بين الابيض و الأسود ( روايات ليبية )

حلقة 5🔥

#بين_الأبيض_والأسود😢 حلقة 5 ☺
مالك : اسيل حرف A 😕 .. بعدها قام حاجب : حبيبك ؟

اني هزيت راسي بمعنى لا : صاحبتي ... وقعدت ندور فالحديدة : استاحشتهاا
مالك : قعدة ف ليبيا هيا
اني : مش عارفة ماعنديش باش نوصل فيها
مالك : الحمد لله أنها عايشة مش زي إلي صاحبه يموت قدام عينه .. ونزل راسه خنقاته العبره
اني : الله يرحمه 😞
مالك عيونه مدمعات : تعرفي يااسيل الهدف اني كنت بس هو حماني والموت كان من نصيبه هذا إلي واجعني مات قدام عيوني وقمته بيديا هادم
اني : ربي اختاره للموت معاش تلوم روحك هكي حاتتعب
مالك شافلي : تاعب اني تي فاد من حياتي الدنيا مافيها ماينعاش

اني : قول الحمدلله يا مالك تو تفرج
مالك طلع باكو دخان وقعد يدخن
واني خشيت للغرفة ومشغولة ع مالك عرفت وراه قصص مش غير قصة وحدة إلي مخليينه هكي وتو مع الوقت يبان كل شيء

قعدنا ممكن ساعه ونص وروحنا

فات اسبوع نفس الروتين ماطلعتش من الشقه بكل كنا نوتوا لأن خالتي جايه وكنت بنطير من فرحتي لأني مكسدة من غير ميار
وصلوا وع طول حضنا بعض
ميار : استااااحشتك ياكلبة مش مصدددقه
وقعدنا نعيطوا ف الصاله ونلودوا
بوي من بعيد : تي هذا شني
اني وميار هربنا ع داري واحني نضحكوا
هدرزنا شوية ووقفنا نتفرجوا مع الروشن
ميار : مش هذا مالك
اني ركزت عليه لقيته يمشي ومعاه ولد تاني  : اي هو لكن من هذا إلي معاه أول مرة نشوفه 😕
ميار : أكيد خوه عيلة كلها طروف مشاء الله
اني : لا مااضنش خوه
ميار : به تعالي ننزلو نقعمزوا لوطة لاحقين ع الحيوط
لبسنا وشاحات وسبيدروات ونزلنا لمحل خذينا منه تشيبس وشكلاطات
اني : احسبلي هادم كلهم
الراجل : 15 الف
ميار شهقت فيه لين انخلع : احني واخدين تشيبس مش المحل كله
اني نخستها ومديتله لفلوس : غير اطلعي قدامي حشمتينا

بينما كنا نتناقشو واحني طالعين من المحل بالزبط تضرب ميار ف نفس الولد إلي شفناه مع الروشن😂
عماد : تي خيرك الزفت ديري عيون
ميار : والنبي برا من عليا مش ناقصاتك
اني : تي خلاص انهي وبري قدامي
ميار : خلي نعطيه ع راسه

عماد كيف بيمشي وقف ودارلنا : نعننن .... يخلو الواحد يخرط .. وغير طريقه
مالك : خيرك فاصل ياراجل
عماد حط يده ع لحيته : من النماذج إلي نشوفوا فيها ماسد الواحد طالع من ليبيا يلحقوه
مالك ضحك : غير هيا تعالى وفكنا من الجو
.
احني كنا مقعمزين ع مكان زي السور هكي وندرجحوا ف رجلينا وناكلو لين خطم مالك ونفس الولد إلي تعاركت معاه ميار
عماد بصوت عالي : أعوذ بالله
مالك : قصدك اسيل ؟😕
اني قعدت انأشرله بيدي لين جانا
مالك : انتي خير امك ياام لسان مع الولد
اني : تي مش اني هذا هو وميار
مالك : اي وشن تبي تنادي😑
اني : هذا خوك !
مالك : لا ولد عمي
اني : به خلاص برا
مالك : شن تلزي ياتشاينة
عماد جي حتى هو : هيا ياراجل ماتنفخهمش
مالك : عماد صلي ع النبي
ميار : النبي إلي يعرفه😒
عماد عصب : ماه انتي إلي تعرفيه تي بري سيقانك زي عكوز جداي
طربقنا ضحك اني ومالك 😂😂😂
ميار : مثقل دمك عندك علم
عماد : لا عندي راية مش علم
اني : به خلاص ضم فمك 😑 خلونا نتهنو ف طلعتنا
مالك دفه قدامه ومشو
لين جتني رساله منه " خشي داخل انتي وبنت خالتك خير ماتشوفي شن ندير فيك فهالليل "
اني " وأنت شن علاقتك "
مالك " تمام راجي شوية "
اني خفت لأني نعرفه مجنون 😱 " شن بدييير "
وكانت الدنيا مظلمة ممكن ساعه 8 حاجة زي هكي
لقيته قدامي هو والزفت عماد
ميار : شني استاحشتني ؟
عماد : لا ياهيفاء وهبي ماتقوليهاش 🐸
مالك : بتخشي ولا لا
اني : لاااا
مالك شاف لعماد وغمزله : توكل على الله
اني وقفت وكيف بنهرب حسيت روحي تعليت فوووق مالك قامني قعدت نخبط ع ظهره : ياحيوااان نزلني الله ياخدك والله نقول لبابا ماااااالك
مالك يضحك : سكري فمك به
اني : هيا نزلني
مالك حطني ع الدروج : امشي خشي
اني : ياتافه يامتع شورت السمايل🌚😂😂
مالك فنص عيونه وشاف يمين شاف يسار : خليك قد كلامك

