💜 HERSTORY 💜(Mizo Vers) #complete#

✨ SEVEN ✨

🧡HERSTORY🧡

💚KIM TAEHYUNG FF💚

CHAPTER SEVEN

______________

TAEHYUNG P.O.V

Ka office atanga Thelma chhuak nal nal chu hmanmawh tak chuan ka um chhuak ve nghal a, Jennie pawh ka ngaihtuah hman tawh lo, ka mize dang ta vek hi keimah ngei pawn ka hrethiam tawh bik lo..

Ka farmhouse ah te ka la hruai zui, enge ka hriat le..tumah he hmunah hian ka la hruai ngai lova, ka thiantha te ngei pawh..

Ka nu sulhnu ka neih awmchhun a ni a..kum naupangte ka nihin retheihna vangin ka nu ka chan tawh a, ka pa in nupui dang a nei a, ka nuhrawn chuan fanu a rawn la chhawm tel zui, ka pa sumdawnna tlachhe vek tawh chu ka pu min puihna zarah a ni tellin ka khai ding leh a..nitin rim takah thawkin hma a sawn ve zel a, vawiin ni hi kan lo thleng ta a ni..

Ka pa chuan ka kutah a dah tawp tawh a, sum leh pai zawng² keimah kut a nih takah chuan a nupui leh a fanu chuan an ngeithei ta lova..ka pa hnenah nitin pawisa an dil thin tih pawh ka hria.

Ka nuhrawnte nufa hi ka huat tluk zetin an ni pawn min hua tih ka hria, ka pa sum bak duh engmah an nei lova..ka nu nen an inneih lai atang tawhin he nu hian ka pa hi a hel tawh a..a mah vang hian ka nu ka chan a ni..ka pa chungah pawh reitak ka thinrim a, kum 8 lai ka biak duh loh phah nghe²..

Thelma ka office ah a rawn kal hmasak ber ni khan mak tak maiin ka thlamuang huai a, hmeichhe pakhat vang maiah ka thlamuang ta viau ah ka inhria kha ka ngaihdan a ni lo hle..

A hmel lah chutin a tha tehchiam lova..a pian lah hmeichhe dang aiin a nalh hran bik lo, mahse a mah ah khan engemaw ka sawifiah thiam loh thil a awm a..

Ka mitah chiangtakah min en te khan ka khawchhung zawng zawng hi a hmu tlang vek emaw tih mai turin ka sa hut hut a..hetiangah awm hi ka duh lo..mahse ka nun ruak lutuk kha a rawn phuisui ni ber hian ka hria..

Mi tamtak in min hriatdan hi chu A hmeltha na ah a thinchhia tih hlirin min hre thin, an sawidik reng bawk a, ka thinchhia tih ka hai lo..mahse engvangah thinchhia nge ka nih tuman min hriatsak silo..ka landan ngawt hi ka ni bik lova..hmanah chuan thiante zingah pawh tawngduh ve tak, nui peih emem thin ka ni a, mahse nikhat thilthu ah ka nun zawng² a inthlak a, khami ruahsur vak ni khan ka hmangaih emem ka nu chuan a nunna a ti tawp a, engvangah lo va dang lo nge ka nih, dang ila chuan keimah vang tal pawhin a rilru a thlak mai thei a sin..ka pa ka huat tanna a ni a, naupang hlim theih tak kha a nui ngai tawh lova, mi khawngaih thin tak kha zah ngaihna neilo mihringah ka chhuak a..ka pa lakah ka rilru put hmang chuan Kim Taehyung mi nunrawng, zah ngaihna neilo ah min chhuah ta a nih hi..

Thelma hi ka nun ruak luahtu hian ka duh taktak em le? Tih hi ka inzawt nitin a..a chungah ka thiltih pawh hi a dik lo tih ka hria..kal tir ka duh a, ka rilru ka siam a, mahse ka thinlung hian a chelh tlat bawk si..

A deals min siampui te lah chu ka awi lo rum rum zawk, henu hian a hriat loh vang a ni ngei ang, tiangthu te a sawi tak..kei hian vawikhat mah ngaihzawng ka nei ngai lo..hmeichhe kawplai chu ka nei tho a, mahse a ni nen erawh nula leh tlangval ang ni lovin tisa thil lam chuahin kan inkawp a..nula leh tlangval te angin kan lengchhuak ngai lova..kan titi dun ngai lova, dinner eiin khawiah mah kan chhuak ngai lo, min mahmawh hunah min rawn pan mai thin..

