#بين_الأبيض_والأسود😢 حلقه 8☺
وخشيت للغرفه الي راقد فيها مالك كان منظر أليم جدا ف حق قلبي 💔 كان مغمض عيونه وكله أجهزة
قربت منه وقعمزت جنبه وفتحت مصحف صغير وقعدت نقرا
اني حاطه يدي ع يده : كنت نشوف للناس كيف تحب نحسها حاجه بعيييدة عليا مانحسابش ف يوم حايجي واحد ويطيحني انت ولد تستاهل من يحبك بس صعب عليا اني نحبك من طرف 💔 مالك نقولك حاجة اني والله ماني فاهمة روحي نحس اني قعدة نخرط إلي فاهماته أنك خاش لخاطري يومي ناقص من غيرك .. تمنيت نكون بدلك ع السرير قلبي واجعني هلبااا عليك مش متحملة نشوفك تتألم .. وخنقتني العبرة ..ااااه من الحب المفاجئ
.
.
عماد : هدرزي
ميار : شن نقول
عماد : تي قعمزي مش واكلك ره
ميار ضحكت : خلينا رايقين ماخاطريش نتعارك معاك توا
عماد : تم المرة هادي مسامحك
وضحكو الزوز
ميار قعمزت جنبه : احكيلي ع روحك شوية
عماد : اني .. ولا نقولك كيف تشوفي فيا انتي
ميار : انسان مغرور وتنرفز فيا 😂 اممم وشرير
عماد : مافيش اجابيات بكل 😕
ميار : لا فيه🙈
عماد : شن هما هي
ميار : مانيش قايله توا😇
عماد ضحك : علاش
ميار ناضت وقفت ومشت للبلكونة : هكي مزاج
عماد : شن تشوفي
ميار : ........
عماد وقف وراها بدون ماتنتبه وقعد يشم ف عطرها
ميار ماتندريش أنه وراها : تعرف ياعماد الجيهة .... بسم الله الرحمن الرحيم .... وقعد قلبها يدق معاش عرفت شن تقول لصقت ف الحيط
عماد انتبه ع روحه وخر : كملي خيرها الجيهة هادي
ميار ترعش من الموقف : خيرها عطلت اسيل زعما مالك ناض ... كانت تقوله هكي باش يطلع
عماد فهم وطلع من غير مايزيد ولا حرف
خشلي لقاني كيف بنطلع حتى إني : عماد خيره ماناضش
عماد : مزال شن تحسابيها ساهلة العمليه
اني : المهم كان صار ماصار كلمونا
عماد : إن شاء الله ... ويوخر ف شعره
اني : تصبح ع خير .. مع ابتسامة
طلعت لميار لقيت وجها أصفر وتشبح مع الروشن
ميار : اخيرااا شرفتي
اني : تي خيرك مخلوعه
ميار : غير سكري الباب تو نحكيلك
سكرت الباب بالمفتاح وقعمزت مقابلتها ع السرير
اني : احكي
ميار : عماد الحقير تمادى معاي
اني : شن دار😱
ميار : تمادى وخلاص والله قعدة نرعش م الموقف لقيته وراي تجمدت ماتوقعتاش يدير هكي ويقرب الحيوان
اني : ههههههه
ميار : شن يضحك فيك😑
اني : ربي يخليكم لبعض😂
ميار : بدينا عاد
لين جتها صوت رسالة
ميار : اوووف
اني خطفت منها التلفون وقريتها " اسف مش عارف شن صارلي بكري "
رديت عليه اني😂 " لا عادي ولايهمك "
هاكي🙈
ميار 😧 : تي من قاااالك ردي ... وقعدت تضرب فيا
اني : عادي شن فيها
وفتحت تلفوني نتصفح ع النت
خطفاته مني وركبت فوق السرير وقعدت ادور ع اسم مالك
اني نجبد وهيا تجبد عضيتها وخديته منها لقيتها كاتبتله " مالك حبيبي " وقفت اهني الرساله
اني سجدت من الفرحه أنها مابعتتهاش والله قريب اغمى عليا
أنت تقرأ
بين الابيض و الأسود ( روايات ليبية )
Romanceعندما تكون حياتك عبارة عن لونين ( ابيض ) و ( اسود ) يوم فرح و يوم حزن . رواية تدور احداتها حول قصتان يجمعهم حب كبير و لكن حياتهم لونين ؟ فما مصيرهم ؟ . رواية غرامية 😍 و من واقع المجتمع الليبي ؟ للكاتبة : هبوش
