زفاف مزيف

بارت الثامن عشر

روان سمعت كلام منار وفعلا كلامها صح وبالنهايه روان تحب عمر وهو زوجها من حقه يسوي هيج هي شلعت قلبه يلا رجعتله لأنو خانها وكسر قلبها ..
بعد فترة ...
عمر جان بالشركه واجه للبيت روان جانت ترتب بالغرفه هو دخل حتى بدون مايسلم كالعادة ..
هي راحت علي ..هلاو عمر شلونك
هلاو بيج ..من ورا خشمه
جابتله كلاص مي وقدمته اله باوعلها بنظرة كلها حقد وشمر الكلاص من أيدها ..
انتي تالي وياج ليش متعوفيني بحالي هاا كتلج لاتصرفين وياي كزوجه

روان دمعت عيونها رجعت خطوات ليورة ودخلت برجلها كزازة وتعورت جانت كلش متأذية وتبجي بصوت ناصي عمر ضاج كلش من منظرها البرئ حس نفسه حقير كلش تقرب منها ..

لزم رجلها باوع بعيونها ..لاتخافين راح اطلع الكزازه من رجلج وطلعها ورجلها كامت تصب دم رادت تكوم للحمام ماخلاها راح جاب گطن وشاش ولف رجلها ...

انطيني ايدج ..وصارت عينه بعينها بقه صافن عليهم لو تدرين شكد احبج بس ...اوووف ..اوف

اني اسفه بس ليش هيج سويت اني سويت شي غلط من حقي تعاملني بلطف ...المهم براحتك

نزلت روان جوة تعرج راحت على عمها تسأله على الغدى كالها مااشتهي ..

صعدت روان لعمر كالها اريد انام من اكعد اكل ..
نزلت بس داخت اجت توكع من الدرج راحت تاكل وحدها جانت كلش ضايجه وتحجي ويه روحها ..
ليش هيج عمر والله ماخنتك صح غلطت بس ماسويت شي غلط   ..

فجأة حست نفسها لعبانه وراحت تتقيأ بهاللحظه نزل عمر وشافها جن جنونه اذكر السرطان لأنو الدكتور كاله لازم تبتعد عن التوتر النفسي ..
روان شبيج ..
مااعرف شبيه صار عندي مغص ودخت ووو اذكرت انو صار هواي على موعد الشهريه ...بينها وبين نفسها عزة العزاني بس لا حامل اي كملت عمر شافها صافنه وتبجي ...

اني اسف روان ..مو قصدي اضوجج بس جاي امر بظروف صعبه الله يعلم بحالي ...
لا عادي اني زوجتك إذا ماتحملك منو يتحملك حبيبي...
العصر اخذج للدكتور ...
لا أاااااا ..ماكو داعي صرت احسن ،😟😟
شبيج فزيتي لا مابيه شي ..
عالعموم براحتج ...
انت مو كلت راح انام ..؟
اي ماكدرت انام ..جوعان
زين ..خلي اصبلك غدى ..
لا ابقي مرتاحه اني اصب لنفسي
روان ابتسمت وتنفست الصعداء ....

صعدت دزت رساله لمنار عالواتس منار طارت من الفرحه وروان كلتلها شبيج منار هو إذا عرف راح يكول هذا مو مني ...
زين العصر اجيب تيست مال حمل واجي
ونتفاهم بعدين ....

طيب انتظرج ...
اجتي منار العصر وانطت التيست لروان وعلمتها علي طلعت روان من الحمام تلطم ...
لج منار اني حامل شلون ياربي ...
كللللوش الحمد لله ياربي مبروك حبيبتي الف مبروك يوم الالي واذبح طلي

روان ابتسمت بزعل ..خرب بيومج منار اني وين وانت وين عمر إذا عرف شلون
شنو شلون ...عادي صار بينكم شي اكيد ...