بين الابيض و الأسود ( روايات ليبية )

حلقة 2🔥

#بين_الأبيض_والأسود😢 حلقة 2 ☺

الكاتبة « هبوش » ❤

لين حسيت بعصا ضربتني ع راسي
اني : الله لا تسامحك طيحتلي قلبي ... وحطيت يدي ع قلبي
مالك : اني ضربتك ع راسك مش ع قلبك😕
اني : تو أنت شن تبي عارفاتك تلحق فينا
مالك كتف يديه : لااااا ياانجلينا جولي
اني : شكرا😇
مالك : شن اديري اهني بس
اني : شن دخلك😑
مالك : مطول لسانك يالاطييف
اني : باهي برا خلاص
مالك : تقدري تقعدي بروحك ماتخافيش
اني : لا أمشي مانخافش
مالك مشي ورجع : متأكدة ؟
اني : راجي خلي نصلي صلاة استخارة🐸
مالك : باهي
اني : تي برااا
رن تلفونه ف جيبه : به الأيام بينا يادبة المهم كان جاك شيء نمر ولا فهد ناديني هيا تشاااو
اني : تي تعالى نبصر عليك😇 هي وين مشيت😨 ميار اطلعي وراس امك
شوي وطلعت : انتي ومن كنتي تهدرزي
اني : من عارفتيه😑 غير هيا سقدينا
رجعنا للمخيم وقعمزنا ف مكانتنا
اني : هدرزي وين سرحانة
ميار تنهدت وقدمت رجليها وحطت راسها ع ركابها وعيونها دمعوا
اني : ميار خيرك
ميار : جتني الحاله .. وقعدت تضحك وتبكي
اني : انسيه مش مستاهل هذا كله
ميار : موعره الحب من طرف واحد إن شاء الله ماتجربيه💔😢
اني زعلت عليها بس مانحبش نبين : الله غالب
ميار : تخيلي يصيرله شيء ف ليبيا والله نموت
اني : بعيد الشر ياريته غير حاس بيك قتلك فوتيه خلاص
ميار تنرفزت : وراس امك اسكتي اسيل ع أساس بيدي
اني : به اقعدي ابكي تو ينفعك ... وضربتها بالمخدة
ميار ضحكت : بري يا مالك😂
اني : من مالك 😕
ميار : هذا المصيبة صاحبك😂
اني : قصدك اسمه مالك شن عرفك
ميار : بكري سمعت بوه هكي ينادي فيه
اني : اسمه حلو خسارة فيه😒
ميار : حتى هو حلو😍
اني : ياريت تحبيه وتفكينا من هداك الزفت
.
.
يوم جديد وصبح جديد ف مكان جديد🙈🌞
نضت ع مؤيد يأكل ف السامينسا ويلوح فالقشور ع وجهي
اني ف مكاني : ياحماااااااار
مؤيد : صورتك فيديو وتو تشوفي لمن نوريه😂 
ع طول خطر ف بالي مالك وقلت تو يشدهالي😱 نضت بنلحقه طلع برا من الخيمة واني ف جرته حفيانة وشعري فالجو نحسابه قعد فجر
نخش ف وجه النحس مالك
مالك : وين عيونك الزفت
اني : تي خيرك ديما طالع ف وجهي 😑
مالك سكت شوية وقعد يضحك بالصوت : نسمع بعزوز القايلة ف ليبيا مانحسابها بتلحقنا ف تونس
اني تذكرت منظري 😭 خشيت خط واحد للخيمة ومعاش طلعت 3 أيام
بعد ثلاثه ايام 🌚

ميار : غير نوضي هيا ندهوروا فكينا عاد
اني : كرهت الطلوع مانيش طالعه فوتيني
ميار : مبردك تي نوضي
وقعدت تنوض فيا بالسيف
لبست وشاحي وجاكيت طويل شوية وطلعت نهدرز اني وياها ونلودوا فالشجر
ميار : مالك مابانش اليوم
اني : فكه فكه
ميار : خاطري نديرو مكرونة ع لحطب
اني : صح فكرة حلوة تو نديروها شيء يوم
خالتي سميرة : ياميااار تعالي
اني : امك تنادي
ميار : خليك اهني نمشي نشوفها ونجي
واني قعدت نلود ونستكشف فالاماكن مدايرة عصا ونحرك فالشجر🌚💔
نمشي نمشي لين لقيت واحد عاطيني بالظهر ومافهمتش شن يدير .. مش عارفة شن قربني منه لين شافني كان مالك يدخن
اني : هي انت شن ادير اهني
مالك شافلي ورجع يدخن ويطلع فالدخان من خشمه
اني لوحت لعصا وقعدت انفض ف ايديا : عارفة جيت فالوقت الغلط ... وكيف بنمشي
مالك : عزوز القايلة خليك
اني درتله : أحترم نفسك😒
مالك : غير تعالي قعمزي
قربت منه وقعمزت : لوح الدخان به
مالك : علاش
اني : تو يضرك
مالك ضحك : هو اني هكي ولا هكي ماشي فيها
اني : كيف
مالك : قعدة صغيرة ماتفهميش
اني : ف عينك
مالك : قداش عمرك بالله
اني : 19🙈
مالك : اووو هههه نحسابك أصغر والله
اني : عارفة روحي نبان صغيرة
مالك : المنظر منظر 40 عام والعقل عقل 10 سنين
اني : شن هووو😡
مالك : نبصرووو ياعزوز القايلة ماتولعيش
اني : معاش تعاودها
مالك يشوفلي ببراءة عيونه يجننو عسليات : حاضر
اني : باهي خيرك يامالك
مالك : كيف عرفتي اسمي😂
اني بدي وجهي أحمر : سمعتهم ينادو فيك 😶
مالك : امممم وانتي شن اسمك
اني : شن تتوقع😇
مالك : حدهم
اني : اني حدهم😧 الله لا تسامحك
مالك يضحك بالصوت : اسم جداي خيرك هازية
اني : خلاص حدهم حدهم 🐸 مانيش قايلتلك ع اسمي
مالك : بكيفك عاد يااسيل
اني فنصت عيوني : أعوذ بالله منك
مالك لوح دخانه وهو يضحك
فجاءة حط يده ع راسه وقعد يسكر ف عيونه ويتألم
اني : مالك خيرك😱
مالك : غير بري خشي بري .......يتبع>

طبعا المسلسل الكوري هذا وابطاله هما المفضلين عندي ماعنديش معاهم روح🙈 واخترتهم للرواية هادي بالذات لأني نستمتع هلبة لما نكتب فيها✋❤