بسم الله الرحمن الرحيم
صلى على المصطفى الحبيب
استغفر الله العظيم يارب
الحلقه الرابعه
#############
عاد كلا من رهف ومازن إلى المقر ولم يجدوا أحد سوى ادهم
مازن:انت جيت امتا
أدهم:من ربع ساعة
رهف:وصلت لحاجه
ادهم:بليل
رهف بأستغراب:بليل ازاى؟؟!
ادهم:انا سألت فى النادى وقالولى أنها بتيجى كل يوم بليل
رهف:وهتعمل اى
ادهم:هعرف منها كل حاجه متقلقيش
رهف:تخلى بالك كويس
أردف مازن بضيق:ممكن تقولى بقا اى المعلومات اللى انتى عرفتيها
حكت لهم رهف ما حدث بينها وبين هدير
ادهم:هى ممكن تفتح بوقها وتقول
رهف:لا متقلقش انا هددتها كويس اوى وجبت كل المعلومات عنها
مازن:تمام تخلى بالك كويس انتى كمان
رهف: متقلقش
مازن:هتروحى تقابليها امتا
رهف:هتصل بيها دلوقتي واعرف اوصلها ازاى
مازن:تمام
انسحبت رهف على جنب لتقوم بالاتصال بهدير
ادهم:مالك يا مازن
مازن:مالى ازاى؟؟؟؟
ادهم:مش عليا انت من ساعه ما دخلتوا ومنزلتش عينك من عليها يا سياده المقدم
مازن بكذب:بيتهيالك
ادهم بعدم تصديق:مش عليا انا اخوك واكتر واحد فاهمك اى اللى بينك وبينها
مازن:وطى صوتك وبعدين مفيش حاجه بينى وبينها انت مجنون اللى بينا الشغل وبس وبعدين انت عارف مين دى
ادهم بأستغراب:هتكون مين يعنى؟؟؟؟؟؟؟
مازن:دى رهف محمد بنت انكل محمد لو لسه فاكره
أدهم بمحاولة التذكر: ام عيون زرقاء
مازن بضيق :ايوى هى يخويا
ادهم بخبث:قولتلى حب الطفوله رجع تانى
مازن:اخرس يالا هى جايه مسمعش صوتك
ادهم بخبث:ماشى يا عم هسكت
رهف جاءت وبصتلهم باستغراب
رهف:فى اى سكتوا اول ما جيت يعنى
ادهم:لا لا مفيش حاجه المهم وصلتى لأى
رهف:هروحلها بليل
مازن:انا مش مطمن
رهف:لي؟؟!
مازن:افرض قالت لعبدالله النسور كل حاجه
رهف:متقدرش
ادهم:لي بقا ؟؟؟؟
رهف:انا هددته بالشخص ده وطلع تليفونها وعرضت صوره لشاب
ادهم:مين ده؟؟؟؟
رهف:ده حبيب هدير
ادهم:امممم فهمت وهى طبعا هتنفذ كل حاجه عشان خاطره
رهف:بالظبط
مازن:انتى كده بتلعبى بالعواطف يا سياده المقدم
رهف بثقه:فى شغلنا مسموح نلعب ب اى حاجه
ادهم وهو ينظر لاخيه بحزن:فعلا
مازن: يوسف وياسين فين
ادهم:انا هتصل بيهم اشوفهم فين
مازن:ماشى
ادهم انسحب يكلم يوسف
مازن:هتروحى امتا تشوفيها
رهف:بليل
مازن:هعدى عليكى واروح معاكى
اردفت باعتراض:لا انا هروح لوحدى ملوش داعى وجودك
مازن بإصرار وعصبيه:وانا قولت هجى معاكى احنا الاتنين فريق واحد ولا نسيتى ودى مهمتنا مش مهمتك انتى لوحدك فاهمه هعدى عليكى بليل يا سياده المقدم عن اذنك دلوقتي
لم ينتظر أن يسمعها ردها ورحل بينما رهف تنظر له باستغراب من تغيره المفاجأة متمتمه بصوت هامس :ماله ده أضيق لي
جاء ادهم ونظر لها بأستغراب:هو مازن راح فين
رهف:تقريبا مشى
ادهم:تمام انا كلمت يوسف وقالى مقدروش يوصلوا لحاجه عاصم الحديدى مسافر ومحدش عارف مسافر فين
رهف:ومعتصم الشريف
ادهم: موجود هنا فى مصر
رهف:تمام مستنساش تعرف كل حاجه من عشتار
ادهم بثقه: متقلقيش كله هيكون تمام
رهف:تمام عن اذنك انا بقا
ادهم:اتفضلى
كانت على وشك الخروج اصطدمت بأحد ما كانت ستقع لولا يده
نظرت لترى من هذا
مازن:انتى كويسه
رهف بخجل من وجه القريب هذه هى المره الاولى التى ترى ملامحه بهذا الجمال:اها شكرا
ساعدها مازن على الوقف مردفا:خلى بالك بعد كده
نسى الاثنين وجود ادهم ينظرون فى عيون بعض ربما العيون هى من تتكلم
ادهم واقف ينظر لهم بخبث رأى نظراتهم لبعض مردفا بخبث:انت مش مشيت !!
