💜 HERSTORY 💜(Mizo Vers) #complete#

✨ Thirteen ✨

🧡 HERSTORY🧡

💚KIM TAEHYUNG FF💚

CHAPTER 13

______________

"Enge ka hna tur chu"

"Eng hna nge i duh" min melh ran chung chuan a ti a, diktak chuan a company ah hian thawh thiam engmah ka nei lo, construction lam a ni a, hriat leh thiam ka nei lo hrim²..keichu History subject ka la a, a inhmeh lo takzet..

"Eng pawh a ni mai" ka tih chuan chik zet hian min en ha a

"Eng pawh maw, ingaihtuah that leh i duh em" a aw thum dat chung chuan a ti a, rangtak chuan lu ka thing vat, tun ang hunah ka duh zawng ka swi thei tawh lo, a ranglam ah pawisa ka neih a ngai

Taehyung p.o.v

Eng hna pawh a thawk thei tih a sawi maw?a tha e ka dawhkan a ka lehkha siamsa chu ka pe vat a.makti zetin a en a, a awm ve reng, mahse a duh lo ang tih ka hlau hle mai, nilo a hnar tur a ni lo, ka kiangah a awm ngei tur a ni...

"In ngaihtuahna hun ka mahmawh, tunah chuan ka kalsan rih phawt ang che" tih leh chhuah a rual nghal a, rangtak chuan umzuiin a kawngah ka chelh nghal vat a, min dan buai ka rin tehreng nen engtin mah min sual let lova, ngawireng chuan elevator lam chu ka panpui a..

Ka staff te ho chuan mak tih hmel takin min thlir thap a, a then an inhrilh ru sep sep bawk a, a awm ve reng tho, an boss hian hmeichhia ka kuah chhuak ngai lo..

Pawnah ka car lo ding chu kawngkhar hawngin Thelma chu ka luh tir a, ngawireng chuan ka tih ang ang chuan a awm tawp a, ka ngaih te pawh a ti tha lo deuh rum rum..

He hmun a lo kal hmasak ni ber kha chuan thinrim in a chhuak a, ka bulah hnathawh tur a awm tih ka hrilh khan a thawh duh nghal mai kha chu ka ring hrim hrim a, chuvang chuan chet ka lo la hmasa a, ka secretary hnen atangin an chhungkaw chanchin ka hre tawh a, a pa enkawl nan sum tamtak a mahmawh tih pawh ka hria, chuvang chuan hna hlawh tlemna ah a thawk dawn lo tih ka hria a, a kalna tur awm ang company dang ho chu ka lo be fel vek tawh , " tuman hna in lo pe tur a ni lo" tiin thu ka thawn vek tawh a, an tih hlawhtlin pawh ka ring em em chuang lo na in, lo ti hlawhtling lo se chuan ka company atangin engmah supply an hmu tawh lo chiang khawp ang..

Thelma hian min ring ngam se ka duh a, keimah ah hian rinna nghat se, min mahmawh thu leh ka puihna min dil se ka duh a, mahse a ni hmeichhe chapo lutuk hian chu thil chu engtikah mah a ti ngai dawn lo tih ka hriat avangin a harsatna hi remchangah ka la ta mai, ka chetdan hi a nunrawng tih pawh ka hre tho na in, pawi tihna pawh ka nei chuang lo, hmeichhia ka nun zawng zawng ti buaitu, zan ah pawh min ti mu tha thei lo tu hian mipa dang a hmuh ka remti ngai lo, mahni hmasial takin ka che ta mai zawk a ni, ka bulah hian awm reng se ka duh a, chu thil a thlen theih nan chuan hmanrua tenawm ber hman ngai dawn mahse ka hmang hreh hauh lo ang..

a thlenna hotel hming ka zawh chuan, hotel ah a thlen lo thu leh a thiannu bulah a awm thu a sawi a, ngawireng in a address min hrilhna lamah chuan ka tlan a..

Kawngtluan chuan kan inbe lo, a mit a chhing tlat a, vei nei tih hriat tak hian a thaw chhuak leh hak thin..

A pa chungchang ka hria tih a hre lova, a pa damlo na vangin a rilru a hah twh tehreng nen, ka hnathawh tir tum khan a belhchhah a ni ngei ang

Tinge maw engmah hi a hriatthiam miah lo le..vawikhat tal chik tak hian min en ve se, ka mitmeng hi chhiar thiam se chuan a mah ka veizia leh ka ngaihtuah zia hi a hrethiam mai tur..

Thlema p.o.v

Nilo..engthil nge thleng ta hi! Ka awi thei lo zawk..Kim Taehyung mi tenawm tak i ni tih chu ka hre tawh a, mahse hetiang em em ah i tenawm hi chu ka ring lo a sin le..