ZHAIRA || The Missing Enchantress

Chapter 16 - Her Tattoo

*Zhaira POV*

Nandito ako sa likod ng academy ngayon kung saan nangyari ang pagsabog kahapon.

Sino nga ba ang babaeng iyon? I need to know who she is. I need to get my revenge, and I can't believe na isa pa siya sa mga estudyante dito at babae pa talaga.

At sino rin ang bulto ng taong nakita ko kahapon sa madilim na kagubatan na ito? Inilabas ko ang kwintas na nakita ko kahapon sa tinataguan ng traydor na iyon.

Ano kaya ang pakay niya at nandito siya sa Academy?

Posibleng nag-eespiya siya sa kung ano ang kilos at galaw ng kabilang panig.

Sinusuri ko nang mabuti ang kwintas nang maramdaman kong may kaluskos sa paligid kaya napatayo ako at tiningnan ang paligid.

Pinuntahan ko kung saan nanggagaling ang kaluskos. Palapit ng palapit na ako sa punong tinatataguan nito nang biglang may magsalita sa likod ko.

"Anong ginagawa mo dito, Zhaira?"

Agad akong napatingin sa taong nagsalita sa likod ko. Si Miss President pala.

Ano naman ang ginagawa niya dito?

"Ikaw dapat ang tinatanong ko niyan, bakit ka narito?" malamig na tanong ko sakanya.

I don't know, but for the first time I met her, hindi ako komportable sa mga kilos at galaw niya.

I know na masama ang mag judge agad ng kapwa, but I can't trust her so easily. She's somewhat a danger to me.

"Tinitingnan ko lamang ang lugar na pinangyarihan ng kaguluhan kahapon," saad nito na parang palagay ang loob niya.

Something's really wrong.

Bakit niya pupuntahan ang lugar na bawal pang puntahan ng mga estudyante dahil iimbestigahan pa kung bakit nakapasok ang mga halimaw na iyon?

Napansin kong tiningnan niya ang kuwintas na nasa kamay ko.

"S-saan ka n-nakakuha ng k-kwentas na yan? A-ang ganda naman he-he," utal na tanong niya sakin.

Hmm, she's something that I can't tell. She's suspicious.

"At bakit ka nauutal, Miss President?" Nakangising tanong ko sakanya. I need to catch the mouse before it causes trouble again.

"Sinong nauutal? Hindi ako nauutal; makaalis na nga," sabi niya saka tumalikod at umalis, ngunit bago pa siya tumalikod sakin, di nakalagpas sakin ang bahagyang pagbigay niya sakin ng masamang tingin.

Bitch!

Something's wrong about her.

Nang mapansing wala na siya sa paningin ko ay napabalik ang tingin ko sa kwintas. Aalis nadin sana ako ng may maramdaman akong paparating kaya nagtago ako sa pinakamalapit na puno sa akin.

"Sino kaya yung tumulong satin kahapon? At paano niya napatay agad yun ng madalian gamit lang ang dagger na yan?" nagtatakang sabi ng isang tinig.

"I don't know, but this sign, I know it," sabi ng pamilyar na tinig.

Sino ba ang mga ito at dito pa napiling mag-kwentuhan? Kita namang iimbestigahan pa ang lugar na toh.

Sinilip ko kung sino ang mga ito at nakita kong nag-uusap si Prince Topi at si Alexander.

At ano na naman kaya ang ginagawa nila dito?