بين الابيض و الأسود ( روايات ليبية )

حلقة 6🔥

#بين_الأبيض_والأسود😢 حلقة 6 ☺

وقعمزت نسمع
مالك : كم قتلي نسبة نجاحها
.. 20 % يعني مافيش أمل
بعدها وقف : غير تو نشوف روحي ونكلمك بارك الله فيك

اني قلبي وجعني لنقني قريب متت وخفت عليه💔 سرحت ف عقلي ومانندريش ع مالك انه بينزل ف جيهتي
مالك وهو نازل تلمحني جت عيني ف عينه انسحبت بسرعه وقعدت ننزل وهو وراي لين مسكني من يدي بالقوة
اني : مالك اطلقني يدي خيرك
مالك عيونه شرارة : شن اديري غادي شن وقف أمك
اني بخوف : والله كنت .. في 😓
مالك : شن سمعتي احكي😡 .. وضغط ع يدي
اني دموعي قعدو ينزلوا مش عارفة علاش
مالك هدي شوية : تي انطقي تكلمي
اني حضنته وقعدت ماسكه فيه ونبكي خفت عليه لدرجة المووت هكي حسيت أنه حايضيع ونفقدوه فجاءة
مالك قعد واقف مصدوم ومادارش اي ردة فعل
اني وقفت قدامه : سمعت أنك مريض وحاادير عملية😭
مالك قام حاجبه : به علاش تبكي انتي 😕 شن علاقتك
اني نمسح ف دموعي : شن قصتها احكيلي بالله عليك
مالك : مش لازم تعرفي اهم شيء مانبي حد يعرف وإلا والله مايصير خير بينا
اني هزيت براسي😢 بمعنى به
مالك شافلي بكل براءة : مطيب قلبك الزفت
اني ابتسمت
مالك : وتوا اركبي زي الفالحه وكأنك لا شفتي ولا سمعتي
اني : تصبح ع خير
مالك يوخر ف شعره : وانتي من اهلو
ركبت مع الدروج واني تعبانة وتفكيري كله ف مالك سخفني وتمنيت نعرف علاش العمليه وعلاش مايبي حد يعرف
مؤيد فتحلي الباب وهرب يحسابني بنلحقه نضربه ع حركتهم مبكري
بس خشيت وتلوحت ع السرير طول
ميار وقفت فوق راسي وتضحك : دهشوك الدروج
اني : ......
ميار ومؤيد يشبحوا لبعض😕
مؤيد : هي نوضي بنتعشوا
اني : برو تعشوا ماعنديش نية اني توا
ميار : مؤيد برا وتي كل شيء وتو نلحقوك
مؤيد طلع
ميار نزلت ع ركابها : خيرك ماتقوليش زعلتي والله اسفة اني صاحبة الفكرة
اني : مانيش زعلانة منكم اطمني
ميار : به خيرك شن جاك فجاءة
اني عصبت : ميار اطلعي خليني بالله وسكري الباب
ميار ناضت طلعت وأني قعدت نشوف للسقف وقاتلني الفضول وخايفة نفس الوقت انه يصيرله شيء معقولة 20%  ياربي شن هالمصيبة إلي جاتك يامالك قداش ليك حامل هالسر ف قلبك وماتبيش تحكي .. وعلاش اني وجعني لهادرجة ؟؟ خذيت تلفوني قبل بنتصل بيه بس ماصارش لأني عارفاته مش حايحكي
.
.
تاني يوم نضت ع صوت دوشة مؤيد والتلفزيون إلي والعه
اني : وااااطي
مؤيد : نوضي ارقدي فالدار التانيه

قعمزت ماصارليش من النوم لفيت شعري كعكه ونضت للكوجينة
اني : صباح الخير
كلهم : صباح النور
اني : وين فطوري !!
أمي : ف الكوشه
اني جبدت كرسي وقعمزت : ميار راقدة
خالتي : كملي فطورك ونوضيها
اني هزيت راسي بمعنى باهي🐸

توضيت وبدلت البيجاما وقعدت انوض فيها ضربتني كف رجعتهولها وخليتها نومها ثقيييل بكل
أمي تنادي : يااسيييل
اني : ايوا نعم .. ومشيتلها
أمي : جيبيلي طماطم حكه من فوزية
اني : وعلاش منها تو ننزل نجيبلك من المحل
خالتي : شوفي كان عندها طماطم ليبيا فكينا من هذا مش متعودين نطيبو بيه
اني : باهي تمام
.
.
طقيت الباب قريب فتحلي مالك لابس سروال وكانتيرا وعيونه حمر
مالك : أستغفر الله شن جيبك ع صبح ربي
اني : مانيش جاياتك انت😑
مالك : عمتك فوزية فالمستشفى حظ اوفر
اني : به نبي طماطم ليبي🙈
مالك شاد ضحكته : علاش ليبي بالذات
اني : هكي امي تبي
مالك : خليك اهني تو نشوفلك
اني : باااه😒
خش وخلى الباب مفتوح واني قعدت نطربق ف صوابعي ونستنى .. فاتوا 5 دقايق فاتوا 7 😓 لين نسمع ف حاجة طاحت
اني : مالك ؟
ربطت الأحداث ف بعضهم قلت ممكن هو طاح اغمى عليه مالقيت روحي إلا وفتحت الباب وخشيت ندور فيه
ف الكوجينه مالقيتاش
خشيت جنب الديار لقيت الممر كله دم عيطت : ماااالك أنت وين
نسمع فيه فاتح شيشمة الحمام : اسيل اطلعي وارجعي بعدين
وقفت قدام الحمام : انت كويس .. جت عيني فيه يغسل ف وجهه فالحوض والحمام كله دم 😱
مالك عصب : تي اطلعي قتلللك باش تفهمي انتي
اني مادورتش كلامه : تي هذا شني يانهاري لاحرف شن جاك
مالك خذي فوطة مسح فيها وطلع : طماطم مافيش خلاص روحي
اني : والله ماني متحركتها لين نعرف شن فيك
مالك : وشن بديري كان عرفتي
اني : نوقف جنبك والله مانسيبك ماتقعدش حامل الهم بروحك😭

مالك خدي نفس : قدها ؟
اني : وقدود
مالك : اني ........يتبع>