حبيبتي منار اني بس انطي لعمو دواء واروح بالي يم مينا تعرفين عمتي ماتكدرلها وحدها،،
براحتج روان...
عمو عفيه لخاطري اذا تحبني اخذ دواك بوقته واني اجي بين فترة وفترة اشوفك واطمن عليك انت تعرف عندي التزامات هوايه....
يله عمو اني اروح... يمك العافيه
الله وياج بنيتي....
يله منار رايحه اني،، تردين شي،،،
فدوة لكلبج روانه حبيبتي والله مااعرف شكولج،،،،
شتكولين عيني كل شي لاتكولين،،،
تعرفين كلش زين انتي شنو بالنسبه اللي..
يلا حبي مع السلامه..
مع السلامه حبيبتي....
رجعت روان للبيت صفنت وصارت تفكر بكلام منار ليش سألتها على عمر،،
منار كملت شغلها وراحت تتفرج على التلفزيون فجأة تلفونها دگ بس انقطع اللاتصال باوعت عالرقم جان الرقم دولي
هذا منو يتصل بيه من الخارج يلا يجوز واحدغلطان بالرقم...!!
شويه ووصلتها رسالة من نفس الرقم
"شلونج منار مشتاقلج هوايه"
منار كامت وكفت على حيلها هذا منو ويعرف اسمي عزة،، هسه لوما علي هنا بالعراق جان كلت هذا علي،،،
هسه اني شسوي.. اوف خلي اروح انام احسن،،،
عمر...
طکت روحي قررت اتصل على منار مشتاقلها موت مااكدر بعد اصبر بس المشكله شلون افتح وياها الموضوع راح اكولها اني عمر اخوج وشيصير خلي يصير تعبت،،،
ماما اني قررت ارجع العراق اريد اشوف منار وبابا مشتاقلهم،،،
حبيبي عمر بكيفك بس انت متأكد من قرارك هذا اخاف تندم بعدين،،،
ماما اروح وشيصير خلي يصير وانتي ليش متجين وياي اني اخاف عليج من اولاد زوجج،،،
لا لاتخاف عليه اكو قانون يحميني بس دير بالك على نفسك ولاطول عليه،،
صار ماما وباسها من جبينها،، راح اشتاقلج هوايه حبيبتي،،،
ياروح امك،،،
ثاني يوم جنت دا اسوي ريوك لبابا وجان يدك التلفون عزة نفس الرقم،،،
رديت بسرعه،،، الوووو
الووو،، منار
اي منار تفضل،، منو أنت..!!؟
ااااني... عمر،،،
شنووو،، وكع التلفون من إيد منار وشهگت،، لاجذب شالت التلفون عفية انت متأكد ماجاي تكذب عليا،،،
لا اني عمر اخوج بلحمه ودمه حبيبتي
منار كامت تبجي،، والنبي مامصدكه وينك ليش هيج تسوي بينا ولك اشتاقيتلك البارحه جنت بطاريك اني وروان،،،
شنوو..!!؟ روان وين شفتيها...
اجتنه للبيت لبابا تنطي دواء 💊
دواء ليش بابا شبي منار،،
من يوم اللي اختفيت وهو صحته مو زينه ضغط وصار عنده جلطه خفيفه بس مايعرف بهالشي بس روان هي اللي تكدر تقنعه ياخذ الدوا وياكل من يوم اللي طلعت من المصحه وهي تجي يمنه ماعافتنه ابد،،
مصحه..؟؟! عمر دموعه نزلت،،،
منار اني جاي للعراق عن قريب الشغلة مو مال تلفون اسمعيني ماريد اي احد يعرف اني جاي او اني عمر،،،
أنت تقرأ
زفاف مزيف
General Fictionبسم الله الرحمن الرحيم وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ صدق الله العظيم الايه واضحه مايحتاجلها شرح مع كل الاسف هوايه اباء من تجي بنت ي...
