بين الابيض و الأسود ( روايات ليبية )

حلقة 13🔥

#بين_الأبيض_والأسود😢 حلقة 13☺

مالك يدور بعيونه اهني واهني لين جت عينه ف عيني واني خاشة لدار الضيوف
قعد يشوفلي وفاتح فمه مع أنه رياض يهدرز معاه بس هو عيونه وعقله معاي اني إلي كنت حايغمى عليا قدامهم ورجليا يرعشواا
ميار سكرت الباب وجتني دخلتني

مالك : عن اذنك
رياض : تعالى جاي وين ماشي
مالك : صاحبي تاعب شوية والله كنت نتمنى نحظر لكن زي ماتشوف ظرف مفاجئ .... وحط يده ع كتف رياض وطلع من غير مايزيد ولا حرف

ضرب مرش السيارة بيده كسره وقعمز ف السيارة مدة وهو يستوعب وبعدها طلع ع عجلتين

الطريق كله وهو يضرب فالدومان بيده وضايقة بيه ومش عارف كيف يتصرف وكل شيء قدامه مشوش

لين اتصل بيه عماد اكثر من مرة باش رد
عماد : تي وينك الزفت وين مشيت
مالك : شن إلي تبيييه ؟ خلوني ف حالي النم

عماد : ريح روحك فكنا من التهور اعقل
مالك اهني جن جنونه وبدي يسب لا ارااديا
وفجاءة 💥 ...

عماد انخلع : الوو
ايوا وين مشيت 😨

وطلع من حوشنا وقف سيارة ومشي لحوشهم سخن سيارته وطلع يدور ع مالك

.
اني كنت نشوف للناس بنظرات غريبة حاسة كأني ف عالم غريب كأن البيان مش ليا اصلا هو مش ليا ولا ف يوم حانكون مرته الحقير سراج

عمتي فوزية تشوفلي وكأن بنظراتها حزينة متمنيتني لولدها💔
كل تفكييييري كان ف الموقف إلي صار قبل مانخش فجاءة طلعت من بينهم كلهم وخشيت للدار حطيت يدي ع قلبي ونتنفس بصعوووبة

ميار واقفة ع الباب وتشبحلي😢

اني : نبيييه مالك والله نحبه مانبيش نكون مع غيره 😭 شن هذا ياربببي علاش الحاجة إلي نبوها ماتكونش لينا

ميار شوية وانسحبت لأن جتها مكالمة من عماد
ميار : الو حبي
عماد : اسمعي خليك بعيدة ع الكل
ميار : بروحي تكلم ... وحطت يدها ع قلبها
عماد : مالك دار حادث حاولي تلهي اسيل وتبعديها حتى ع عمتي فوزية لأن مرات تسمع
ميار : 😧 تي توا كان اهني امتا داره
عماد : نندري ع امه طلع فجاءة مانيش عارف شن جاه أكيد شاف اسيل
ميار : شافهاا😞💔 وحتى اسيل مأثر فيها الموضوع هلبة
عماد : هذا علاش
ميار : وينه مالك كيف حاله توا
عماد : جاته بسيطة وهو نايض صارله شعوب مافيش كسور هذا علاش كلمتك لأن لو اسيل تسمع ع فجاءة مش حايصير منها
ميار : تمام تو نلهيها
.
وأني هذا كله مانعلمش بشيء فكيت تسريحتي ورقدت معاش نندري ع روحي

