بين الابيض و الأسود ( روايات ليبية )

حلقة 16🔥 النهاية 🔥

#بين_الأبيض_والأسود😢 حلقة 16 ☺
والأخير ❤✌👑

للكاتبة " هبوش " « »

مالك وقف وقعد يقرب مني بطيئة واني مع كل خطوة قلبي تزيد سرعته قرب وحط يديه ع كتافي وباس جبهتي : قداش ماكنت نستنى فهاللحظة
اني خذيت يديه من ع كتافي وبستهم : ربي يكمل علينا بالخير
مالك : امين يارب
وسحب يد وخلى يد عندي
اليد الأولى جبد بيها صندوق الذبلة ومسكلي يدي ولبسهولي وقتها كأني نحلم شعور يهبلللللل❤ عوضني ع كل دمعة
مالك مسحلي دموعي : توا علاش تبكي فهميني بس
اني : تذكر لما قلتي والله نخليك تبكي دموع فرح  انت وفيت بوعدك وأني حققته❤
مالك يشوفلي بعيونه العسليات إلي كلهم براءة وكلهم حب
وبعدها مدلي كيسة بيضاء فيها تلفون لين خش رياض وأني طلعت
مرت خالي : تعالي هيا اسيل
اني : نعم وين نجي
مرت خالي ضحكت : قصي الكيكة

اني : اه به😂

سلبت عبايتي ورجعت خشيتلهم كانت كيكة كراميل وشكلاطة ع دورين الدور الأول قلب ومكتوب فيه  M + A
والدور التاني مكتوب ع الحاشية
❤👫

عساَْگٍ بذٍنَيِتٍيِ تٍبقيِ بداَْيِهً ومٌاَْلّهًاَْ
               اَْخر 💚"

وقصيتها وميار تصور فيا وهما يزغرتوا
خالتي : لووووولولوللللي
وقعدو يحضنوا فيا ويسلموا وأني الفرحة مش سايعتني " إن شاء الله كل وحدة تاخد إلي تحبه وراغباته وتجرب هالشعور "

هما روحوا واني ركبت التلفون طول وكلمته وقعدنا نهدرزووو ساعات وساعات ونعوضوا ف الايامات إلي فاتو
مالك : اني نبي العرس بعد شهر
اني : شوية شهر😱 خلي نحسو بفترة الخطوبة
مالك : لالا ساد ماصار فينا لازم نحصل عليك بعدين ساهل
اني : به والحوش شن يصير فيه
مالك : توا بنمشو نسكنوا فالجبل لين نكمله ولا ماتبيش !؟؟
اني 😍 : نبيك انت اهم شيء والسكنة عادي حتى ف عطارد نرضى
مالك ضحك : ياحليلي منك
اني : 🙈
ومن تاني يوم بديت نطلع كل مرة مع حد ونوتي مع أن مالك متكفل بكل شيء بس اني زدت شن خاسرة
ودرت ع الكوافيرات وحجزت عند وحدة اسمها سمية
وبعد أسبوعين حجزت ف صالة حتى هيا وعرسي كان حايجي يوم لخميس💝 الموافق  22 / 3 / 2012
شهر واني ادمااان ع مالك وع صوته نرقد عليه وانوض نكلمه ومافيش اي شيء عكرلي مزاجي مدامني معاه
فات اسبوع وعماد عطى كلمة ف ميار 🙈 وخذيتها قريبة مني وهادي تاني فرحة ليا

يوم الثلاث حنوني ويوم الأربعاء كانت السهرية وبيجيبو القفة اهل العريس
فتحو المنضومة ع اغنية " محلاهاا الدنيا لما تبي تجمع بينهم غزيل وغزالة دارو الصح وربي يعينهم يبو لحلال ويبو يكملوا دينهم ....."

جداي ام بوي : بخروها قبل مااطلعوها
عمتي : لووولووي
طبعا مرت عمي ام سراج ماجتش لا هيا ولا بناتها ع اساس مريضة وبناتها قعدو معاها ماعلينا
اني بست ع رأس جداي وسلمت عليها وهيا قعدت تزغرت وتدعيلي

