روان ارتبكت وگامت وكفت يم منار
عمر وگف على حيله وكال لروان ...
شكراً ،،
لعفو ..منار اني رايحه اشوف عمو
اوكي حبي روحي
اي شلونك عمر ..
مثل مدا تشوفين ..يعني شلوني
كول الحمد الله ..انكتبلك عمر جديد يمكن ربك مخبيلك شي حلو
لا منار ..لو ميت احسن ولا سامع كلامها بيوم عرسج اصلا ربج استجاب دعائها باللحظه..
وشفايدة حياتي بدونها هي المشكله ماتحسين بقيمة الشي الا لمن تفقدي
يلا اني استاهل عالاقل لو ميت مااحس
باللي جاي احسه هسه ...
اووف ياعمر دكافي ...
عمر دار وجهه على منار شاف روان واكفه يمكن سمعت كل الكلام جانت صافنه وعيونها بيها دمع ...
ارتبك عمر...يلا اني اروح الغرفه ...
اوكف ...
هاااا...!!!!
اني مادعيت من كل قلبي بعدين هذا قدر وصار انت شتدري اني لهدرجه حقودة بس هي غصة بقت بقلبي خلي نفسك بمكاني انت تجي وتلكاني اخابر واحد واكوله راح اخلص منك
خلاص ..كافي اسكتي روان ابوس ايدج
شفت ماتحملت حتى االكلام ...اني شلون وياريت لو مقصرة كل ذنبي حبيتك ومن اول مرة شفتك حتى قبل مااعرف انت راح صير زوجي وقبل لاتشوفني ..🥺🥺
كل كلام الدنيا ماراح يكفي حتى اطلب منج الاعتذار بس مابيدي شي اسوي ...
اني اسف روان ،، اسف هوايه اتمنى نفتح صفحه جديده روان اني بعدني زوجج وفكري بهالشي ....
اني سامحتك لخاطر نفسي بس مو معناها نسيت وبالنسبه لزواجنا فياريت لو تكرم وطلقني ومال ارجعلك هاي بأحلامك سمعت لو أعيدها بأحلامك
افتهمت .
عمر أنصدم من كلام روان ماجان مصدك هاي البريئة يطلع منها كل هذا بس حيل ويستاهل ...
منار هم انصدمت من كلام روان لكن وياها كل الحق تسوي هيج وأكثر
روان اخذت جنطتها وطلعت بدون حتى كلمة وداع ...
منار باوعت على عمر جان ضايج وعيونه غورگن دموع ...
شفت وين وصلتنا ...عوفها عمر هي حقها اني لو مكانها اصلا ماادخل بيتنا ...
اي صحيح كلامج اني بعد ماابقى هنا راح ارجع للسويد على شنو باقي ...
واحنا ؟! عمر تعوف بابا ،،هسه يله ردتله روحه ليش حرام عليك..
حرام عليه ...ليش يعني مو حرام اشوفها كدام عيني واني اعرف هي مطايقتني اني اصلا المن رجعت لو باقي هناك احسن وابردلي رأس تعبت ..تعبت منار كافي
خلاص روح ..سوي اللي تريده براحتك
رايحه يم بابا من رخصتك ...
منار راحت يم ابوها اللي سمع كل شي وماجان مستغرب من ردة فعل روان وانطاها كل الحق بهالشي ...
بابا عمر راح يسافر ..
ايي خلي يسافر بنتي ..يعني شبيدي علي هاي حياته وهو حر بيها
وانت بابا تبقى وحدك ...
الله موجود بنتي .. انتي وروان الله يخليها ...وبعدين هو معوق يادوب يعين نفسه ...
براحتك بابا ..اني رايحه محتاج شي
لا بابا سلامتج ..
أنت تقرأ
زفاف مزيف
Narrativa generaleبسم الله الرحمن الرحيم وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ صدق الله العظيم الايه واضحه مايحتاجلها شرح مع كل الاسف هوايه اباء من تجي بنت ي...