He a thil ngiat hi ka tan chuan ka vawikhatna tur a ni a, a phurawm reuh tak ang..

"I pawm em" tihah min zawh chuan ka nui hak a..a ngaih ah hi chuan tlangval ler tak hmuhin min hmu ngei ang..a ngaihtuahna pawh hi a dik lo hran chuang lo..ka ler alawm, mahse ka duhtak ka tawn hunah chuan rinawm lohsan erawh ka tum hauh lo thung, ka pa ang lo takin..

A dan siamte lah chu ka zawm thei lo tur chi hlir, kei hian engtin nge a taksa nalh tak hi khawih lova ka awm theih ang ni?? Ka duhdan leh ngaihdan ka sawi zawh meuh chuan thinrimna mitmeng in min melh a..hetia a thinrim hian a duhawm zia a inhre silo..a hmui hnuai a pet zeuh² thin te chuan ka insum theihna a hloh tir taknghial dawn..

Rangtak chuan kailawn lamah chuan ka chhosan a..rilru fim put ka ngai, chuti loh chu tum lo deuhin ka pawgsual palh ka hlau..thil engemaw a paihkeh chuai chu ka hre hman..thinchhe reuh lutuk, nui sukin roomah chuan ka lut a..

THELMA P.O.V

Keimah chuan choka ah chuan ka ding vang vang a, enge maw a han tih emem le..sana ka en chuan a lo tlai tawh hle a, ka kalna chin ka chhungte ka hrilh bawk silo, ka phone lah ka bagah ka dah daih si a

Rangtak chuan inchunglam ah chuan ka tlanchho a..

Room ka hmuh hmasak ber chu ka nam hawng a, Taehyung chu tukverh lamah dingin phone a hmang a..ka thawm a hre lo a nih hmel.. second reilote chu ka ding vang vang a..

A pian hi chu a fuh ve thlawt a ni, a sang tha a, bakah a la hmeltha emem zui, han nuih ngat phei se chuan khawvel ah hmeltha thlan khawm zingah a tel pah hrim hrim ang mawle" ka ngaihtuahna atthlak zet avang chuan ka nui hawk a, ka nui ri ah chuan Taehyung chu rawn hawiin, phun sep sepin a phone biak lai chu a ti tawp a..mitmeng zim san chuan min melh vang vang a, hetia min melh apiang hian ka dik lo ziah lehnghal hrep tak hian!!

"Ihh ka let duh" aw lawi rut chuan ka ti a..rawn kal hnaiin "awle, chuan i thilsawi kha vawiin atangin kan tan nghal ang" a tih chuan ka chil ka lem ri kalh a..keimah sawi ngei mah nise a takah han ti dawn meuh chuan ka khur leh bawk si..

Mahse lemchanna mai a ni dawn a, chutiang emem ah huhphurawm a ni lo ang" tiin han inhnem mahila, keimah ngei hian a sawi ang khan ka vei ang tih ka hlau a ni..hetiang mipa perfect lutuk hi tu hmeichhia mahin an hnar reng thei ka ring bik lo a ni, inven reng ka ngai dawn a nih hi

"Awle..mahse kan inah i rawn kal tur a ni lo" ka tih chuan a nui ri hak a..hriatthiam lo hmel zet chuan ka thlek ha a..

"I fiamthu a mi" a tih chuan ka lu ka thing nar nar..kan inkar hi a lem a ni a, ka chhungten an hre ve kher silova..tul lovah an rilru tihbuai ka duh lo

"Ka bialnu i nih dawn te chuan ka rawn rim ve che pawh a ngai dawn a, pawn lamah kan inhmuh rengte chuan miin an sawi duh lutuk palh ang che" nuihzat hmel deuh chuan a ti a, a sawi hi a dik reng, hmeichhia pawn lamah tam lutuk hi chu mite hmuah pawh a zahawm lova..mahse hepa nen hi chuan pawi tihna ka nei lo..ka bialpa taktak chu nise pawi tihna pakhat mah ka nei lova..a lem mai a ni a, engtikah emaw kan la inthen a ngai dawn a..ka chhungte hnenah chhanna pek tur ka hre dawn lo, nilo ka sawi peih lo zawk..

Ka thusawi ngaipawimawh lo zet chuan a chhuak nal nal a..a hnungah chuan zawimuang chuan ka zui ve a..

Cont