#بين_الأبيض_والأسود😢 حلقة 4 ☺
لبست وشاحي وطلعت راسي العياط جاي من خيمة عيلة مالك😳 يناعلللي طلعت نجري لقيتها زحمة
عمتي فوزية : لا إله إلا الله ياحليلي ياوليدي حسبي الله فيهم ولاد الحرام
مراء تانية : لوليد عايش وحدي الله
اني نشوف ومش فاهمة شيء ومصدومة نفس الوقت
بعد ربع ساعه هكي نسمع ف مالك ينادي ف أمه مش عارفة علاش طلعتله نجري
مالك : بري نادي امي
اني : غير فهمني شن فيه هذا خوك ولا
مالك : اي خوي جريح وجايبينه لتونس غير بري ناديها
اني : حاضر دقيقة بس
خشيت كلمتها وقعمزت جنب أمي وخالتي وميار
ميار : شن قالك ع خوه
اني : قال ف طريق جايبينه لتونس ومعاش نعرف
ميار : يعني حي
اني : اي حي الحمدلله
ميار : ربي يشفيه
شوي وخشت عمتي فوزية وتمسح ف وجها حسيتها اتأشرلي مشيتلها : نعم ياعمتي
عمتي فوزية : بالله بنيتي وتي لمالك حوايجه انتي ف مقام أخته غير هاك تشوفي ف الناس خلي نقعمز معاهم شوية
اني : تمام عادي لكن شن نوتيله وين بيمشي هو
عمتي فوزية : وتيله ساكو ماشي مع خوه ف الاسعاف للعاصمة
هزيتلها براسي وناديت ع ميار وخشينا للجيهة التانية من الخيمة
ميار : هما حوايجه وين
اني : اهم قدامك كل حاجة ف جيهة هالفوضوي هذا
ميار : الله غالب عمتي فوزية ماعندهاش بنات وماعندها حد اهني
اني : لا عادي شن قلت اني .. ميار افتحي الساكو واني نطبق ونمدلك
ميار : به
لميت تشيرتات وتوتين وسروالين وبعدها لقيت شورت فيه سمايلات لونه برتقالي😂 قعدت نضحك بالصوت
ميار : حي ع العار 😂😂
اني شديت ضحكتي : خلاص اسس تو تلزنا عمتي فوزية
ميار تضحك : اما الشورت ماخلاش
اني : لقيت نقطة نشدهاله تو نوريه عزوز القايلة كيف شكلها🐸✌
ميار تسكر ف الساكو : هكي تمام بري عطيهوله
اني هزيت كتافي : فكيني منه
ميار : عيب عليك بري مش قتلك انتي ف مقام أخته
اني وقفت : باهي هاتي
.
.
طلعتله وقعدت انادي فيه لين جاني
اني : مالك هاك حطيتلك تشيرتات وسروايل وشورت فيه سمايلات ... وقعدت شادة ضحكتي
مالك 😑 : انتي من قلك اقربي امهم
اني : عادي ماتزعلش حتى إني عندي زيه😂
مالك : مش وقت ضحك ره
اني انتبهت ع روحي : اسفة😞 عندك الحق
مالك خدي الساكو : احلى شيء فالموضوع معاش بنشوف وجهك يا ....
اني : عزوز القايلة😑
مالك حط يده ع كتفي : ديري بالك من روحك ومن امي مانوصيكش عاد 😉
اني حسيت روحي نودع فيه وحانقعد وحيدة حتى لو اني مانطيقاش : مالك
مالك دارلي : ايوا
اني : عطيني رقمك بش نطمن عليكم ونطمن أهلك
مالك طلع تلفونه : اكتبي هي
اني طلعت تلفوني النوكيا🐸 صقع عليكم : ليبيانا ولا مدار
مالك ضحك : لا حول ولا قوة إلا بالله
اني : اي صح احني ف تونس نسيت
مالك خدا مني التلفون وكتبه ومدهولي وخشيت لخيمتنا طيبت لغذاء اني وميار وقعدنا نهدرزوا
أنت تقرأ
بين الابيض و الأسود ( روايات ليبية )
Romanceعندما تكون حياتك عبارة عن لونين ( ابيض ) و ( اسود ) يوم فرح و يوم حزن . رواية تدور احداتها حول قصتان يجمعهم حب كبير و لكن حياتهم لونين ؟ فما مصيرهم ؟ . رواية غرامية 😍 و من واقع المجتمع الليبي ؟ للكاتبة : هبوش