تاني يوم نضت ع ساعه 1 الظهر لقيت الحوش فاضي😕
اني : ماماااا مؤيد ... ماهناك حد

لين دق الباب وفتحته
اني : وين كنت
مؤيد : ف الدكان علاش
اني : امي وين مالقيتهاش
مؤيد : امي ف حوش عمي منصور .... وخش للكوجينة : مافيش حاجة ناكلوها
اني جبدتله حكة طن من الدولاب : شن ادير غادي
مؤيد : ماه مالك دار حادث البارح وين كنتي راقدة
اني طيحت الحكة ع رجلي 😳
مؤيد : خيرك
قمت الحكة ومديتهاله وخشيت نجري للدار ماعنديش تلفون المشكلة كيف بنتصرف وووه عليا قعدت زي المجنونة من صدمة لصدمة حتى دموعي جفو : مؤييييييد
مؤيد جاني يجري : تي خيرك تعيطي
اني : هات تلفونك شوية
مؤيد : علاش!
اني : غير هاته بالله عليك بنكلم ميار ضروري 😭
مؤيد : به خيرك تبكي
اني : وراس امك يامؤيد انقذني
مؤيد فتحه ومدهولي بس كان حاطه ع رقم مالك😨 كان حاس بعلاقتنا ومايبيش يحكي .. عطاهولي وطلع ماركزتش ع الموضوع هلبة لأن كان عقلي ف مالك المهم نوصلله

رنيت قعد شوية ورد
مالك : ايواا
اني قلبي رجع ينبض من جديد ❤ لما تأكدت انه نايض ويتكلم
مالك : مؤيد ؟
اني : مالك
مالك سكت شوية 
عماد : هيا ؟
مالك هز براسه بمعنى اي😢
مالك : حبيبي
اني انهرت بكاء من بعد كلمته طول قداااش ليا ع صوته
مالك : معاش تبكي حالي باهي اني وهاه حتى طلعت وقعد ف داري
اني : حسبي الله ونعم الوكيل فيهم إلي فرقونا
مالك متأثر وساكت
اني : نبي نقولك حافظ ع روحك علي الأقل ع خاطري وتأكد حتى لو كنت مش نصيبك يحرم عليا نحب حد غيرك
مالك : معاش تقولي هكي
اني : متأكد أنك كويس ؟
مالك : والله تمام هيا عملية نضت منها لابال حادث بسيط
وحكيت معاه شوية اطمنت وسكرت منه : مؤيد اهو تلفونك
مؤيد خش : كيف حاله
اني : من هو😳
مؤيد : ديري الحولة توا 😒 هاتي التلفون جاي
وخداه مني ... وأني عطيته بالظهر لأني تحشمت منه
مؤيد : ماتخافيش مانيش فاضحك

اني : مش قصة هكي لكن والله رياض مايتفاهمش
مؤيد : بس هذا غلط إلي اديري فيه وبعدين كله حاينقلب عليك وانتي إلي بتتعبي
اني : عااارفة والله عارفة به كيف ندير مش بيدي
مؤيد : تبي نكلملك رياض
اني : لا😢 فكني منه ... وبعدين شن بتقوله
مؤيد : نقوله ينهي هالمهزلة ساد من الخوف
اني : القصة لا هي بيده ولا بيدينا كل شيء يتحكموا فيه عمامي ومسكرين روسهم ع مالك لأنه مش نفس المنطقة حتى لو فسخت من سراج
.
.
المهم فات اسبوع وجابولي الذبلة ومانلبسش فيها إلا قدام رياض وبوي يومها ثلاث سهرية ف حوش عمتي فوزية عرس طارق 💚

بس اني درت روحي مريضة ومانبيش نمشي باش مانشوفش مالك ويصير فيا زي ليلة لبيان💔
أمي : رد بالك من أختك انت وراك تطلع
مؤيد : بااااهي فهمنا
امي نزلت الخمار : اني مش معطلة بالكثير ساعة ونص
اني ف داري متكية ف سريري امي طلعت
مؤيد : اسمعي اني طالع لي أيمن قدام الحوش مانعطلش
اني : باهي برا وماتعطلش
وقتها كيف أذن المغرب
سقدت مؤيد وسكرت الباب لين رن الجرس
فتحته : تي شن مزال تبي😑
فتحت عيوني حسيت بحاجة غمتني بسرعة ..........يتبع>