حبيبتي اني شكلت مو كلت هذا الموضوع ماينعاد بعد،، مجرد بس جيب اطلكها ونزوج ياحبيبتي ليش تكبرين الموضوع همه 4شهور ماظل شي كل هذا الوقت اللي صبرنا اني وياج ياروحي اليوم بالليل موعدنا مو تنسين ياروح عمر وقلبه،،
هنا روان خلت ايدها على حلگها وشهقت جانت شايله صور السونار ويافرحة ماتمت حست الدنيا تفتر بيها والم قوي بطنها شسوي،، فتحت الباب ودخلت على عمر اللي جان متمدد على الجربايه ويضحك ويه حنين ومنتعش من شاف روان انصدم جانت تبجي وتشهك ماتقدر تحجي لازمه بطنها من الالم ماتعرف وين الالم بقلبها لو بروحها لو بطنها،،
باوعت على عمر بنظرة حقد وكالتله،،
ليش تنتظر لمن اجيب وطلكني هسه طلكني عفيه حباب يعني شراح يفرق هسه او من اجيب،،
شكد شفت ناس حقيرة بحياتي بس مثل غدرك وحقدك ماشايفه لا وطلعت ممثل 🎭بارع كدرت تضحك على قلبي المصخم ليش شسويتلك اني بس لا حقك اني انطيتك اكثر من حجمك ياحقير اسمع اني رايحه لبيت اهلي وورقتي توصلي وحسك عينك تفكر بابني او تكول عندي ولد وخلي ست الحسن تفيدك،،،
دارت وجهها ونزلت جانت ترجف وتشهك ركضت بسرعه عالدرج ووكعت على وجهها وانكلبت عمر جان وراها يركض بس مالحك عليها،،
روان ،، لأ خرب
روان اغمى عليها وكامت تنزف دخلت منار انصدمت من اللي شافته،،
عزة.. روان شبيها عمر سويت بيها هاي شنو الدم صخام صخمني الولد راح،،
اتصل بالاسعاف بسرعه يلا عمر،،
اجتي الاسعاف واخذو روان دخلوها عمليات منار جانت تبجي عمر ولاول مرة يحس على نفسه ويكول اني شسويت ليش هيج،،
مرت ساعه وساعتين طلعت الدكتورة ركضت منار وعمر،، ها دكتورة بشري،،
الحمدلله حالتها مستقرة النزيف توقف لكن للاسف الجنين ماكدرنه انقذه توفى
منار باوعت على عمر،، انت السبب انت سويت لروان احجي خابرتني العصر كلشي مابيها وفرحانه لأن بيها ولد كالت راح اجي افاجأ عمر لاتكوليله 😢😥
شنوو،، بيها ولد 😢😢
اي ولد.. حرامات انت اللي مثلك مايصير ادمي حرام الله ينطي هالنعمه،،،
اي صحيح كلامج منار استاهل كل اللي صار بيه اني اسف والله جنت احجي ويه حنين بالتلفون وسمعتنه ماجنت اعرف انو هي راح ترجع هيج،،
الله ياخذك انت وحنين من يوم اللي شفتها ماشفت خير بس العتب مو عليك علي زوجك،،
ابو عمر اتصل على منار وحجتله كل شي صار انقهر كلش لكن عرف انو هذا عقاب من ربه اتصل بعمر وكاله مااريد اشوف وجهك ابد...
