💜 HERSTORY 💜(Mizo Vers) #complete#

✨Fourteen✨

🧡 HERSTORY🧡

💚KIM TAEHYUNG FF💚

CHAPTER 14

_________________

"Enge i hriat a, ka phone kha min rawn pe let nghal rawh" ti chungin ka phone min laksak chu laklet tumin ka ban nghal a, a ai sang chuan kengin engatan mah ngailo hmel zetin a hmet neuh neuh a, ka tah a chhuak deuh thut lehnghal, min rawn pek let pahin number  ka hriat ngai lo chu a call a..

"Hey..tunge i call ve ngawt hi" ka tihrualin a phone zawk chu a rawn ring ral ral a

"Ka number a nih kha, min ngaih hunah min rawn be dawn nia aw" tihpahin a reject nghal a, zak thei lo hi ka ti ngawih ngawih

Mi pangai a nih chuan tha deuhin min dil ve mai awm a nia, mi ang pha zan lo tih takah, ka thinrimna tur hi a siam ziah lehnghal, a number chu Monster Tae' tiin ka save a

A phone screen ka lam hawiah a rawn dah chuan ka number chu 'my honey bee" tih inziak ka hmu chuan ka ner sawk

"Khuai pawh ka nih loh hi, khatiang khan min koh suh, khuai nupui ah neih i duh a mi" thinrim taka ka tih chuan a nui var var a, hepa hi a a tawh takzet a nih hi..

Hara chu coffee no thum nen chuan a rawn phei a

"Ka rei em..kha in ru, a sa a nia" nui var var chung chuan a ti a..

"I siamtui hmel hle mai, a tui ngawt ang" nui var var chung chuan Taehyung chuan a ti a..kei erawh ka ngawikar thung

Taehyung chu a no rawn chawi phei pahin ka hma ah tak chuan a rawn ding a, ka lo melh kiau thung

"Zanin tlai hian ka nupui hual hian zanriah min kilpui thei angem" a rawn tih chuan ka melhrum nghal vat

Rangtak chuan "a teuh lo, ka hah, ka mu dawn" ka ti hmak

Hara in "ei chhuak ngei ngei ru, Thelma ka duty a ngai dawn a, rawng ka bawl hman dawn lo, eichhuak zawk ru" a rawn ti ve leh a, ka thinrim lutuk hi ka thaw hawk hawk..ka thiantha ber pawh a lam tangah a lo siam fel leh hman a nih hi .

"A tha lawm" tawi hmuk chuan ka ti a

"A that hlauh chu, insiam la" Taehyung in a tih chuan ka ner suk, ka insiam awm lo em mai, hepa bulah hian lan nalh tumna reng reng ka nei lo, ka haklai nen hian ka kal ngat ang, tih zah ve reng reng pawh ka duh..

"Ti hian a tha mai alawm" ka tih chuan a kiai suk, nalh min ti fahran lo ve aniang, ka nalh tehchiam lo bawk em a tin ni

"Ok..fine..i zah lo dawn phawt a hnu" tih leh ka banah min kaichhuak nghal a, a duh duh ah min pawh kawi hi a tum a, engkim hi a thuhnuaiah awm vek turah hian a ngai amaw ni zawk le..

Ngawireng chuan car ah chuan min thut luh tir a, a ni pawh rwn lut ve nghalin a tlanchhuak nghal a

Kawngtluan chuan kan inbe lo, biak pawh ka tum hek lo, ka mood hi a ti off ngawih ngawih, min dangchep thiam lutuk hian ka thin a ti rim reng mai..

Car a din thut avang chuan ka invuan nghet lo nen car hmalam chu ka bawh deuh rak rak a

"Pangai deuhin i ding thiam lo a mi" ka ti vin tuar..

"Ohh sorry" tih leh chhuah a rual nghal a, ka ngaidam chiang lo kher mai, car atang chuan chhukin ka hawikual nghal a

"Khawi hmun nge" mak tih hmel tak chuan ka hawi va va a..

"Kan dinner eina hmun tur" tih leh ka banah a rawn chelh nghal a....

Min kalpuina ber kher chu awi a changkang rapthlak, hetiang hmun ah kan kal dawn te chuan min hrilh hmasak awm, ka inthuam dan nen a inhmeh lo lutuk,

"Hetah ka kal duh lo, a changkang si, ka inthuam dan nen a inrem lo" tih leh din ka rual nghal a..

"Inthlak rawh ka ti reng che a, i duh lo a nih kha" kiai suk chuan a ti a

"Chu pawh nise" ka la ti tang tang..

"Lungngai suh i chhelo ber tho lawm" tih leh min kailut nghal a, hepa hian zahna chang a hre lo nge a pianpui lo zawk..

Reception counter nghaktu chuan Taehyung chu lo bia in, a nui sang a...a kal ngun viau a nih hmel

"Min lo tifel sak em"

"Aw, kan peihsa diam e"

"Ka lawm e"

Min kai phei nghal dawr dawr a..

"Amak min pawt kher suh, keimahin ka kal ve thei reng" ka thusawi ngaipawimawh lo zet chuan a kal chhunzawm nghal mawlh mawlh a..a palian si a, tha ah ka hneh lo bawk silo..a duh ang ang hian min pawt kawi a ni ber mai

Cont

A tawi tih ka hria e..dah loh aia ka lo dah.. nileng in ka office a, ka haw tlai si a, inlamah ka hna thawh a ngai bawk nen..ka hman velah ka rawn dahsak che u..min ngaidam mawlh² ru..

Chuan zankhat danah kan dah tawh dawn nia aw..hun ka nei tha tawh lova..a hma ang khan😅sorry lutuk...