💜 HERSTORY 💜(Mizo Vers) #complete#

✨ Fifteen ✨

🧡 HERSTORY🧡

💜 TAEHYUNG FF💜

CHAPTER 15

____________

Time skip...

Restaurant atang chuan chhuakin chak takin min tlanpui a, inbiak kan tum loh hmel, kan ngaihtuahna ve ve chu kawmin ngawireng chuan kan thu kar a..

"Khawinge kan kal leh dawn a" kan ngawih reng tak ah chuan a tawng hmasa tu ah ka tang a, ka zawhna min chhan tum lo hmel zet chuan hmalam chu a en kar a, chu chuan ka thin a ti rim leh nghal em em..

Min chhan loh leh ka thin a ti rim a, min chhan lah in ka thinrim tho a, keimah hi ka dik lo zawk nge...enge niang, a chhan pawh ka hrethiam tawh bik lo, mahse ka hriat chhun chu hepa hi ka ngei takzet tih hi..a awmdan engkim hian ka pawi a sawi vek

"Min chhang dawn lo a mi" vin zeta ka tih chuan rawn hawiin a nui suk a

"I thin hi chu a chhe ve ngawt mai tiraw" kiai suk cuan a ti a

"Ka zawhna chhan kha a har viau a mi"

"Har chuang lo e"

"Awle..min chhan duh lo chuan car atang hian ka zuangthla anga ni mai" tih leh car kawngkhar chu hawn ka tum a, motor chu ti dingin min pawt her sawk a

"Min thlah nghal rawh" tih leh car atang chuan chhuakin ka tlan a, ka mittui ve chhen lah hi, engamah min ngai lo tu bulah hian engtin nge ka hun ka hman thei ang, mahni chuah ingaihtuah mi bulah hian engtin nge ka khawsak ang..mahni inhremna a ni, ka pa ngaihtuah hle lo ila chuan he mihring hi biak pawh ka be hauh lo ang mawle..

Pawisa ka mahmawh a, Taehyung hian min tanpui theih ngei mai, mahse min tihdan hi ka lungawi lo, nautelem emaw min ti in ka hria..tunah takah ka chapona lo chhuak chu duh lo hle mahila, kawngdang dap dan tur ka hre chuang bawk silo..

Ka tlan nasa bawk a, ka hah lutuk chu kun meuhin ka thaw chhuak hak, boruak chu ka hip lut hrawk hrawk a..tlem chuan ka zia deuh in ka hria

"Tlan tawh lo teh, kha i hah em kha" ka phu zawk mai, ka hnunglam chu ka hawi vat a, Taehyung chuan a kawng dawm chungin min lo en kar a

"I thu bawk lo" tih leh tlan ka tum chu ka banah rawn chelhin "a tawk tawh, i hah lutuk ang, tiraw let tawh ang" zaidam tak chuan a ti a, chutianga a nem tak thut chu mak ka ti hle mai, hepa hian ze engzat chiah nge maw a neih le..

Ngawireng chuan min kai phei dat dat a, ka tlan thui viau khan ka hre si a, a car dinna chu kan thleng leh nghal mai a, ka inhaw takzet a ni, engmah tih theih ka nei lo hi

Motora min thut tir pahin "mittui leh bawk maw, hru fai vat rawh" a rawn ti hrawk a, ka bula a rawn thu lut ve nghal a

A rawmawl min rawn pek pahin "kha inhrufai rawh, ka kidnap che emaw an lo tipalh ange" zawisapin a ti a

Chutianga a rawn tih chuan ka tah a chhuak zual suah a, a aia nasa in ka tap a,"ka tan" ka sawi zawh hmain nghet zetin min rawn kuah a

Min kuah nghet em avang chuan engmah reng ka sawi thei lo, a awmdan chuan min ti hamhaih takzet a ni

Ka bianga rawn chelhin amah enturin min dawm a"min ring rawh" a rawn ti ngawt a

"Eng..engmw!!" Mak ti zetin ka ti a

"Engpawh thleng se..ka venghim zel ang che, nangpawn min kalsan ngai lo ang" thutak leh hlauthawn hmel zetin a rawn ti a, a awmdan inthlak thut chuan min ti hlau tep nghe nghe..

"Oohh..Thelma!! Khawngaihin min tiam lul teh" a rawn ti hrawk a

Hepa hian khawngaih tih tawngkam a hmang amaw!! A in hmeh hlawl lo..a hmel atang in a ti fiam bawk silo, rilru a ti buai vek