زفاف مزيف

البارت الرابع عشر

زفاف مزيف
١٤
عمر أدنى يم أبوه وباس أيده ..اسف اسف بابا ماجان قصدي والله ..

لابابا اني المفروض الي اتأسف واعتذر منك والي تريده سوي اني ضجت من نفسي لأن حسيت نفسي ظلمتك ..

منار راحت سوي اكل شويه واندگ جرس الباب  علي وروان اجو يشوفون عمهم ...
دخلت روان لعمها لكت عمر يمه خله وطلع لما شافها هي ضاجت لأن تجاهلها

هلو عمو . شلونك مشتاقتلك هوايه
ياحبيبتي واني مشتاقلج ..
ليش هيج عمو تقهرني عليك
ماكو شي ليش القهر هياتني يمج مابيه شي ...

صحتك اهم شي محد يفيدك تره
ادري بنتي ادري بس ...
حسيت بالذنب اتجاه عمر اني السبب بكل شي صار ودا يصير مو عبالج اني ماادري لا كل شي سمعت بوقتها انتي حقج روان اجتي منار حتى تكلهم يلا تعالو تغدو  ...

لا منار اني مااشتهي ..
ماكو مااشتهي يلا كومي ..يلا بابا
علي وعمر بره كاعدين عالسفره روان صارت مقابل عمر اللي جان مجاهلها كلش ولا كأنو موجودة ..

وبدو يأكلون الكل جان يأكل إلا روان جانت صافنه منار انتبهت عليها
ليش ماتاكلين ؟
هااا ...مااشتهي راح اكوم اسوي جاي
براحتج ...

روان راحت سوي جاي اتصلت بعمتها تسأل على مينا اجتي منار للمطبخ باوعت على روان وكالتلها...
شبيج؟! احسج مو طبيعيه شكو
ماكو شي ...
هذا كله ومابيج شي ...لعد إذا بيج شلون ...

عمر بينه وبين نفسه جان يحس بالذنب لانو ضرب روان بس هو حس بوقتها انو هي تستحق هالصفعه حتى تحس على نفسها ..
روان سوت الجاي وصبته منار جانت تغسل المواعين كالتلها روحي قدميلهم الجاي ...

عمرحس انو هي ضايجه قدمت الجاي لعمها ولعلي لمن وصلت لعمر جانت صافنه عمر جر الصينيه ووكع الجاي الحار علي طبعا جان متعمد يسوي هيج اكو خطه بباله الجاي حرگ رجله روان فزت ...
عزة ...اسفه والله ماادري  😟😟
يلا ماصار شي ..اروح ابدل ملابسي

روان راحت المطبخ تبجي ومنهارة منار كالتله شكو ولج شبيج ليش تبجين

تعبت منار دا يحسسني انو اني نكرة انو اني حقيرة ...
هااا منو ؟! عمر
اي بديت الجاي علي ولا كأنه عمر اللي اعرفه  سبحان الله   ...
انتي تحجين صدك زين شصاير ها ذكرت لمن لكيتج بالمستشفى وجان اكو طبع اصابع على خدج كتيلي بعدين شنو اللي صار ؟
احجيلي ؟

اجيت رزلته جنت ضايجه على عمو كتله انت حقير وفاشل ..ولزمني من ايدي وجرني وضربني راشدي وكاللي كلام حسيت نفسي استاهله اول مره احس اني هيج ...

عزة بعينك عمر ..
اي وبعدين ..؟
بعدين كام يتجاهلني ولاكأنو موجودة نظراته جانت كلها حنيه وحب هسه لا...

يعني افهم من كلامج انتي بعدج تحبي ...؟!!!"
يمكن اي ...
لامو يمكن ..اكيد
انت اعترفتي هسه بلا متحسين..
منار اني تعبت من هالشي احسن شي بعد مااجي هنا ...