💜 HERSTORY 💜(Mizo Vers) #complete#

✨ Eleven ✨

🧡 HERSTORY🧡

💚 TAEHYUNG FF💚

CHAPTER ELEVEN

______________

"Tap tawh lo teh" ka tih chuan min en run run a, enge maw a hriat reuh ni, a inhnit ri suih suih a, hmeichhia ka hriat tawhah a la tap rei thei ber ang..minute 10 lai a tap tawhin ka hria

"Tap tawh lo la, ice-cream ka lei ang che" ka tih chuan a rum theih ang bera min en in"naupang ka nia mi" a rawn ti vin hlar a

"A nih chuan naupang chhia tak khan tap tawh suh,  i harsatna chu min hrilh mai ta che" ka ti vin let hrep a..

Tho kangin a bag la in a chhuak nghal nal nal a,

"Khawiah nge i kal dawn" ka tawng hre lo ang tak chuan a kal chhunzawm mawlh mawlh a, ka dawhtheihna hian a tlin lo, a ban ah chuan vuanin ka pawt her sawk a

"Anaaa..min thlah nghal rawh" vin that hian a rawn ti a "ka zawhna che kha chhang tha ve mai ta che" a aw ki ang chiah chuan ka ti ve a

"I lo buai ve na tur a awm lo, ka duh duhna ah kal turin zalenna ka nei, chubakah engkim i hnenah sawi na chhan tur ka nei lo" tihpahin talchhuah tumin a che a, a aia nghet zawk chuan vuanin ka lamah ka hnuk hnai a..

"A chhan maw..nei tehreng mai, i thutiam kha i theihngilh ta em ni? Keichuan ka thutiam angin thil ka ti tawh a, engkim a pangai leh vek hnu hian i hriatna a bo then a mi" ka aw chhuak chu a nelawm tehchiam lo, a lakah ka fel ka chhuah hram hram a, remchang ah hmangin min pehhel a tum tlat in ka hria, a duh ang chuan a awm lo tawp ang...

"Aw..engkim kha ka sut leh vek e..i duh ang ngei chuan an ni ho saw pet chhuak la, ka pa pawh a hna atangin i bantir nghal dawn nia, nang hmuh reng che ai chuan riltam ah khawilai ah vah pawh ka thlang zawk, ka hmu peih tawh lo che, khanwgaih takin min kalsan la, i nun nuam tak kha chen rawh" ka vawnna kut chu rawn phih lawpin a tlanchhuak nghal a, a thusawi in min thawn em avangin chet lawkna chang pawh ka hre lo, engtin nge khangthu te kha a sawi theih zawk..a mah ber in min ngen lawm lawm kha a ni si a, engtin nge nikhat thil thu ah a inthlak danglam theih emem, a chhan a awm ngei tur a ni, tunah a landan phei kha chuan engmah pawisak a nei hmel lo, rilru hahna nei, inbunruah mahmawh ngawih² te pawh a ang alawm le..enge maw tak ka tih a ngai dawn a ni, hetiang mai chuan ka kal tir thei lo ang..nilo² ka kal tir thei, kei Kim Taehyung hi hmu zo lo pawh ka ni lo, hmeichhia ka tan ah inpeih tamtak an awm laiah min haw ngawih² tu ka buaipui tlatna chhan tur a awm lo, a duh a sawi chiang tawh bawk a, inchhir ah a lo let leh ngei ang, chumi hunah erawh kim taehyung mi dang hlak a hmu tawh ang, a lakah thatchhuah hi engmah a ni lo..

Ka car ah chuan thu lutin engine chu ka ti nung a, ka rilru a buai nuai mai, a thinrim sawi mai mai nge a nih anga, a rilru taktak zawk, ngaihtuah buai ka duh lo viau na chungin a landan mawlh kha ka hai der thei silo, umzui a, thil awmzia zawh ka duh viau na chungin ka chapona hian a tlin bawk silo..ngawireng chuan ka hmalam chu ka en kar a..

Ka phone chu la kangin ka bih ngur² a, ka phone ang nge, phone lo vang, ka hmet thim a, ka ti eng leh a, ka chapona dahthat ah va biak mai te ka duh rum rum tawh..mahse a thusawi kha ka hrechiang emem bawk si...

Ka phone chu on in, ka secretary chu ka phone a, a in ring chhung te chu rei ka ti ngawih ngawih..

"Hello" a rawn tih rual chuan "rangtakin Thelma chanchin lo chhui rawh, tun hnai hian enge a tih thin a, tu nge a hmuh, khawiah nge a kal thin, a kim chang thei ang berin lo chhui la, a ranglam in min rawn pe dawn nia" ka sawi zawh meuh chuan thawk ka la hawk a, hmeichhe pakhat vang mai maiin  ka secretary  in a tuar hrep phah lehnghal, chhanna tha tak a hmuh ngei ka beisei, mipa dang vangah min kalsan a nih vaih chuan a inchhir rum rum khawp ang, nun nuam tak chuan ka awm tir hauh lo ang..