هربت منه نجري
.
عماد : خيرك تشبحيلي هكي😒
ميار : قداش مانك نفسي
عماد : بري خشي خير ماندخلك بطريقتي
ميار شافتله بنظرة حادة وخشت ركبت فوق وطيحت عليه لوحه خلاته يلعن فالشارع😂

اني : ياريتها ف رأس مالك
ميار : هي تعالي نهدرزوا
طفينا الضيء وقعمزت كل وحدة ف سريرها وقابلنا بعض
ميار : حلوة العاصمه ماتوقعتهاش هكي
اني : اي لكن شن الفايدة ف الأخير تقعد ماهيش بلادنا
ميار : تو تتساوى ف الجاي ماتجي 2017 ولا 2018 إلا ماتكون زي دبي
اني هزيت راسي : مااضنش😢 مدام خش السلاح ف ليبيا معاش يصير منها
ميار : ديما عاد هكي انتي ياوجه البومة
اني جبدت لغطاء : به تمرقدي غذوة ورانا مشوار
ميار : مزال مانيش نعسانه
اني : خلاص بري هدرزي ف شقه عمي منصور معاهم
ميار : هذا إلي بنديره اصلا بس خايفة نلاقي عماد أكيد ناقم عليا توا 🐸 هي رقدتي يابهيمة ...

لبست وشاحها وطلعت قابلها عماد متكي ع الحيط ويدخن
ميار دارت روحها ماتشوفش فيه
عماد شافلها 😏 وقعد يجبد فالدخان وينفخ ف وجها
ميار وقفت : ريح روحك خيرلك
عماد : علاش شن درتلك 😕
ميار تكح معاش عرفت حتى كيف تتكلم
عماد : انتي إلي تلحقي فيا شن بنديرلك😎

ميار لقت الباب مردود خشت طول وبعدها رجعت : عماااد😇
عماد : شني(what)
ميار : تبيك مرت عمك
عماد لوح الدخان وعفس عليه وكيف بيخش سكراته ميار ف وجهه وخشت
.
.
.
تاني يوم نضنا نشااااط 😍 لأن بنطلعوا للمول إلي جنبنا اني وميار اسمه " مونوبري " فيه هلبة فروع منه وحتى هذا فرع لكن كبير وفيه كل شيء
خالتي : تفوتوا ساعه نهارك انتي وياها
ميار & اني : باااه فهمنا وحق ربي
لبسنا زي بعضنا بلوزات بيض طوال تحت الركبه وجاكات كحل ووشاحات وردي هافت وسبيدروات اديداس ❤

واحني نازلين تلاقينا مع راجل خالتي
اني : وين بوي ياعمو
عمي فتحي : مش عارف بالك مع منصور
ميار : به يابوي نبي فلوس
عمي فتحي : مش عطيتك البارح
ميار : عارفة لكن مايسدوش☺
عمي فتحي : المول حدانا تو ديما تمشوله غير بري توا

كملنا طريقنا للمول وقعدنا نقيسو فاللبس ونختاروا
خذيت اني بلوزة وردية كتافها نازلات ومعاها قونه فضية تول وقصيرة✋ من الأول حطيت عيني عليها
وميار خدت سروال وجاكه طويله واكسسوارات

وخذينا حاجات تشيبس وعصائر وهكي وروحنا

بعد ايامات 🐸 مدايرين زردة ع اساس اني ومؤيد وميار بس
مؤيد : هاتي فلوسك ياميار
ميار : اهم قدامك
مؤيد : به شن تبو بالزبط !!
اني : ماصح وجهك تحسابنا ف ليبيا احني بننزلوا تبي ولا ماتبيش🌚
مؤيد : شني ربي ف ليبيا بس يابهيمة
ميار : وين الحرام فالموضوع !
مؤيد وقف : ضمي فمك انتي وياها برو اسئلو بوي قبل
اني : تو نمشي اقعدو اهني
مشيتله درتله درااما ودموع لين قالي باهي🌚👌
ونزلنا كانت ساعه قريب 8 بعد المغرب
خذينا بيتزا(pizza) و3 همبرجر(burger)

واحني راجعين للشقه نشوف ف ميار ومؤيد يجروا بديت نجري وراهم واني مش فاهمه الموضوع 😭
ركبوا ف الاسنصير وسكروه عليا وهما يضحكوا
اني قعدت نخبط : باهييييي كله عند امي
وركبت مع الدروج من أول دور لرابع دور .. كل درجه نقعمز نتنفس وانوض🐸💔
رابع دور وصلت زحف نسمع ف صوت مالك يتكلم م الدروج طاحت ف وذني كلمه " مانقدرش نخاطر بحياتي ونخلي بوي يعاني بروحه " 😧
اني بصوت واطي : هذا شن يقول ... وقعمزت نسمع
مالك : .........يتبع>