أكرم... صباح الخير.. ياشباب اه ده انتوا رايحين فين.
يوسف... صباح النور يابابا إحنا رايحين إسكندرية يومين.
أكرم... متتأخروش في إسكندرية علشان تجهيزات الفرح... ليقاطع حديثهم دلوف الفتيات.
الفتيات في نفس واحد... صباح الخير.
الجميع... صباح النور.
أحمد وهو يقترب من وعد ورودينا... انا مش مصدق القمرات دول بقوا بناتي.
أنس... عيب ياحج تعاكس مراتي وانا واقف... وغير كدة الحاجة لو شافتك بتعاكس غيرها هتعملك بانيه.
هند وهي تدلف لأسفل مع ندى ... لا مش هعمله بانيه دول بقوا بناته ومن حقه يعاكسهم.
أكرم... ربنا ينصرك يازوجتي ياحبيبتي..
لينفجر الجميع ضاحكين.
ليدخل محمد في تلك اللحظة... يلا ياجماعة آدم مستني باره.
ليخرج الجميع إليه.
فاطمة... انا نسيت مفتاح العربية فوق.
آدم... تعالي اركبي معيا.
دينا... وانا هركب فين ياأدم.
سما.... تعالي اركبي معيا... لتكمل كلماتها وهي تقترب من فاطمة... انا بعمل العليا اهوه وبفضي لك الجو... الباقي عليكي.. لتنظر لها فاطمة بصدمة.. لتكمل سما... انا ملاحظة إنك بتحبيه... وملاحظة انه كمان بيحبك.. علشان كدة قررت اساعدك ياقمر.. لتتكرها وتركب سيارتها... سما... يلا يادينا ولاهتيجي مواصلات.
دينا وهي تشتعل من الغيظ... انا جايه معاكي.
آدم لفاطمة... يلا بينا احنا كمان الكل مشي.
وبعد ثلاث ساعات.
هدى... أخيراً وصلنا انا هموت من التعب.
يوسف بعد الشر عليكي ياقلبي.
محمد... دي مفتيح الاوض.. وأخذ كل واحداً منهم مفتاح غرفته واتجهوا ليستريحوا من عناء السفر.
رودينا بصدمة ... انت ازاي دخلت هنا.
أنس... من الشباك ياحبيبتي.. صراحة انا بخاف أقعد لوحدي علشان كده قولت مراتي حبيبتي..احق بيا.
رودينا... بس بقى ياظريف انا هنا على السرير وانت على الكنبة.
أنس وهو يستلقي على السرير.. بس انا مابعرفش انا على الكنبة... علشان كده هنام جانبك.
رودينا.. هنام عليها انا وتركته وتوجهت للحمام.
وبعد أن خرجت... أنس قوم يلا علشان نصلي.
أنس... ثواني ادخل اتوضي واجي.
*****************
وبعد مرور ساعتين اجتمع الجميع في الأسفل.
هدى ويوسف ذهبوا للمشي على الشاطئ..وكذلك ليلة وسيف ووعد وجاسر وأنس ورودينا.. أما نيرة ذهبت مع محمد الي السينما... وفاطمة وسما ودينا ذهبوا للغطس.
آدم... فاطمة انا هنزل اغطس تعالي معيا.
فاطمة... بس انا بخاف من البحر.
دينا.. انا هاجي معاك ياأدم... ليتطاير الشرار من عيني فاطمة... لتدخل سما بعد أن غمز لها آدم.
سما... دينا ممكن تيجي معيا المطعم الهناك ده علشان انا جعانة اوي.
آدم.... روحي معاها يادينا وانا هلحق بيكم.
دينا... ده انت تؤمر بس يادومي.
بعد رحيلهم.. آدم لفاطمة... انتي بتثقي فيا.
فاطمة بسرعة... اكيد.
آدم... يبقى تعالي معيا متخافيش.. وبالفعل انصتت له.
محمد... يلا يانيرة هنتأخر على الفيلم.
نيرة.... انا عايزة فشار.
محمد... ادخلي انتي وانا هجيب الفشار واجي.. وبالفعل دخلت نيرة لترى فيلم كرتون.. ليدلف محمد بعد دقيقتان.
نيرة... انا بحب سندريلا اوي.
محمد وعينه على نيرة.. وانا اكتر.