وقعمزت ف الخيمة لابسة الردي البودري ولايدين بيا الصغار ويهدرزو
لين جو متعين مالك يبيبو وألعاب نارية والدنيا مقلوبة
ميار علت فالمسجل وبدي التسطريب والضرب بالسلاح من جماعتنا احني 😂✌
وفات اليوم
وجي اليوم الموعود😍🙈
الحوش تعبى بالاقارب خليتهم ومشيت للكوافيرة مع الظهر
قعدت توري فيا صور تسريحات واني نختار والمكياج قلتلها ديري إلي يمشي مع نقشي
سمية : زواج تقليدي ولا عن حب
اني ابتسمت : ع حب
سمية : شوقتيني نعرف قصتكم
اني : حاضر تو نحكيهالك
وبديت نحكيلها وهيا تزين لين كملت
سمية : ربي يهنيكم ومايحرمكم
من بعض وأن شاء الله ربي يبعتلي واحد زي مالك ههههه
اني : ههههه امين يارب

مع المغرب جي رياض روح بيا
رياض : ورينا ترا
قمت الطرحة ورديتها
رياض : يا ودي شينة
اني : الله يسامحك😂
رياض : ربي يهنيك يادبة .. وعيونه مدمعات
وصلني للصاله ودخلني واول ماقابلتني امي انهرت بكاء😭 وحتى هيا قعدت تبكي قلبي انخنق هكي فجاءة .. دخلوني للغرفة الخاصة بالعروس
خالتي : غير عطوها امية
عمتي : اسيل معاش تبكي بنتي هادي سنة الحياة أمك تو بتجيها ماعندها وين تهرب
وأني خانقتني العبرة وحالتي حالة عدلولي الميك آب وطلعوني
ع اغنية حسين الجسمي لا إله إلا الله
وبعدها نضت نرقص اني وجداي وهما يدربوكو وقلبي قعد ينخس فيا😭💔 يارب سترك خايفة من فرحتي ماتكملش
.
ساعه 12 كلمني وقال هانا جايين 🙈
وجتني مرت خالي بتنوضني هيا وميار
ميار جرتها باكية : قيميلها الفيلو من تالي
اني : علاش تبكي ياهبلة شهور وتكوني معاي ف نفس العيلة
وحضنا بعض وصورنا❤💚

والبرا انقلب العاب نارية وتسطريب وتصفييير جو ولاد من لاخير

فتحو باب الصالة وأني قلبي يرجف لين سمعت صوت طلقة ووراها تانية💔 وصوت ولاد عالي لما سمعت اسم مالك طحت ع طولي😭 لأني عارفة فرحتي ماتكملش تمنيت روحي نكون غالطة .. اغمى عليا ونضت ع صوت كلامهم ودموعي ينزلوا وعيوني قعدات مسكرات
عمتي : اهي ناضت هي قدامي توا أنتم
طلعتهم وطلعت
فتحت عيوني بالشوي لقيت مالك مقابلني ماصدقتش عييييطت وحضنته : حبيبي خفت عليك فهمني شن صار .. وحطيت يديا ع فمي : الحمد لله ياااربي والله فقدت الأمل
مالك يضحك بالصوت : هبلة وربي
هاني قعد قدامك شن مزال تبي
اني : باهي شن صار فهمني
مالك : الفرخ سراج جاي يوري ف فلاحته ضرب طلقتين ف الجو وصارت نقاشات يحسابوه جاي بيدير شيء بس مشي ع حاله وهذا هو 😂
اني : وووه عليا الحمدلله ياربي لازم تمر هالليلة ع خير
مالك شد يدي : هي سمي بسم الله
اني خذيت نفس وشفتله مبتسمة وقلبي يدق من الفرحة : بسم الله
مالك : نحبك
اني : نموت فيك
وطلعنا من الغرفة وسلمنا عليهم وطلعنا من الصاله كلها
قدام الباب دورني جيهته وباس جبهتي والسماء مقلوبة فوقنا .. ورياض يضرب بالسلاح قدامنا
شديت يده وكملنا طريقنا وبعدها تلفتنالهم ولوحتلهم باقتي متع الورد
وركبنا ف السيارة❤

النهاية "

المرة هادي أنتم حاتاخدو الغرض منها واكيد مالك واسيل وكذلك عماد وميار علموكم حاجات ومن أهمها أن لو الشخص مكتوب لك حاتاخده تأخذه مهما الدنيا وقفت ف وجوهكم سيورها تفرج وتعوضكم ع الي فات 💚 رواية كانت بين الأبيض والأسود فعلا لحظات فرحتولهم ومواقف بكيتو معاهم وأن شاء الله تكون حياتكم كلها ابيض فالابيض😍✌
تحياتي الكاتبة والمؤلفة " هبوش "
نحبكم بالهلبااااا