زفاف مزيف

البارت الخامس

روان طلبت من منار تكول لعمر يوصلها لبيت اهلها لأن متريد تحجي وياه بعد مااتهمها بالنفاق وطعن بمصداقيتها وحرصها على ابوه..
منار تفاجئت.. شبيج روان ليش ماتكوليله انتي...؟!
مااريد احجي وياه...
ليش؟ بس لا ضربج..؟؟!!!
ياريت لو ضاربني ولا كايلي منافقه..

عزة بعينه...!!
اوك حبيبتي اني اكوله ولايهمج..
يسلمو..
يدلل الحلو.. 😊😊
منار اتصلت بعمر وكالتله يجي ياخذ روان لاهلها علمود حنة مينا بنت عمتها وعمر عرف انو روان ماتحب تحجي وياه وتفهم هالشي طبعاً..
رجع عمر للبيت طلب من منار تنزل حتى يوصلها..
منار راحت تصيح على روان لكتها محضرة نفسها ونزلو هي وروان..
روان كالت لمنار مو ماتجين بالليل انتظرج..
تمام حبي.. ان شاءالله يله روحي عمر ينتظرج...
اوكي حبي مع السلامه..
مع السلامة.. 👋👋👋
روان صعدت بالسيارة بدون حتى ماتباوع على عمر..
مساء الخير.. كالهه عمر..
😕😕روان من ورا خشمها.. هلاوو

روان اني اسف.. حقج عليه اني جاوزت عليج وهالشي مو من حقي يمكن لانو بعدني مااعرفج زين...
روان جانت كلش مختنكه نزلت دموعها وباوعت على عمر خلاص ماصار شي يعني قابل هاي اول مرة تغلط بحقي من يوم اللي زوجتك وانت تغلط...
تعودت على ظلمك اللي...
عمر ضاج كلش من شافها تبجي وضاج اكثر لمن كالت ظالم شحط السيارة ووكفها...

روان اني مو ظالم.. 😠😠
هاي الكلمة بعد لاتعيديها اترجاج نزل من السيارة وفتح الباب الخلفي وسحبها من ايدها روان خافت كلش من عمر عيونه صارت تخوف من العصبيه..
لزمها من زنودها.. روان اني ااااح
ماكدر يكولها اني احبج..
مسح دموعها وحضنها...
اسف... اسف والله اعذريني..
روان انصدمت معقولة هذا عمر اللي تعرفه...
عمر باسها من جبينها وكالهه شبيج خايفه
اصعدي..
روان من الصدمه ماعرفت شتكول..
عمر شاف محل ملابس نزل واشترى فستان 👗كلش حلو لروان وكالهه البسي اليوم..
شكرا عمر ليش كلفت نفسك..
لا كلفت نفسي ولاشي انتي زوجتي.. 😊
وصلو للبيت نزلو روان وعمر مسكها من ايدها بس روان حست باحساس غريب حست بوجهها صار حار من الخجل وجرت ايدها عمر ضاج شبيج روان ليش هيج تسوين...
اسفه بس ارتبكت وخجلت..
عمر ضحك.. ههههههه اكو وحده تخجل من زوجها...
دخلو للبيت واكيد تلكتهم عمتهم
هلا عمه هلا شلونكم يمة والله مشتاقتلكم يمه ليش هيج كاطعين بينه..
عمر يمه سويت بروان سحرتلها مكابلتك وكاعده نست عمتها وابوها..
عمر.. هههههههههه
عمه والله هي اللي سحرتلي بتكم ماعرف سوتلي..
روان انصدمت وابتسمت ابتسامه جذب
عزة هذا شدا يحجي..
يمة عمر شلونكم ابوك شلونه روان شلونها وياك..
الحمدلله بخير روان وردة الله رزقني باحلى هدية 🎁...
روان 😕😲😳
الله يسعدكم يمه ويرزقكم الذرية الصالحه...
امين عمة... يلة اني اترخص عندي شغل
لا يمة صدك جذب والله ماتروح علي يزعل منك..
عمه هاي شبيج يزعل شنو باجر اني يمكم واشبعي مني..
يا حبيبي رحتلك فدوة.. الله وياك يمة
روان.. ضربت راسها اني دا احلم لو هاي حقيقة ياربي..