه
رهف بخوف:اها فاهمه عن اذنك
أشار كبير الخدم لواحد من الحرس:خدها بره
رهف طلعت مع الحارس وحمدت ربنا أنها طلعت عايشه اصلا ومشت شويه لحد عربيه مازن وبعدين ركبت
مازن بقلق وخوف:كل ده انا قلقت عليكى
رهف بأستغراب وجمود:انت نسيت ولا اى يا سياده المقدم شغلنا كله قلق
مازن بضيق:انتى بتتكلمى معايا كده لي
رهف:سياده المقدم احنا فى شغل وياريت تتحرك بسرعة
مازن:طيب عرفتى حاجه
رهف:اها بس المكان مش مناسب ممكن تتحرك
مازن:اها طبعا وبدأ فى القياده
___________________استغفر الله العظيم يارب
#رهينة العشق
#نرمين جمال
ملاحظه (عشقت غيث ليها نوفيلا تكميله هتنزل امتا لسه معرفش اتمنى تشجعونى عشان استمر 🙂)