اهل روان اجو للمستشفى جانت منهارة وتبجي وابوها وعلي،،
يمه بنيتي شبيج حبيبتي
ليش يمه قبل شويه جنتي يمنه مثل الورده شجاج يابعد روحي "
طلعت روان من العمليات بس بعدها تحت تأثير البنج...،،
ابني،، ابني فتحت عيونها بالگوة جانت لازمه بطنها وتحجي الدكتورة طلبت من الممرضة تنطيها ابرة مهدئة حتى ترجع تنام مو لازم تعرف هسه،،
مينا وصلت للمستشفى تبجي على روان واللي صار بيها طلبت تشوفها وشافتها وقررت تبقى يمها لكن منار رفضت گالتلها اني ابقى يمها روحي انتي حبيبتي زوجج اخاف مايقبل،،
منار ديري بالج عليها عفيه مااوصيج بعد،،
لاتوصيني حبيبتي هاي اختي،،،
روان صحت بس حست احساس غريب تلمست بطنها ماحست بشي جانت منار يمها نايمه رجعت عصرت بطنها،،
ابني وين صرخت بصوت عالي ااااابني،،
منار فزت على صراخها،، روان اسم الله شبيج،،
ابني منار،، ابني وين بطني فارغه ليش
حبيبتي روان اهدي اهدي،،،
روان حبيبتي كولي ياالله الطفل راح والله يعوضج،،،
شنو.. راح انتي شدا تحجين لأااااااا مستحيل مستحيل ابني يموت هذا اخوج السبب هو اللي قتل أبني 😢😢
منار ماكدرت تسيطرعلى روان صاحت للدكتورة وضربتها مهدئ الدكتورة كالت لمنار تصرفها طبيعي بالنسبه لوحده تفقد جنينها الله يصبرها ويعوضها،،،
شكرآ دكتورة،،،،
عمر جان يجي للمستشفى حتى يطمن على روان طول الوقت نايمه لأن بس تكعد تكلب الدنيا،،،
علي اجه للمستشفى يشوف روان سأل منار وحجتلها على حالتها علي استغل الفرصة وسأل منار،،،
منار؟!
ها حبيبي؟
ممكن تحجيلي شنو اللي صار روان جان كلشي مابيها اني وصلتها للبيت بأيدي جانت تضحك وفرحانه مامعقولة هيج ساعة زمن توگع من الدرج وتخسر الطفل
والله مااعرف شكولك...
بس راح اگول لازم أحجي...
منار سولفت لعلي كل شي من زوجو ولحد لحظة ماعرفت روان بخيانة عمر الها،،،،
مدا اصدك اخوج عمر هيج واحد حقير
بس العتب مو علي على اللي انطاه مره هذا خالي واحد اا... أستغفرالله
أسفه.. علي والله اسفه،،
علي تعصب كلش.. انتي تسكتين.
،، ليش ماكتيلي هاي الفترة كلها هااا اسمعيني مم هاللحظه اعتبري كل شي انتهى بيناتنا افتهمتي وهذا اخوج العار اني اعلمه انتي متعرفين شنو روان بالنسبه اللي،،،
لاعلي لا ليش هيج اني شنو ذنبي 😢😢
انت ماتعرف اني شكد احب روان وعمري ماآذيتها بعدين عمر اخويه مهما يكون بس عمري ماوگفت ويا،،
براحتك علي اني ماافرض نفسي عليك بس خلي ببالك انت كسرت قلبي 😔😣
وهذا الشي ماراح انساه ابد....
علي راح للشركة يدور على علي لكن مالكاه وراح للبيت هم ماكو فص ملح وذاب...
رجع علي للبيت ضايج كلش امه شافته وسألته وحجالها اللي صار انصدمت من اللي سمعته علي كام يحجي على خاله جان متنرفز خاله سمعه وانصدم معقوله كل هذا يطلع من عمر...
حالة روان تدهورت كلش صارت شبه مجنونه حياتها عبارة عن صراخ واريد ابني الدكتورة طلبت انو ينقلون روان لمصحة عقليه علمود دكتور يتابع حالتها لكن ابوها ماقبل اخذوها للبيت حالتها ساءت اكثر ودخلوها مصحة ابوها خاب امله حس انو هو السبب بالصار لروان توقف قلبه وتوفى،،،،
أنت تقرأ
زفاف مزيف
Fiksi Umumبسم الله الرحمن الرحيم وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ صدق الله العظيم الايه واضحه مايحتاجلها شرح مع كل الاسف هوايه اباء من تجي بنت ي...
