💜 HERSTORY 💜(Mizo Vers) #complete#

✨ EIGHT ✨

🧡 HERSTORY🧡

💚TAEHYUNG FF💚

CHAPTER EIGHT

_______________

Kan inkawt ah motor a tih din rual chuan rangtakin ka hawikual nghal, engtin nge kan in te hi a lo hriat vek theih..hepa hian min zuiru thin amaw ni le!! Mahse chutiang turah chuan ka ngai bawk silo..he mihring hi a hlauhawm ru riau mai thei a ni..

"Engtin nge kan" ka sawi zawh hma in" i chanchin engkim ka hre vek" nui suk pah chuan a rawn ti a, mak ka ti lutuk chu ka ang huai ringawt, hepa hian ka chanchin a lo chhui vek a ni maw..engkim hi a lo plan lawksa vek tihna mi..hrep tak chuan..

Car kawngkhar chu hawngin ka chhuak a, na tak chuan ka khar a,a ni erawh a phun bul thung..

Ka hma ah chuan inkuangkuah thanin mitmeng hriatthiam har tak chuan min melh kar a..

"Zanin atangin kan tan dawn kha theihngilh suh ang che" a rawn tih chuan ka bu nghauh a..

"Keipawn i thutiam kha i hriat reng ka beisei, khaw mipuite eizawnna i chhunzawm tir tur a ni, chuan ka chhungte tumah i hnaih tur a ni hek lo, a chiang tawk em" mahni inringtawk tak chung chuan ka ti a, a ni erawhin khap miah lovin min enkar thung, ka chhungril khur ru der der a hriat ka hlau kher mai..

"A tha lawm..nang i rinawm chhung chu ka ngaihtuah awm lo" kiai suk chuan a ti a, min chhanna vang hian ka thinrim nge ni a, a awmdan zawk hian ka thin a ti rim zawk, engpawh sawi se, ka ngei ngawih²..

"Ok" tihpahin ka kal hmak a..a ni erawh a nui ri hawk thung..va let leh a, a ke ah va chhuih zawk mai ka duh, min thlir reng tih ka tukhum za mer mer atang hian ka hre thei, hepa hi haw hle mahila, ngati nge a bulah hian ka zam deuh tlat mai le aw..insiam that ka ngai a ni..

Inchhung ka luh rual chuan ka thaw hak a, pawnah khan ka lo inhum ruh hle a niang, ka kut te hi a kham vek..

Ka nu leh pate room chu thawm dim thei ang berin ka pan a, an muhil tawh a ni ngei ang, light a thim vek a, tibuai lem lovin ka room lam ka pan nghal a..khumah a vang zawkah mu in inchunglam ka thlir vang vang a, thawk chu ka la leh hak a, "ka thiltih ah hian ka inchhir tur a ni lo ang" keimah chuan ka inbe mawlh mawlh a..

"Kawngdang engmah ka nei chuang lo, ti hi chuan ka chhungte leh khaw mipuite an him anga..mahse keimah ber hi engtin nge nitin lem ka chan theih ang, nilo..ka thei lo ang,..aaa ka theih tur a ni, ka pa tan" ka rilru buai nuai tihreh nan bathroom ah chuan ka lut a, bathtub ah chuan thu vang vangin thil ka ngaihtuah vang vang a..

TAEHYUNG P.O.V

Thelma ka thlah haw hnu chuan Kan thianzaho bik kan awmkhawmna club chu ka pan ding nghal a..

"Hey..Bro tunlai i va buai thei awm ve, kan inhmu khat hle mai" Jimin in min kuahpah chuan a ti a..

"Nia..hna ka nghah a" nuisuk pah chuan ka ti a..

"Taehyung, Jennie nen inla inzui a mi" Suga chuan champagne min pek pah chuan a ti a..kei erawh ka kiai suk thung, mite hmuah chuan inkawp kan ni a, kan inkar ah erawh engmah a awm lo tih Kei leh Jennie chuahin kan hria..

"Tunah chuan la ni rih"

"Takah Jungkook hian a vawikhat nan hmeichhe duh a nei ve asin" Jimin in a rawn tih chuan ka thil in lai ka phuh teuh kher mai, Jungkook meuhin hmeichhia a duh ve a nia, a awiawm lo zawk alawm le..a tawpah chuan ka naua pawn tlangval a hre ve tawh a ni ngei ang..nui ver ver chungin "tunge kan monu tur chu" "a hming pawh ka la hre bik lo, kawngah ka hmu a" Jungkook in a tih chuan kan nui ver ver hlawm a..

"Khai a..hmasawn a va har dawn ve" nuisang chuan ka ti a..

"Mahse engang hmel nge tih tal chu i hria ang chu tiraw" Namjoon chuan a rawn ti a..