Kha mihring han chapo dan em em kha, khawn thluk chawrh ka va chak em..hetiang mihring khawngaihna pawh nei lo, sum chuah ngaihtuah mi hi kan lo la awm a nih dawn hi..
Ka hming chu Thelma a ni a, Thelma tih deuh tlawng a ni mai..ka nu hi korean a ni a, ka pa erawh English mi a ni thung..ka nu in ka hming bulah korean hming dah a duh laiin, ka pa in English dah a duh ve bawk a..ka hming phuah turah an in lungrual thei tak silo ah chuan Thelma tih tlawng ka lo pu ta a ni..
Mi hausa chhungkua kan ni lova..ka pa in company pakhat ah security chief hna a thawk a, ka nu erawh a hriselna a chhiat avangin inlam ah a tul² thawkin a awm a, kei erawh kan khua ah bazar lun ve ber, tunah mihring chapo lutukin rawn thiah darh vek a tumna ah sawn dawr tereuhte ka nei ve a..nitin ei khawp chu ka thawkchhuak ve reng a ni.. college ka zo chiah a..ka pa in zir zawm zel turin min duh a, mahse ka zirna senso a hautak chho zel avangin hetia mahni ah dawr siam hi ka thlang zawk a ni, ka pa rilru ka ti hah mai mai
"Thelma, bawihi he hmun neitu thar chu i va hmu thei ta em" ka pu, ka thenawm chiah ah dawr siam pu Jung chuan a rawn ti a..midang ho pawh ka thusawi ngaichangin min hual thup a..
Oops! This image does not follow our content guidelines. To continue publishing, please remove it or upload a different image.
"Aw hmu thei e, mahse beisei ti sang vak lo ula..a landan atang chuan keini hi min khawngaih hmel tehchiam lo" ka tawngkam hi a nem hran lova...han sawi mawi vak dan lah ka thiam lo..ka nihna ang ang hian ka lang a, mi lungngaih lai laiin ka thusawi chuan an lungngaihna a belhchhah a ni ngei ang..phun sep sep chung chuan an kal darh a..
"Aw engtin nge kan tih ang, he hmun atanga kan chhuah chuan ka fa ten enge an ei tak ang" ka thenawm lawk ah thu pitarte chuan lungchhe deuh hian a ti a, ka khawngaih lutuk hi engtik laiin nge ka mittui a lo tlak ve pawh ka hre lo...
Kha mihring kha hmeltha viau mahse..khawngaihna leh lainatna a nei lo, a tan chuan khawvel hi a awlsam lutuk, heng mirethei tete nitin ei khawp hmu tawk tawk te hian engtin nge hringnun an hman tih reng a dawn pui lova..a ma hlawkna tur chuah a um a..duham lutuk mai, sumdawnna dang tamtak a nei teuh tawh si a..engvanga helai hmun hi rawn beisei tlat nge a nih..engtin nge heng ho ka chhanhim theih ang..khapa hnenah kal a, khawngaihna dil chiam chiam kha a finthlak ber bawk silo..a hmel atang khan a ngaithla dawn lo tih a hriat..
Ka bag chu la in, dawr ka khar a..kan inlam pan chuan bus chuan ka haw a...
TAEHYUNG P.O.V
"Sir kan let tawh dawn mi, meeting i la nei bawk si" ka secretary in a rawn tih chuan ka harh chhuak thut..
Ka office ah lo kal, kha hmeichhia ngei mai kha, ka building turah sawn dawr a nei ve a ni ngei ang, bakah an hotu a ni deuh reuh a maw ni..an hual deuh thup bawk si, ral khat atangin a che tla lai chu ka secretary nen chuan kan thlir reng a..saw tia a nui sawn a hmeltha reuh lutuk ringawt, engtik laiin nge ka lo khik ve pawh ka hre lo..het² hetiang in i awm thei lo ang..keimah leh keimah chu ka in hau mawlh mawlh a..
"Secretary Naa"
"Aw sir"
"Kha hmeichhia kha lo chhui chiang ang che" thupe aw tak chuan ka ti a..
"Tu kha maw" a rawn tih chuan vin takin "tudang nge ni ang...kha hmeichhia ka office ah lo kal leh nichin lawkah kan hmuh kha mawle" ka ti a, ka thinchhe lutuk hi chu keimah ngei pwh hian hreawm tih chang ka nghah thin..mahse ka hna ah ka hah thei em a, engkim ah pakhatna nih zel ka duh a, ka ni reng bawk a, thawhrim chuan thin pawh a chhe lo theih lo a ni.
"Awle sir ka lo ti ang" min hlauh hmel tak chuan a ti a..ka inthiam lo leh hnuhnawh deuh..
"A kim chang thei ang berin aw" zaidam deuh zawk chuan ka ti a..a bu nghauh a..
Company kan thlen chuan meeting room lam ka pan nghal a..
"Tan nghal ang u" ka thut rual chuan ka ti a, an che nghal sup sup a...ka hnuaiah thawkte hian min hlau thei lutuk hi a chang chuan hreawm ka ti tep zel, mahse boss zaidam tak nih ai chuan boss sual tak, hnathawk nei tha nih ka thlang zawk tho tho..
Project thar chu an sawi mawlh mawlh a..kei erawh kan meeting chu ka rilru ah a lut lo, kha hmeichhia ngawt kha ka ngaihtuah a, zaidam hmel takah lang si khan a chhungril ah chuan a khawlh reuh zek ka ring a ni..engvanga ngaihtuah reng nge maw ka nih le..
"Sir" ka secretary in min koh ri avang chuan ka ngaihtuahna atang ka harhchhuak zawk a..
"Eng nge" ka tawngkam lah hi a nem hran lo..ka hnuaiah thawk te pawh hian ngai ah an nei vek tawh ang..
"Enge i ngaihdan tha i ti em" a tih chuan a ngaihna ka hre lo kher mai, ka ngaihtuahna hmundangah ka lo hmang daih a..enge an sawi tih reng ka hre lo..
"Enge in sawi..han sawi tha leh teh" ka tih chuan a sawi tha leh nghal vat a..
"Umm..a tha saw building saw thla leh ah chuan a ding tawh tur a ni lo, tin tunah lo awm mek te pawh saw an duh chuan dawr chhungah midang aia rate hniam deuh pawn an luah thei ang, notice kha lo chhuah tha leh ang che u" tihpah chuan ka tho nghal a, meeting room chu chhuahsan in ka office lam ka pan a..
"Sir hei aw..ti turah min tih kha" tihpahin ka dawhkan ah chuan file chu a rawn dah a..
"I ti tha e..i kal thei ang" ka tih chuan chibai min buk zauh pahin a chhuak nghal a..
File chu ka keu a, "Thelma" thelma tih tawp maw..a va dangdai ve..Jeonju ah khawsa maw a nih..hei vang a nih hi kha hmun tih chhe lo tura min rawn ngen ni..an khua mi a nih vang a niang..nu leh pa a la nei a, a pa in chief security hna a thawk a, a nu erawh inlam ah a hriselna a chhiat avangin a awm thung..unau pianpui a nei lova..high school leh college a zo tawh a..ehe..ka building turah sawn dawr a lo nei ve reng a nih hi..hei vang a nih hi..a lo duh lo ve em em ni..ngaihzawng a nei lova..mahse thian mipa Lee Donguk nen an in hnim hnai deuh a nih hi..hrep tak chuan..mipa a hnaih tur a ni lo..keilo hah ka van zakthei lo tak..engvanga lo thinrim ve ngawt nge ka nih..file chu ka khup a, ka thinrim ringawt nia mawle..ka awmdan mai mai chu...
