زفاف مزيف

البارت الثاني

روان يمه العرس الخميس الجاي حضري نفسج...
شنوو😲😦😟 لاعمه عفيه لا انتحر ولا ازوج..
ولج شنو تنتحرين اسم الله كولي ياالله عمه شنو هالحجي
بشرفج عمه اني مال زواج...
عمه قابل اللي زوجو احسن منج يا حبيبتي...
بهالفترة مينا جانت تمتحن ومشغولة هوايه بدراستها..
روان جانت تتمنى امها موجودة وتساندها بهاي اللحظات لأن اكيد كل بنت تحتاج امها بهيج اوقات...
حالة روان النفسيه كلش تآزمت يعني خوف على قلق على رهبه على حب يي حب هو هذا الحب من اول نظرة..
جانت تكعد تبجي وتبجي بغرفتها لحد ماتمل وتنام وهي دمعتها بعينها ماتعرف القدر شنو مخبيلها...؟؟
واجه يوم العرس..
المفروض اي بنت تكون فرحانه وسعيده بهذا اليوم لانو اسعد يوم بحياتها لكن روان لا جانت كلش تعيسه...
مينا وامها جانو كلش ضايجين لانو روان راح تعوفهم ولانو تكسر الخاطر وحالها حال...
والمصيبه لا قبلت تروح صالون ولاقبلت تلبس بدلة ولا اي شي..
مينا اتصلت على منار وكالتلها انو روان رافضه رفض قاطع تسوي اي شي مينا ركبت سيارتها واجتي لبيت روان وصعدت لغرفتها دگت الباب ودخلت بالبدايه منار انصدمت لما شافت روان بس من اقتربت منها شافت بيها نعومه وجمال حتى صوتها جان ناعم...
هلو روان..
اني منار اخت عمر..
هااا.. هلو بيج طبعا روان جانت تبجي
حبيبتي على شنو تبجين اكو وحده تبجي بيوم زفافها واذا بجيتي البجي لايقدم ولايآخر..
روان فتحت حلگها على كلام منار اول مره تسمع هيج كلام وطبعا هالكلام انطاها جرعة امل 😊😊
يله كومي انطيني ايدج..
وين؟
للصالون وين يعني..
لاء لاء منار والله مااروح اني مااحب هاي السوالف والشغلات..
شنو ماتحبيها والله غصبن عليج تحبيها اليوم عرسج ماجاي نلعب تردين اخويه تلعب نفسه منج..
حبيبتي روان ماعدنه مجال بس اليوم لازم نكمل باجر العرس واخيرا منار كدرت تقنع روان وراحو للصالون...

دخلت منار للصالون وكالت لصديقتها ام الصالون تشتغل روان وتريدها بالباكيت وفعلا اشتغلت روان من فوگ ليجوة صبغ ومنكير وبدكير وحف وشمع وروان جانت ميته من البجي بسبب الوجع اول مرة تحف وتنظف جسمها من الشعر الموضوع صعب عليها شوي ومنار جانت يمها تخفف عليها...
كملت روان منار من شافتها انصدمت كلش وكالتلها ماراح اشوفج نفسج هسه خليها مفاجأه..
شنو هالجمال ولج روان طلعتي عبالك اميرة فدوة اخويه شراح يصير بي من يشوفج...
ابتسمت روان بخجل ودنكت...
بعدها طلعو من الصالون منار اخذت روان غدتها وبعدين راحت اشترت كم فستان 👗لروان وقمصان نوم وشغلات تحتاجها روان واشترتلها ملابس تلبسها بدل ملابسها الي جانت لابستها ورجعو للبيت طبعا من رجعو مينا وامها ماصدكو انو هاي روان...
مينا... عزة اانتي روان جذب مدا اصدك وحضنتها لج خرب شنو هالجمال
يمه فدوة بعد عمتج عين الله تحميج ولج تخبلين...
طبعا روان ماتعرف شتحجي بس تبتسم منار ترخصت منهم وراحت لان تعبت كلش واكيد باجر عدها كومه شغل..

روان شافت نفسها بالمرايه وانصدمت 😲😲 معقوله هاي اني عيونها دمعت اول مرة تحس انو هي انثى من صدگ...
وصارت تفكر اذا عمر شافني راح اعجبه لو لا..!!!!