أنتبه كلا من رهف ومازن لصوت ادهم شعرت رهف بالخجل ورحلت
مازن بضيق وغضب:كان لازم تتكلم يعنى
أردف بخبث وسخرية:وده مكان شغل مش حب يا سياده المقدم مش ده كلامك بردو
مازن بضيق:اخرس يا ادهم
ادهم:حاضر هسكت انت رجعت لي
مازن نسيت تليفونى
ادهم:انت رايح فين
مازن:هروح اجيب عربيتى
ادهم:تمام تعال معايا اوصلك واجيب ملك بالمره الساعه اتنين الا ربع اهى
مازن:ماشى يالا
__________________صلى على رسول الله
فى كليه الطب
تجلس بسمله فى الكافتيريا تشعر بالتعب في جميع أنحاء جسدها أخرجت هاتفها وهتفت ملك لأنها قريبه منها وايضا لا تريد أن تقلق رهف وماهى الا ثوانى حتى ردت ملك عليها
ملك:ايوى يا بوسى
اردفت بالرد عليها بتعب:ايوى يا ملك
شعرت ملك أن صوتها متغير:مالك يا بسمله فى اى
بسمله بتعب:انا تعبانه اوى ومش قادرة اتحرك معرفش مالى
ملك بقلق:انتى فين
بسمله:فى الكليه
ملك:طيب كويس اطلعى هتلاقينى واقفه بره
بسمله:ماشى
أقفلت بسمله مع ملك وقامت وهى تمشى بتعب للخروج من الجامعه وخرجت وجدت ملك تقف على الجهه الأخرى من الطريق أشارت ملك إليها
عند ملك رأت بسمله خارجه أشارت لها وكانت على وشك الذهاب إليها لكن قاطعها رنين هاتفها اخرجته وقامت برد كان ادهم
ادهم:ايوى يا لوكا انتى فين
ملك:قدام الكليه
ادهم:طيب انا قريب منك خمس دقايق واكون عندك
ملك وهى تنظر تجاه بسمله التى تعبر الطريق بتعب ولم تنتبه لتلك السياره القادمة صرخت ملك بأعلى صوتها وتركت الهاتف
سمع ادهم صوت صراخها وقلق عليها بشده وساق بسرعه كبيره
اتجهت ملك إلى بسمله الواقعه على الأرض وجلست بجانبها بخوف شديد وهى تبكى وتردد باسمها:بسمله
خرج كلا من يوسف وياسين من السياره ليروا ماذا حدث
يوسف بقلق فهو من كان يسوق ولم ينتبه لها :يا انسه هى كويسه
نظرت له ملك بغضب جامح:انت حمار مش تفتح
ياسين:يا جماعه خانقوا بعدين لازم نوديها المستشفى بسرعه
يوسف:اها يالا
ولسه هيقرب عشان يشيل بسمله ادهم جه
ادهم وصل ونزل من السياره بسرعه ووقف قدامهم:فى اى وبص على اللى راقده على الأرض وهمس بصوت خافت مصدوم: سنفوره
يوسف:ادهم
ادهم بغضب:اى إللى حصل
ياسين:انتو لسه هتتكلموا يالا ننقلها مستشفى
ادهم بغضب:اوع انا هشلها
يوسف بعد وادهم شالها حاطها فى عربيته وملك ركبت معه وبدأ فى القياده لاقرب مستشفى منه
ويوسف وياسين وراء
فى المستشفى
بسمله دخلت اوضه الكشف والدكتور معاها وملك وادهم وياسين ويوسف واقفين بره
ادهم:اى اللى حصل
يوسف:انا خبطها من غير قصد
ادهم:عقلك كان فين وانت بتسوق
يوسف:مخدتش بالى يا ادهم
