💜 HERSTORY 💜(Mizo Vers) #complete#

✨NINE✨

🧡HERSTORY🧡

💚 TAEHYUNG FF💚

CHAPTER NINE

______________

Ni zungin ka hmai a rawn chhun set set a, peih lo zet chuan tho chhuakin bathroom lamah chuan ka lut a

Nizanah Taehyung awmdan vel chu ka ngaihtuah let a, ka tim uai uai thei, khatiang khawp khan min hnaih a nia, a rui tih hre mahila, keimah ah nghawng a nei thui zia hi hria se chuan min nuihzat ngawt ang..

"Morning" choka lamah chuan ka phei a..

"Morning le..tukin chu thawh kan hai a ni maw" nui var var chungah ka pa in a rawn tih chuan ka nui let ve sak a..

Nizan ah kim Taehyung in min rawn kaitho lo se chuan thawh ka hai lo ang mawle..

"Engtin nge dawr chu ni dawn ta..a rilru chu a thlak thei ta em" thingpui min rawn pek pah chuan ka nu chuan a ti a..kei erawh ka za chhuak vek, dawr neih let theih nan ka inhlan tih hria se chuan engtin tak min ti ang maw..

"Aw a tha vek e, building thar an sa rih dawn lo a nihchu" nui sen sen chung chuan ka ti a, ka chhungril ah erawh ka khur der der, ka chhungte bulah hian dawt ka la sawi ngai lova, dawtsawi pawh ka duh hek lo..mahse tunah erawh kan him tlang theih nan nitin engtianga tam nge dawt ka sawi ngai dawn le..

"A that hlauh chu..mi fel taktak hi an lo awm leh thin ania" ka nu chuan hlim sang chuan a ti a, kei erawh ka nersak thung, a fel lohzia hrechiangtu ka ni a, ka nu hnenah hian thudik ka hrilh zawk dawn amawni le..

"Ka kal dawn" tih leh thawh ka rual nghal a..

"A va la hma awm ve.. breakfast ei phawt la" ka pa in a rawn tih chuan lu ka thing a..

"Vawiin chu inrinni a nia, bazar an tam a, in hawn hma ka duh"

"Awle..tha lawm, nihman nuam le"

"Nihman nuam u"

Dawr ka thlen rual rualin an lo pungkhawm nghal a..

"Thelma, khapa nen khan engtin nge in² remsiam a..he hmun hi in chhuahsan rih lo ang tiin min rawn hrilh a.." nui vur vur chung chuan pu Junga chuan a rawn ti a, midang ho pwh an hlim tih hriat zetin an ri mup mup hlawm a..kim Taehyung chuan a thutiam chu a rawn hrereng a nih hi, ka buaina pakhat chu a zo ta phawt a, ka rilru ti hah emem tu chu keimah hi ka ni..ka thutiam angin ka awm ve thei angem..

Dawr chu ka hawng a, takah thawmhnaw dawr lianlo te ka nei ve a, design lam hi nuam ka ti a, pawisa han nei deuh ila chuan design ka zir ngei ang, tunah erawh midangta ka kharchhawng a, puanthui pawh keimah tawkah chuan ka ti ve thei mai a, mahse market lamah han zwrh chhuah tur khawp chuan a mawi em em hran lo..

Thawmhnaw ka khai that mawlh mawlh lai chuan tu emaw hian ka hnunglam atangin ka kawngah min rawn kuah thut a, ka phut na sat em avangin ka rak deuh that..

"Min ti phu alawm.. khawngaih in khatiang khan rawn che thut thut tawh lo la, ka lawm khawp ang"

Ka thusawi ngaipawimawh lo hmel zet chuan a nui sak a, a inthuam dan mawlh chu a inhmeh takzet, hepa hi model lamah pawh lut se, a hlawhtling ngawt ang..a chang chuan Pathian hi ka dem lek lek thin, hetianga mipakhat hnenah thatna a dah hnem lutuk bik hi..

"Hello...min en zawh tawh chuan inbia ila" ka hmaah a kut a rawn vai chuan ka harh chhuak zawk a..ka zak lutuk chu ka hawikual chen ringawt..

Ka awmdan avang chuan rawn nuisuk in"duhawm reuh lutuk" a tih chuan ka melhrum nghal vat a..a ni erawh a nuih a zat hmel khawp mai, hepa hi a thofuh viau a niang, a ni lo angin a khi reng mai..nilo hei pawh hi lemchanna tho a niang, enge maw ruahhmanna te a lo nei palh takin ka fimkhur viau tur a ni..