💜 HERSTORY 💜(Mizo Vers) #complete#

✨Ten✨

🧡HERSTORY🧡

💚 TAEHYUNG FF💚

CHAPTER TEN

_________________

"Khawngaihin in² ah kan kal leh dawn a nih chuan min hrilh lawk ve tawh ang che" car kawngkhar chu hawngin ka chhuak nghal a..engmah min hrilh lawk lovin an inah min hruai a, an hausa ropui si a, ka inchei dan lah a simple ropui si, a nu mitmeng lah kha ka hrethiam lo, min huat hmel ngawih² bawk si, a pa kha chu pa zaidam tak a nih hmel fu bawk sia..an chhungkua hi ka hrethiam nei nuai lo..an vai khan an ngawi thap zel a, zawhna bak an in chhang ngai lo a nih hmel, chaw ei chhung ringawt pawn ka chau zo lo, a boruak kha a hreawm ngawih²..

Taehyung lam chu ka hawi a, rawn chhuah ve tal awm a nia, ngawireng chuan a tlan nghal daih a, hepa hi zwng hriatthiam a har a ni, a duh hun² ah a mood a thlak ringawt zel mai

Inchhung ka luh chuan a reh huai a, mut nan a la hma bawk si, enge maw an tih le.. ngawireng chuan ka room ka pan a.. bathroom ka luh dawn tepah thawm a awm avang chuan ka ngaithla vang² a, tap ri ka hriat avangin rangtak chuan ka tlanchhuak nghal a, ka nu te bedroom lam chu ka pan a, "engthil nge thleng a" tihpahin ka pa chhuatah tlu chu ka buaipui nghal vat a..

"Nu..ngati nge a, enge awmzia" tihpahin ka pa chu ka theih ang tawk chuan ka buaipui a, ka nu lah a tap reng bawk nen, ka bing mup mup in ka hria, ka pa nikhawhre lova awm chu han tihdan vak ka hre silo, rangtak chuan ka phone chu phawrhin ambulance ka call vat a..

Damdawiin kan panlai te chuan ka nu chu a tap keuh keuh a, hnemdan vak ka thiam bik lo, ka pa mi hrisel tak hi engtin nge a tluk rikngawt theih..natna a nei awm ka hre lova, a mah tawkah hriselna ngaipawimawh mi a ni a, rilru a buai nuai mai

Hospital kan thlen rual chuan doctor te chuan min buaipui nghal zung² a, ka pa chu roomah nawr lutin ka nu nen chuan kan nghak ran a..chair ah chuan ka nu chu thut tirin ka theih ang ang chuan ka hnem ve a..

Ka phone lo ri ve chhen chu en in "Taehyung" tih a lo lang kur a, tun ang rilru buai laiin ka be peih lo, phone chu ka off a, a rawn ti deuh chhen avangin a tawpah phei chuan ka swith off ta ringawt a.

Doctor a lo chhuah rual chuan ka nu nen chuan chanchin zawtin kan en kar a..Thawk chu la hawkin "ka cabin ah khawngaihin" tihpahin a kal a, ka nu nen chuan in enin kan inkai chat a.. doctor hmel landan atang khan thil tha lo a nih tih ka hrethiam nghal..

Doctor cabin kan thlen rual doctor chuan thu turin min ti a "Doctor, ka pa chu enge a an?" Hlauthawng aw tak chuan ka ti a

"I pa hian thisen cancer a nei a ni" a tih chuan ka bing mup mup mai, ka nu tap ri pawh ka hre mumal tawh lo

Mittui tling pam chung chuan doctor lam chu ka hawi a "lungngai lutuk lo ula, thisen thlakna tur kan hmuh chuan reitak a la dam thei a nia" a tih pawh chuan ka la thawveng thei chuang lo, thisen thlakna tur hmu reng mahila, engtin nge pawisa hi ka tih ang? Vawikhat thlak man pawh a singtel a ngai dawn a, engtin nge thlatin ka pa thisen thlakna tur sum ka hmuh theih ang, ka pa hlawh lah chutin a tam lova,. Amah a kal theih tawh dawn bawk silo, ka dawr lahin inenkawlna tur a thawk chhuak bawk silo, ka nu lah hnathawk chi ziazang a ni silo, engtin nge ka tih tak ang..

"Ka pa chu kan hmuh theih angem"

"Aw theih e..mahse rei lo ula..awm thawveng a mahmawh a nia" damdiai chuan a ti a, room atang chuan chhuakin ka pa cabin ah chuan kan lut a..

Ka pa chu khawl hmangin an thawk tir a, monitor chu ka en a, ka pa lungphu pawh a normal rih e, ka nu chuan a be mawlh mawlh a, a tap leh thin, ka theih ang tawk chuan ka hnem ve a, awmzia a awm lo kher mai..ngawireng chuan ka thu a, ka hun kal tawh te chu ka chhuikir a, nimin lawk pawn hlim takin kan la inkawm a..