ادهم كان لسه هيشتموا بس ياسين قاطعه
ياسين:خلاص يا ادهم اهدا لحد ما نشوف اى اللى هيحصل والدكتور هيقول اى
ادهم بصله وسكت وراح اقعد جنب ملك الخايفه
ادهم: أهدى يا ملك هى انشاء الله هتكون كويسه ومش هيحصلها حاجه انشاء الله
ملك بخوف:انا خايفه اوى عليها يا ادهم
ادهم: انشاء الله هتكون كويسه أهدى
ادهم هدا ملك و فونه رن قام يرد بعيد
يوسف كان واقف مع ياسين وبيبص لملك ساب ياسين وراح يجبلها قهوه تهدى اعصابها شويه
ملك بعد ما ادهم قام طلعت فونها واتصلت ب رهف وقالتلها على اللى حصل وقفلت معاها لقت حد بيقدملها القهوه بصت تشوف مين
يوسف باعجاب:خدى اشربى ده
ملك:شكرا مش عايزة
يوسف:براحتك وقام وسابها
ملك لنفسها:اى البارد ده يارب الصبر
ادهم رجع واقعد جنب ملك تانى:الدكتور مطلعش
ملك:لا لسه انت كنت فين
ادهم:كنت بكلم مازن هو جاى
ملك: طيب
شويه ومازن جه كان قريب منهم اصلا
مازن:فى اى اللى حصل
ادهم:اسال الأساتذة وبص ليوسف وياسين
مازن: عملتوا اى؟!
ياسين: يوسف خبط واحده
مازن: يخربيتك طيب هى كويسه ولا اى
ياسين:محدش عارف الدكتور بقاله ساعه جوه محدش عارف حاجه
ادهم كان لسه هيتكلم بس سكت لما شاف رهف جايه جرى
رهف بتحاول تاخد نفسها:اى اللى حصل يا ملك
ياسين همس ليوسف ومازن:اى اللى جابها دى
يوسف بنفس الهمس:اصبر وهنعرف دلوقتي
ملك:بسمله عملت حادثه
رهف بخوف:هى فين جرالها حاجه
ادهم:ممكن تهدى عشان متتعبيش لسه الدكتور مقالش حاجه
رهف باستغراب:انتو؟! بتعملوا اى هنا
ياسين:ماهو يوسف هو اللى خبطها وانتى بتعملى اى هنا
رهف:اللى خبطها تبقا اختى
ادهم بص لمازن بأستغراب وصدمه سؤال واحد يروده سنفوره اخت رهف
لحظت ملك علامات استفهام على وجه ادهم:ادهم دى رهف اخت بسمله بنت انكل محمد
يوسف: انتو تعرفوا بعض
ادهم:ايوى
يوسف:طيب انا اسف يا سياده المقدم كنت سايق ومخدتش بالى
رهف بنبره مخيفه: مقدرش اقبل اعتذارك الا لما اطمن على اختى الاول ولو جرالها حاجه لندمك على اليوم اللى فكرت تسوق فيه تمام
مازن:انشاء الله مش هيحصل حاجه ولسه هيكمل الدكتور طلع والكل اتجمع حواله
رهف بقلق وخوف: خير يا دكتور
الدكتور: الحمدلله هى كويسه دلوقتي ومفيش اى إصابات محتاجه أنها ترتاح شويه وتاخد الادويه دى عن اذنكم الدكتور مشى
يوسف بمحاولة الهروب من رهف:انا هجيب الادويه
ياسين:وانا هاجى معاك
يوسف راح هو ياسين يجيبوا الادويه وملك وادهم ومازن ورهف دخلوا يشوفوا بسمله
رهف اول ما دخلت جرت عليها وحضنتها وبعدت عنها
رهف بعصبية:انتى غبيه ازاى تعدى الشارع من غير متاخدى بالك افرضى جرالك حاجه
