💜 HERSTORY 💜(Mizo Vers) #complete#

✨SIX✨

💚 HERSTORY💚

🧡KIM TAEHYUNG FF🧡

CHAPTER SIX

__________________

"I ril a tam em"

"Tam lo" tum bur chung chuan ka ti a, a ni erawh a khi suk thung, helai hmunah hian engvanga min hruai nge a nih? Ngei tawh sa nak laiin hetiangah inkuatelem nan hun ka nei lo..

"Engvangah helai hmunah min hruai nge i nih?? Khawilai hmun nge ni re re a, a rapawm ropui si" vin zet chuan ka ti a, ka thinchhe ve tih chu ka hria a, mahse hetiang hian mi tumah ka vin hrep hrep ngai lo, hepa bulah ka awm hi chuan inhauh ka cho em em ringawt zel a, tawngkam nem ah min biak pawn vin takin ka chhang thin..a chhan pawh ka hre bik lo..a phu ve reng te pawh a ni mahna..a chapo si a, tuman an mil theih ka ring lo..

"Ka farmhouse a nih hi" coffee siam mawlh mawlh chung chuan a ti a, kei erawh mak ka tih luatah ka ang phau thung..engvanga a farmhouse ah min hruai ngawt nge a nih?? Tin ka hriathiam lo chu a hausa ropui si a, farmhouse nalh takin a sa thei awm tho sia, engvanga hetiangah sa nge maw a nih le..hepa hian chian loh rukna a nei zawk a mile..

"Maw..i farmhouse maw.. engvanga min hruai nge i nih?? Chuan i hausa hle si a, ngati Ramhuai in ang maiah i chei kher a" ka tawngkam lah hi a mawi lo thei lutuk a, mahse hepa bulah hi chuan tawngkam mawi hman tumna ka nei hran lo..bakah a uikawm a ni hrim²..mi hausa uikawm...ka zawhna vang chuan a nui suk a..a nuih hian a hmelthat tehreng nen a nuikhat hle mai..a thlalak ka en tawh chinah a nui hmel hmuh tur a awm lo..a nui lo chung pawn a hmelthat tawh tehreng nen..han nui phei se chuan.. nilo..chutiang ngaihtuah hun a ni lo..intiharh rawh Thelma" ka lu chu ka thing mar mar a..

"Hmanah chuan a nalhin a hahdamthlak thin a sin, ka nu in a neih zwng² ah a lei a ni a, a cheidan hnuhnug ber a ni a, ka kawih danglam phal lova, ka ti ngai hek lo ang, he in chuah hi ka nu ka hriatreng theihna awmchhun a ni a, ka nu bungrua zawng² ka vawnhim theihna awmchhun a ni" a thusawi avang chuan mak tiin ka en tlawk tlawk a..a nu sulhnu awmna maw..chuvang mi Ramhuai in ang maiah hnim a zam chuk mai, chu pawh lo nise.. engvanga a nu chungchang chu min hrilh ve ngawt nge a nih! Engthil nge tih a tum.a ni hian ka rilru hneh theih nan dawt a sawi zawk em ni, min bum mai mai hauh lo ang..

"A lo nihtak chu mawle..mahse ngati nge min hrilh kher a" ngeiawm zet chuan ka ti a..a ni erawh a thaw deuh hak a..tun mai ah kha chuan tihnat awlsam tak hmel a pu a..a mitmeng ah khan khawharna leh beidawnna ka hmu a..mahse a rei lo em a, ka hmusual pawh a ni mai thei, tunah erawh a hma ah ka huat em em mitmeng ngei khan rum theih ang ber chuan min melh a..

"A chhan chu ka nupui i ni dawn a, engkim a te ber thlengin hre ve la ka ti" a rawn tih chuan ka nui hak, hepa hi a a taktak a ni ngei ang..Rilru doctor ka panpui mai dawn mawni

"Duhthusam vak vak suh.. chiang takin ka hrilh tawh che kha..kei hian neih tumna che ka nei reng reng lo" a tawngkam ang chiah chuan ka ti a..

"Chuti maw..a nih chuan kawngdang min siam lo a nihchu" tihpahin a kekawr ipte atangin phone chu a la chhuak a, hmet neuh² in a beng ah chuan a ngaithla a..kei erawh hlauthawn rukna in ka khat a..a hma ah a lo sawi tawh ang khan ka pa chu hna ban tir taktak a tum tihna mile..nilo ka thlentir thei lo ang..engati nge maw ka chapo tlat mai le..

"Hello, mr Yoongs i company ah thawk mipakhat" a phone hmanlai chu ka laksak vat a, ka off nghal a..ka chetdan avang chuan rum theih ang ber chuan min melh a

"Khawngaihin tiang hian awm suh"

"Duhthlan tur ka pe che a..tih theih ka nei bik lo..ka phone kha min rawn pe nghal rawh" a tih chuan ka hnunglam ah ka keng nghal hmak a

"Nilo..ngati nge kei kher..tinge midang i zawn mai loh..engvangin nge min tihbuai" ka thinrim lutuk chu ka au chiam chiam ringawt a

"A chhan chu ka duh che" bul zet chuan a rawn ti a..kei erawh awi lo hmel zetin ka en tlawk tlawk thung..

"Engmaw i sawi kha..min duh amaw" nui hak chuan ka ti a..ni 2 em pawh min la hre lova..chuti chung chuan min duhthu a sawi amaw..ka awi thei lo, engtin nge awlsam takah min duh mai thei, thildang a beisei vang a niang..ka rilru hi a ti buai vek..

"Aw" tehtawp zel a..ka beisei chhanna a ni lo..

