زفاف مزيف

البارت الخامس عشر

عمر فتح الهديه عجبته كلش طلب من منار انو تلبسه القلاده لأن بيها أية الكرسي
يلا فضها روح حاجيها ..؟
منار اخاف ترفض يمعودة هسه وكتها ..
ايي وكتها روح توكل على الله...

روان ممكن احجي وياج على انفراد
هااا..اي كول عمر

مو هنا تعاي بالحديقه ..
اوكي ..
روان اني سألت على وضع زواجنا وكالولي لازم ترجع تعقد من جديد حتى ترجعون مزوجين ...

روان بلعت ريقها ،،اي يعني قصدك احنا هسه مطلقين موو..
لا منفصلين ..وااني اريد اطلب ايدج على سنة الله ورسوله مرة ثانيه واتمنى ماترفضين اترجاج تعبت واني أتوسل بيج
وماريد اضغط عليج براحتج بس انطيني فرصة اثبتلج شنو عمر ماكو واحد مايغلط الله يسامح تره واذا بدر مني غلط اللي تردي يصير ...

زين ..موافقه بس نخليها خطوبه بس وبعدين افكر بالزواج اوكي ...

عمر فرح كلش وابتسم لبس روان الحلقه لروان وباس أيدها ورأسها ...
اااااحبج روانه ...
روان خجلت ودارت وجهها ...
فديت الخجوله ...

اكو موضوع ثاني اريد اكولج بي ..
روان جانت موجوعه كلش بطنها توجعها وصداع قوي ..

شبيج روان ..؟
الم موتني عمر وصداع مو طبيعي..
تحملي بس خلي احجيلج ...

احجي ..؟!شكو عمر قلقتني
روان اااانتي بيج سرطان بالمعده ؟

ششنوووو !!!!" انت شدا تحجي عمر
اييي مثل ماسمعتي ولازم تباشرين بالعلاج بسرعه وقررت اخذج وياي للسويد تتعالجين هناك احسن واسرع ...

عمر ..صدك جذب
لا صدك.. روان ماحاجه تفكرين
زين ومينا هاي بنتي شلون اتركها عمر ؟
مينا لعد وعمتج ومنار شنو شغلهم بعدين انتي عندج ظرف قوي ...

شوكت نسافر ؟
اليوم أن شاءالله ...!!
بس ؟
لابس ولاشي يلا تعالي وياي ...

دخلو روان وعمر للبيت تلكتهم منار أشرت لعمر بمعني بشر ؟!!

عمر ضحك وكالها تمت بنجاح ...
منار هلهلت وباركتلهم ابوها تفاجأ وسأل شكو ؟!!
منار كالتله روان وعمر رجعو لبعض واليوم راح يسافرون للسويد يتونسون ..!!

صدك بابا اي يالله بيها الخير يعني انتظر حفيدي ...
منار ضحكت ..اي بابا انتظر
الحمد لله والشكر ..
روان ضاجت من سمعت عمها جاب طاري الحفيد ..

يلا روان حتى تحضرين اغراضج وراج سفر ...
هلا اي يلا...
رجعت روان للبيت حضرت اغراضها ومنار ساعدتها ...منار اني خايفه شلون إذا متت ومينا منو الها ...

شنوو. خرب حظي شبيج روان وليش تموتين ياستار كولي اعيش واصير زينه لازم تتغلبين عالمرض بعدين انتي رايحه تتعالجين بره العراق ...

مسحت دموعها ..منار الله عليج دير بالج على مينا وعمتي امانه ...
بعيوني والله بدون ماتحجين دا تحسسيني اني غريبه صار سنين دايره بالج على بابا رغم كل شيء صار بينج وبين عمر ...