مازن بص لرهف باستغراب من خمس دقايق كانت خايفه عليها ودلوقتي متعصبه عليها
ملك: الحمدلله هى كويسه يا رهف دلوقتي سبيها ترتاح
رهف هدأت نفسها:تقدرى تروحى انهارده ولا نستنا لبكره
بسمله بصوت ضعيف:اها هقدر انا كويسه دلوقتي
ادهم كل ده واقف بيبص لبسمله متغيرتش لسه زى ماهى مهما كبرت هتفضل مثل القمر بشعرها الاسود وعيونها الزرقاء سنفوره هى بسمله وبسمله هى سنفوره البنت اللى بيكرها من الطفوله طيب بيكرها لي هى معملتلوش حاجه عشان يكرها بيكرها لي بقا قطع افكاره صوت رهف
رهف:طيب يالا قومى معايا
بسمله قامت مع رهف وطلعت من الاوضه والمستشفى كلها وساعدتها أنها تركب العربيه
رهف:شكرا اوى يا ملك انتى وأخواتك على واقفتكم معايا ومع اختى انهارده
ملك:العفو متقوليش كده انتى عارفه ان بسمله اختى واعمل اى حاجه عشانها
رهف:تسلمى يا قمر
يوسف وياسين جوه وأدوا الادويه لرهف
يوسف:انا اسف مره تانيه
رهف:حصل خير وهى كويسه دلوقتي بس خلى بالك المره الجايه
يوسف:انشاء الله
رهف:اشوفكم بكره انشاء الله
مازن:انشاء الله بليل متنسيش
رهف: إنشاء الله
رهف ركبت عربيته وساقت ومشت
ملك:ادهم مازن
ادهم:اى
مازن:نعم
ملك:الساعه دلوقتي خمسه
ياسين ويوسف بصلهم باستغراب
ادهم: استغفر الله العظيم يارب حرب هتقوم دلوقتي
مازن:ساميه هانم مش هتعدى اللى حصل ابدا
يوسف:انتو لسه عايشين على القوانين
ادهم:ايوى يخويا
ياسين:ربنا معاكم ونتقابل بليل يالا يا يوسف وصلنى
يوسف:يالا
ادهم:يالا احنا كمان تعالى معايا يا ملك
ملك:طيب
مازن ركب عربيته وادهم بردو وياسين ركب ويوسف لسه هيركب بص لملك وغمزلها وركب عربيته ومشى
ملك كانت واقفه متنحه مش عارفه اى اللى حصل بالظبط واى معنى اللى هو عمله
ادهم بصوت عالى:يالا يا ملك هتفضلى واقفه كده
ملك فاقت من أفكارها بسرعه وركبت وادهم ساق ومازن ورائه
_____________________صلى على رسول الله
فى منزل رهف
دلفت رهف وهى تساند بسمله بالدخول وضعتها فى غرفتها ونظرت لها بغضب
اردفت بسمله بتعب:انا اسفه
نظرت لها رهف وقد تناست كل غضبها وجلست بجوارها:يا حبيبتي افهمى انا لو ضيقت عليكى ده عشان خايفه عليكى يا بسمله انا مليش حد فى الدنيا دى غيرك انتى ومش هستحمل يجرالك حاجه عشان خاطرى خدى بالك من نفسك عشان خاطرى
اردفت بسمله برد عليها والدموع تملى عينها:مخدتش بالى والله متزعليش منى بقا اخر مره
رهف:اخر مره وعد
بسمله:وعد
رهف:يالا ارتاحى بقا وانا هحضرلك حاجه تاكليها عشان ورايا شغل بليل
تذكرت بسمله عندما قال مازن لرهف بليل واردفت بخبث:بليل !!
