#بين_الأبيض_والأسود 😢 حلقة 15 ☺
🔥 ما قبل الأخيرة 🔥
للكاتبة والمؤلفة " هبوش "
جت عيني ف عينه واني واقفة نرجف
هو غمزلي وضحك
وأني ع طول خطر عليا كلام رياض وبعدت ع عيونه لأني مش لابسة لبس حجاب
ميار : خيرك مخلوعة
اني شديتها مع يدها من فوق : مالك يشبحلي
ميار : اووو ههههه
اني : تعالي ناخدو عباياتنا واوشحتنا لأن بنخطموا قدامه
وفعلا لبسنا وطلعنا قعمزنا ع الطاولة وفات الوقت وطلعوا بيجيبو لعروسة
رن تلفون ميار وكان مالك
ميار : هاكي
اني : من😳
مالك : يانعلي من فراولتي طيرتي عقلي اليوم
اني ابتسمت والابتسامة وصلت لوذاني
مالك : الليلة بنكلم خوك دعواتك انتي وميار
اني فنصت عيوني : اللييييلة😳
مالك : اي خلاص حبي معاش عندي صبر
اني : خايفة منه
مالك : للمرة المليون نقولك اوثقي فيا
اني : سلمتك امري
مالك : قارية ع روحك انتي
اني : اممم اكيد😇
مالك : ههههه عليك ثقة
اني : والله انت إلي سئلت
مالك : غير اسمعي بنسمعك اغنية
اني : بصوتك لالالا
مالك : مش بصوتي يابهيمة ف السيارة مولعها
اني نضحك : هيا به
مالك فتح " ياربي ياعالي يالعالم بيا وبحالي .. ياربي ياعالي .. ندعيلك سخرلي حالي .. ياربي ياعالي .. ننسى جو السهريات ونروح جنب احلالي "
طبعا الأغنية هادي نموووت فيها وديما اذكر فيا ب مالك
اني : إن شاء الله يارب
مالك : هي نخليك توا عيوني
اني : استنى
مالك : شني حبيبي
اني : رد بالك تسطرب نورييك
مالك : خاطرك فيه مش عز فيا
اني : ههههه ف عينك
مالك ضحك وسكرنا من بعض
قعدو شوي وجابو عروسة طارق اسمها هيام ودخلوها
ميار : تعالي نسلمو عليها
اني : اي تمام خلي تخف الزحمة بس
ميار : اشبحي عماد شن باعتلي
😍
كان باعتلها اقتباس حلووو ويعبر عن حب عميق واختار الوقت المناسب الصراحة 💚 ربي يهنيهم
سلمنا وبعدها طلعنا روحنا
ف الطريق
امي قامت تلفونها : هذا رياض .. ايواا رياض
رياض : الوو يما امتا مروحين
امي : هانا ف الطريق شن فيه
رياض ضحك : ماتنخلعيش يا غالية نبيكم ف موضوع بس وكله صار اليوم يخص اسيل
امي : يخص اسيل ؟ باهي به سكر توا لين نوصلوا
اني حاطة يدي ع قلبي ومخلوعة مانبيش نسمع خبر يطيحلي قلبي 😭 لأني معاش نتحمل
بوي يسوق : زعما يخص سراج
امي : حتى اني هكي قلت
.
وصلنا الحوش واول مافتح رياض دفيته وخشيت نجري وهو قعد يضحك عليا
اني ف داري نبدل ف حوايجي ونسمع ونرعش ونبكي💔
رياض وقف : مالك طلب اسيل للمرة الثانية واني وافقت من عندي .. وحط يده ع قلبه
بوي : حلوة هادي وافقت من عندي اني البو ولا انت ؟
رياض : شن يمنع به
بوي : ماتشوفش ف حالة البنت 24 ساعه ف دارها مانبيش من يضغط عليها المرة هادي ونكررو نفس الغلط وعمك منصور اني تو نعاود نفهمه
رياض ضحك : غير اصبر ياحاج .. والتفتت وراه : اسيل يااسيل
أنت تقرأ
بين الابيض و الأسود ( روايات ليبية )
Romanceعندما تكون حياتك عبارة عن لونين ( ابيض ) و ( اسود ) يوم فرح و يوم حزن . رواية تدور احداتها حول قصتان يجمعهم حب كبير و لكن حياتهم لونين ؟ فما مصيرهم ؟ . رواية غرامية 😍 و من واقع المجتمع الليبي ؟ للكاتبة : هبوش
