💜 HERSTORY 💜(Mizo Vers) #complete#

✨ seventeen ✨

🧡 HERSTORY🧡

💜KIM TAEHYUNG FF💜

CHAPTER 17

________________

Ka dawhkan ah telephone ri  avang chuan ka ngaihtuahna atangin ka harh chhuak thut a, phone chu la in, ka hello hma ham chuan

"Coffee tui tak min lo siam teh" lehlam a mi chuan a rawn ti a, phone lah a dah nghal hmak lehnghal, hepa hian min chaih thinrim hi a chak ve hrim hrim a nih dawn ni

Phur vak lo chung chuan coffee chu ka siam mawlh mawlh a, chhiahhlawh ang maia min cheibawl a tum a niang..

"Kha i coffee tur chu" tihpahin a dawhkan ah chuan ka dah thla ri hnawk a

Laptop chu khawih neuh² in  a buai hmel kher mai, ka tawng hre lo ang hmak chuan a ngawikar a

Chhuah tuma ka inher chiah tih chuan ka cellphone a rawn ri a, caller id ka en chuan number hriat ngai lo a ni, a pawimawh aniang ti in ka la nghal a

"Hello"

"Hello...Thelma"

"Aw..tunge aw" Taehyung lam chu ka en zauh a, engmah hre lo ang hmak chuan a awm a..

"Keimah..Lee Dongwook, i lo dam tha maw"

"Ehe..nang elaw, dam tha tehreng mai" nui sen sen chungin Kim Taehyung office chu ka chhuahsan a

Dongwook nen hian bestfriend kan ni a, school kan lut ho thin a..kan in tan theiin, engkim kan ti dun thin, school kan kal lai phei chuan inngaizawng emaw min ti vek a, tuman ti buai en ah pawh min en ngai lo..

A pa hnatawh avangin Ramdangah an pem a, kum 18 zet kan inhmu ta lo, tunah hian ka hriatdan chuan businessman lar tak a ni tawh a, min lo be hmasa tu zawk a ni chu ka lawm kher mai

Ka office ah chuan lutin Dongwook nen chuan kan inbe mawlh mawlh a, thianhlui nena inbiak tak ah chuan sawi tur kan nghah dun hmel khawp mai, tawng kan inchhuh nawk nawk a..

Minutes 5 lai kan inbiak hnu chuan duhtawkin hmaichhanah inhmuh a duh thu a rawn sawi a

"Aw" tia chhangin kan inbiakna chu ka ti tawp a,

Hunrei tak hnu ah ka hlim leh na hmasa ber a ni hial ang...ka phone bawk chu rawn ri leh in en lem lovin ka pick a

"Min la ngai a ni maw" ka tih chuan rum hawk ri ka hre nghal

"Tunah rawn kal nghal rawh" vin zeta a rawn tih chuan Kim Taehyung a ni tih ka hre nghal..engvanga en hmasa lova la ngawt nge maw ka nih le..

He mihring lah hi a duh hun² ah a mood a thlak a, zing lamah te kha chuan a nui vur vur a, tunah lem mihring vawt lutuk mai ah a rawn chang leh a, engtikah mah ka hrethiam thei ngai dawn lo a nih hi..

Peih lo zet chuan kim Taehyung office chu ka pan a.. kawngka pawh kik lem lovin ka lut nghal a

"Enge ni..mahmawh i nei a mi" ka tih chuan a thutna tang rawn hawi chhuakin rum thei ang ber chuan min en kar a, engvanga ka chungah thinrim ngawt nge a nih ka hre lo kher mai

"Tunge i biak kha" nelawm lo zet chuan a rawn ti a

"Tumah" bul hmuk chuan ka ti a..

"Ka thin ti rim tum suh, sawi tha rawh" a hma aia nelawm lo zawk chuan a rawn ti leh a..

"Ka thian mawle" ka tih chuan ner nakin "mipa nge hmeichhia" ramhmak in a rawn ti a

Hepa hian enge maw a hriat le..min ti hlau lek lek alawm le..

"Mipa" hlau ru tho mahila, hlau lo angtaka lan ka tum a, bakah dawtsawi hi ka ngaina lo a, thu ho tete ah dawt sawi phei chu ka duh lo leh zual..

Rawn rum ri hawkin "ka sawi chiang viau khan ka hria, mipa keimah lo chu i be tur a ni lo, ka hrilh che a ni lawm ni" a tih chuan ka thaw chhuak ham ham..hepa han zah thei lo zia hi, ngam ngat ila chuan ka kek bu lawp tawh ang..

"Chutiang i sawi awm ka hre miah lo" ka hre lo taktak, hepa hi mahmawh hle mah ila, a thuhnuai ah min dah a tum phet hi ka duh lo..

"Tunah ka sawi a, i hre tawh alawm" kauh zet chuan a rawn ti a

"Ka duh² ka kawm thei, ka thu thu" ka tih chuan a ngaihdan a lo nih lo kher mai..

"Mipa tih lo chu i duh² i kawm thei ang, ni leh lo.. hmeichhia pawh kawm a ngai lo" a rawn tih chuan rapthlak tih hmel zet chuan ka en a..

"Mihring ve tho ka nih hi, keimah chuahin ka awm thei hleinem..thian ka mahmawh ve alawm" ka tih chuan

"Ka awm alawm, i pasal hual leh i thian ka ni thei reng alawm" a ti hmak a..hepa zah hriat loh dan em em hi chu, tu emaw hian zilh hrep se ka ti ngawt mai

"Ka thian atan ka duh hleinem che" ka tih chuan a thutna tang rawn tho chhuakin ka bulah a rawn kal nghal a

Ka dar tawn² ah vuanin a lam hawi chuan min kuai her a

"Keiin ka duh sia lawm...engkim ah a hmasa ber nih zel ka duh" tihpahin dim zetin min rawn fawp a, a chetdan in min thawn em avangin ngawireng chuan ka dawh tawp a, ngenawl taka min fawh reng tak ah chuan engtik laiin nge ka lo inthlahdul pawh ka hre lo, a kawr ah chuan thamin ka thiam ang tawk chuan ka chhanglet a, chu chuan ti phur sawtin a aia uar chuan min fawp a..thawchham lek lekah kan infawh hnu chuab min thlah a, ka thaw deuh ham ham lehnghal..

"Kha khan engkim a ti chiang ber, nang hi ka ta chuah i ni, chu² hrereng ang che" min nuisuk pah chuan a ti a, kei erawh chet lawkna chang ka hre lo, ka zahna leh thinrimna chu a in chen vel ang..he mihring hi hlat ka tum a, keimah leh keimah pawh ka indang nasa a, ka theihtawp ka chhuah chung pawh hian awlsam takin min khawih thei zel si a, hetiang chuan rei ka daih lo tawp ang..kan inkar ah hian lung ka rem that leh a ngai dawn a nih hi..

Cont