رهف وهى تعلم ماذا تقصد اختها:بس يا ام دماغ شمال ده شغل
بسمله:شغل بردو مش عليا يا حبيبتي دانا اختك يعنى اعرف اللى انتى متعرفهوش عن نفسك يالا اعترفى
رهف فى محاولة الهروب:اعترف ب اى انتى مجنونه بطلى افكارك دى انا هقوم اعملك الاكل بدل ما اخلص عليكى هنا
بسمله بسخرية:ماشى يا رهف اهربى براحتك بكره تعرفى انى بتكلم بجد
رهف بصتلها وسابتها وطلعت عقب خروجها سندت بسمله راسها على السرير وهى تتذكر ادهم مردفه فى همس:ادهم احمد واخيرا شوفتك تانى
_____________________استغفر الله العظيم
فى فيلا احمد الحسين الساعه بقت خمسه ونص
فى الصالون
احمد قاعد وجنه جنبه وساميه رايحه جايه فى الاوضه وبعصبيه:ازاى التلاته يتاخروا عن معاد الغداء مفيش احترام للقوانين خلاص وكمان مبيردوش التليفونات خلاص كل واحد عايز يتصرف على حريته خلاص نسوا قوانين وده مش هيحصل طول منا عايشه القوانين تفضل موجوده البيت ده هيفضل يمشى بقوانين انا لاخر نفس فيا لما يجوا بس عقاب ليهم هما التلاته
احمد لنفسه:ربنا يسترها عليكم يا ولادى الشيطان اللى كان ساكت قام
ساميه:احمد
احمد بفزع وخوف:ايوى حاضر
ساميه:اتصل بالبهوات شوف هما فين دلوقتي يسيبوا اللى فى ايدهم ويجوا والا يومهم مش كويس
فى اللحظه دى ادهم ومازن وملك دخلوا وسمعوا صوت ساميه
مازن بخوف: اشهد ان لا اله الا الله اشهد ان محمدا رسول الله داخلين على حرب
ملك:انا هطلع على اوضتى جرى من غير متشوفنى
ادهم:يا جبانه هتهربى
ملك:مش احسن ما واجه الاعصار اللى جوه ده
ادهم:تعالى بس ومتخافيش خليكى شجاعه دانتى اختى
ملك:بلا وكسه يخويا اخوك الكبير بيتشهد على روحه
ادهم بص لمازن: عجبك كده اهى هتشتمت فينا
مازن:مش وقته يا زفت انت وهى نواجه الاعصار اللى جوه الاول وبعدين يبقا نشوف
ادهم:يالا نخش
ملك:من بعدك
مازن: السيدات اولا
ملك:يا جبان
ادهم:مازن معه حق يالا ادخلى
ملك:جبان هدخل وبثقه كمان مش خايفه
ادهم:ورينا
ملك:هوريكم يالا
ملك دخلت وادهم ومازن ورائها
ساميه:اهلا اهلا ب البهوات
ملك خافت ورجعت وراء ادهم
ادهم بهمس:جبانه
ملك بنفس الهمس:عارفه اسكت
ساميه:كنت فين يا استاذ منك ليها لحد دلوقتي انتو عارفين أن ممنوع حد يتغايب عن الغداء صح ولا لا
مازن بشجاعة:صح يماما بس
ساميه بصراخ:بس ؟؟؟؟! اتكلم انت وهو وانتى يا استاذه كنتى فين لحد دلوقتي معاهم بردو
ملك بخوف وبسرعه:اصل بسمله عملت حادثه وانا اتصلت ب ادهم ومازن وروحنا المستشفى وهى لسه طالعه واحنا جينا احلا بعد مطلعت
احمد بخوف: حادثه اى؟!طيب هى كويسه
مازن:اها يا بابا كويسه وروحت مع اختها البيت
ساميه بغضب:وانتو مالكم ومال الايتام دول
جنه بقرف:نزلتوا مستواكم لمستوى الأيتام
مازن بغضب:الأيتام اللى مش عاجبينك دول واحده فى الطب وواحده مقدم رغم أنها قدك واتخرجت وأكمل بسخرية وانتى لسه في سنه تالته كليه اداب
جنه بغضب:ماما ابنك بيقارنى باليتيمه دى
ساميه بغضب:مازن انت ازاى تقارن اختك بواحده زى دى انت نسيت متسواك ولا اى اللى بتتكلم عنها دى يتيمه وفقيره كمان