"I a em ni" ka ti ta ngawt a..a ni erawh a kawng dawm chungin a thaw hak a..

"Hmeichhia hnenah ka duh thu ka sawi awmchhun i ni" a rawn tih chuan ka nui a, lawm avanga nui erawh ka ni hauh lo..hetiang mi chapo lutuk, zahna tlachham bawk si hian ka nuih an ti za a ni

"Lawm tur ka ni a mi"

"I lawm leh lawm lohah chuan ka buai lo, chuan hei hi lo hre rawh, vawikhat ka thilsawi tawh ka sawinawn ngai lo.. thuthlukna siam vat rawh..i pawm theih loh a nih chuan ka phone kha min rawn pe la, nangnen buaina kan nei tawh lo ang" a thusawi duh dan mai mai chu, engkim hi a ta vekah a ngai emaw ni..thinrim viau mahila tihtheih ka nei bawk silo..pasal nei ngawt turin ka inphal bik silo.. engtin nge ka tih ang?? Ka tah chhuak lutuk chu insum har ka ti kher mai, ka hmui chu ka pet ngar ngar a..boruak chu kan hip deuh kawk a..

"Awle" ka tih chuan a mitko a san ak a..hre lo ang mai chuan "Awle chu enge" a kut chuan ka hmai zawnah a rawn phar a..ka huat tawkah awmdan hi a thiam em em lehnghal..mahse tunah rih chuan ka chan a chhe zawk a.. tihtheih dang ka nei rih lo

"Awle..ka remti e, mahse thil min tiam thung a ngai ang" ka ti a..a ni erawh a nui suk a.."han sawi la" ngeiawm zet chuan a ti a..

"Tunah rih chuan kan innei thei lo ang" ka tih chuan "engvangin" rangzet chuan a rawn ti a..

"A chhan chu nangnen nimin lawkah kan inhria a..kan inneih thut chuan ka chhungte tan a hrilhai thlak dawn a..bakah inpuahchhah te an duh ve dawn a..kan inneih nghal ngawt thei lo" ka tih chuan a dar a san ak a..

"Engtia tih nge i duh a"

"Kan inngaizawng phawt ang" ka tih chuan a nui hak a..kei erawh ka thutak run thung.. hepa hi ka nei thei ngawt lo..pakhar ka chhuah a ngai

"Inngaihzawn maw..wow phurawm reuh ve" nui suk pak chuan a rawn ti a

"I pawm em" ka tih chuan"ni rawh se..mahse karkhat bak ka peih lo" a rawn ti nghal a..

"Aih thla 3 tal a ni tur a ni, chuti lo chu ka nei lo ang che" ka ti ve ngat a..

"Thil phut theih dinhmun ah dingin i inhria a mi" min tih chuan ka chil ka lem ri kalh a..

"Ka duh angah i tih lo chuan i tihtur kha i ti thei ang" tihpahin a phone chu a lamah chuan ka keng kang a..hlau lo anga lan a ngai dawn a ni..hlau tho mahila, hetianga ka tih lo chuan min zuam lutuk palh ang..

"Ok..tha lawm..thla 3 chu ni rawh se, chumi zawhah ka innei ang..thil tum dang te i lo nei ange..pawi i ti viau ang.. target tur an tam tih hria la..tlanbo emaw te kha i lo tum ange..e chuan mipa dang reng reng i bia in i hnaih tur a ni lo, bakah ka phalna la hmasa lovin i thiante taknghial pawh i hmu tur a ni lo..engkim kan ti dun tur a ni ang..a chiang em" a rawn tih chuan ka melh rum nasa mai..engtin nge a hma a sial theih em em le

"A tha lawm..a nih chuan hei hi lo ngaithla uluk ang che, ka sawinawn tawh dawn lo a nia..min khawih tum na rilru kha nei lo la, ka mimal thilah rawn inrawlh hlek lo la, keipawh i mimal thilah ka inrawlh ngai hek lo ang" ka sawi zawh rual² chuan ka ban ah chuan a rawn man nghal chat a..

"Nilove..nichinah ka sawi tumah biak loh ka tih ah khan a tel vek..mimal thil i tih a mi kha..ka hriatpuina tello chuan engmah i ti lo ang..ka tellovin khawiah mah i chhuak hek lo ang, a chiang em" min hnaih thei ang ber chuan a rawn awm a..a thaw lum ham ham te chu ka feel veng veng thei, a huhang na lutuk hian thawk ngaihna min ti hre lo, ka tal avangin min thlah ve mai bawk a.. rangtak chuan ka tawlh hnung a..

"Ramhuai i nih hi..mahni hmasial lutuk, ka haw lutuk che" ka tih chuan a nui a..

"A pawi hleinem..ka chhiatna lai chuah i la hmu a..ka thatna lai i hmuh hunah chuan min kalsan chakna rilru i pu hauh lo ang" mahni inringtawk tak chung chuan a rawn ti a..kei erawh ka nui suk

"Hah..kan hrilh tlang law law teh ang che..Hmangaih  tumna che ka nei hauh lova..nangpawn min hmangaih loh turin in siamrem ang che..engtikah mah min hmangaih tur a ni lo, a chiang em Kim Taehyung" a mit ah en chung chuan ka ti a..chutiangah ka tawng chu a beisei bik chiah lo aniang..mak tih hmel deuh chuan min en a..mahse a hnu lawkah rawn nui sukin "ok..nangmah zawk khan min lo vei palh ange..in control i zir dawn nia aw" tihpahin a mit min siai zauh a..kailawn lamah chuan a chho nal nal a..

Ka thinrim lutuk chu dawhkanah no chu ka hui thla pawp a..

Cont...