💜 HERSTORY 💜(Mizo Vers) #complete#

✨ sixteen ✨

🧡HERSTORY🧡

💚 TAEHYUNG FF💚

CHAPTER 16

______________

Ka inbual zo chu ka kawrhak tur ber ka enkual den den a, office lamah engtiangin nge an in dress thin ka hre silo..

Ka khup chen pawnfen dum leh kawr bantluan chu ka ha a, pheikhawk tlema sang ka bun bawk a, ka sam chu ka thlah a, ka hmai chu make-up tlem ka hnawih a..

Ka insiam zawh meuh chuan ka lungawi veng²..keimah tawkah hi chuan hmeltha ka va in ti lul em...

Room atang chuan nui ver ver chungin ka chhuak a..

Hara leh Taehyung sofa ah an lo thu chu ka hmu nghal

Hara in "Thelma hmuh i nuam takzet" nui ver ver pahin a rawn ti a

"Ka lawm lutuk..ka kalsan nghal mai ang che" nuilet sak pahin ka ti a..

Taehyung ka va en chuan rum zetin min lo melh kar a, engvanga thinrim ve leh ringawt nge ka hrethiam lo kher mai

Thawh tum lo zetin a thu kur lehnghal a, engemaw a hriat hrep le?? "Mr Tae" ka sawi zawh hmain "i kut kha" a rawn ti hrawk a

Ka kut ka en chuan zungbun min pek kha ka bun lo tih ka hrechhuak chiah, hmanmawh emem chuan room ah chuan ka tlan lut nghal a, ka inbual dawn khan ka phelh a, ka bun theihngilh a ni

Dawhkan ah zungbun chu rangzet in ka bun sawk sawk a, hmanmawh taka chhuakin ka kut chu a hmuh theih ngei turin ka lek kang va a "hei i lawm tawh em, Kim Taehyung" ka ti hmak a

Ka kuta manin chak zetin min chhuahpui nghal a, a motor seat hnung kawngkhar hawngin min luhtir a, ka thu deuh chiah tihin rangzetin a rawn lut ve nghal a, a driver hnenah chuan hmanmawh taka tlan turin a ti nghal a,..a chet dan maksak thei lutuk hi ngaia neih har ka la ti fo mai

Ka thut that hnu chuan ka kutah rawn vuan chatin"ngati nge zungbun kha i phelh a, phelh lo tur che in ka hrilh chiang viau che a ni lawm ni" vin zet chuan a rawn ti a..

Thil hrechiang hmasa lova hetia min vin chiam chiam hian ka thin a rim thin, ka duh reng vanga phelh pawh ka ni lova..ka inbual dawn vang chuaha phelh ka ni..hetiang emem hian a la serious dawn tih hria ila chuan ka inbual pui ngei ngei ang mawle..

"Ka in bual a, ka phelh a, ka lo bun theihngilh palh a nih kha" damdiai chuan ka ti a, a ni erawh a la lungawi lo hmel khawp mai, eng hian nge maw ti mood off em em nge ka hre lo a ni..

"Kha zungbun kha i ngaina vak lo a mi, a dang kan en mai dawn a mi" a tih chuan ka lu ka thing vat..enge maw a hriat le..

" A dang a ngai lo, hei hi ka duh alawm" ka ti sap a

Bakah a lak ah hian engmah ba neih ka duh lo, a mizia hi hriatthiam a har si a, tunah mi pawh hi lo ti bo palh ta ila..a man min dil lo ang tih tunge hria..a to hmel ropui si a..engtikah mah ka rul thei lo ang, chuvang chuan ka fimkhur tur a ni..

Engmah sawi lova min en vang vang avang chuan thaw hakin "khatin min en suh Kim Taehyung" ka ti leh hmak a

"Khatin min ko suh, ka nupui hual i ni tawh a, Tae emaw Taehyung tiin min ko tawh ang che" thupe zeta min rawn tih chuan "awle sir" ka lo ti hmak a

Thinrim insum tum zetin a thaw hrawk a "nang nen hian tawngkam tha ah kan inbiak pawh ka la hre lo" a ti vang vang a

Ka nui hak a "chhanna awlsam lutuk, nang leh kei hi kan inmil lo tihna a ni mai" ka ti sap a

Ka lamah rawn awn phei in "kan inmil lo tih i chiang chiah maw" cho zeta a rawn tih chuan ka lu bu pahin ka chil ka lem ri kalh a

Motor a ding chuan ka hawi chhuak vat a, Kim Taehyung office building kawt kan lo thleng der tawh a