ادهم بص لمازن بمعنى لا فائدة من الكلام معاها
مازن:عن اذنك يماما عشان لو فضلت واقف كده هعمل جنائية هنا وسابهم وطلع اوضته وادهم طلع ورائه
ساميه:ملك علاقتك تتقطع باليتيمه دى فاهمه ولا لا
ملك:انا اسفه يماما بس انا مش هقطع علاقتى ببسمله ابدا عن اذنك وسابتهم وطلعت اوضتها
احمد ساب ساميه مشغوله مع جنه وطلع من الفيلا عشان يطمن على بسمله
جنه:عجبك كده يا مامى الأيتام دول مسيطرين على البيت كله
ساميه بغضب:عندك حق
جنه:يخوفى يمامى لواحد من اخواتى يحب واحده فيهم
ساميه: مستحيل ده يحصل ابدا مستحيل
جنه:انا بنبهك من دلوقتي يمامى وبعدين اللى اسمها بسمله دى مسيطره على ملك اوى وشكلها كده بترسم على واحد من اخواتى
ساميه بقلق: تفتكرى
جنه:دانا متاكده يمامى
ساميه:طيب والعمل
جنه: العمل عندى
ساميه:اى هو
جنه:هقولك وبدأت تقولها على خطتها
ساميه:برافو عليكى يا جنه انتى كده اثبتى انك بنت ساميه هانم
جنه:طبعا يا مامى دانا تربيتك
ساميه بتساؤل:هو احمد راح فين
جنه:اتلاقيه راح يشوف اليتيمه
ساميه بعصبية:ياربى مش هخلص منهم ابدا
جنه:هتخلصى منهم وقريب اوى المهم يا مامى انا رايحه عند واحده صحبتى واحتمال انام عندها ساميه كانت لسه هتعترض بس جنه كملت كلامها وبالمره اظبط الخطه اللى قولتلك عليها
ساميه:إذا كان كده ماشى
جنه: تسلمى يا احسن ام فى الدنيا
جنه طلعت اوضتها بسرعه تجهز نفسها
___________________________اذكر الله
فى المساء في منزل رهف وبسمله
دلفت رهف الى غرفه بسمله
وجدتها مسيقظه تمسك بهتافها
رهف:يالا خدى الدواء ونامى انتى محتاجه راحه
بسمله:انتى ماشيه دلوقتي
رهف:اها متخافيش مش هتاخر
بسمله:طيب
رهف:خلى بالك من نفسك لو حصل حاجه كلمينى بسرعه
بسمله:حاضر وانتى كمان خلى بالك من نفسك
رهف:حاضر سلام
بسمله:مع السلامه
خرجت رهف وتركتها ولسه بتفتح الباب و هتمشى لقت احمد جاى
رهف باستغراب:انكل ؟؟
احمد بخوف:بسمله كويسه
رهف:اها الحمدلله
احمد:هى فين
رهف:جوه
احمد باستغراب:انتى رايحه فين؟؟؟
رهف:عندى شغل
احمد: دلوقتي؟!
رهف: طبيعية شغلى كده
احمد:خلى بالك من نفسك
رهف:حاضر بسمله خدت الدواء وهتنام هتدخل تشوفها
احمد:لا سبيها ترتاح الحمدلله انها كويسه همشى انا بقا واجى بكره اشوفها
رهف:ادخل شوفها دلوقتي وخلاص
احمد:لا سبيها نايمه وانتى متتاخريش
رهف:حاضر
احمد:امشى انا بقا
رهف:مع السلامه
احمد:الله يسلمك
احمد مشى ورهف سكت الباب ونزلت ووقفت قدام البيت ولسه هتطلع تليفونها عشان تتصل ب مازن لقته جاى فتحلها الباب وركبت معه
مازن:اتاخرت
رهف ببرود مصطنع:لا
مازن بضيق من برودها:هو بابا كان هنا
رهف:اها
مازن:العنوان
قالت له رهف العنوان وبدأ هو فى القياده بسرعه
______________________صلى على المصطفى
فى النادى الليل
كان يجلس كلا من ادهم ويوسف وياسين ف انتظار عشتار
ادهم:هى اتاخرت كده لي
يوسف:اصبر وهى هتيجى
نظر ياسين باتجاه المدخل صدم مما رآه نظر الى ادهم فى صدمه
ياسين بصدمه:ادهم
____________________صلى على رسول الله
#رهينة العشق
#نرمين جمال
