ام روان ولدت 3 اولاد لكن كلهم ماتو الوحيدة الي عاشت هيَ روان لذلك ابوها عاملها معاملة الولد...
روان عدها صديقه وحده الي هي مينا بنت عمتها الي ربتها هي صديقتها المقربه لكن فرق شاسع بين مينا وروان..
مينا قمة بالانوثه والاناقه اما روان قمة بالرجولة 😁😁
مينا عدها اخ واحد مسافر وابوها متوفي وعايشه ويه امها ببيت خالها ابو روان..
البارت الاول..
صباح الخير ابوروان..
صباح الخير ام علي..
اني اروح للمكتب تآخرت..
عيني قاسم اكل لكمه قبل لاتروح اشرب چاي شنو القصه..
تسلمين ام علاوي.. اني رايح..
الله وياك خويه..
صباح الخير ماما..
هله يمه صباح النور.. تعاي تريگي
صار ماما... كعدت تريكت ويه ماما وترخصت اروح للدوام... يله ماما مع السلامه اجه الخط..
الله وياج يمه...
شويه وكعدت روان كفشتها وهيه صباح الخير عمه...
صباح الخير يمه غسلي وجهج وتعاي تريكي...
صار عمتو...
اجيت تريكت ويه عمتي ونفس الموال
عمه انتي لشوكت تبقين هيج كافي كبرتي غير ي شكلج ولبسج الى متى تبقين هيج هسه حتى تكملين دراسه عالاقل مو هاي مينا وياچ... انتي انثى يمه روان...
شنو.. عمه ياانثى لخاطر ربج ماكافي تلحين يوميه نفس الموال والله طلعت روحي اني هيج وماراح اغير نفسي تعودت..
ولا لخاطر عمتج اللي تتمنى شوفج عروس...
ههههه عمه ياعروس اني ولد منو يزوج ولد...
كمت من الطاولة انسدت نفسي بست عمتي ورحت العب بلي ستيشن..
شلون اني ويه هاي البنيه راح تموتني..
اجه قاسم من المكتب...وينه ريان يقصد روان..
هلاو بابا شلونك..
تمام بابا شلونك انت..
ابو روان ماكافي تعاملها مثل الولد يمعود كافي خطيه...
ام مينا خليني متونس وفرحان بيها شعندي غيرها..
اجتي مينا من الدوام طبعآ مينا تدرس هندسه وتحب زميلها بالجامعه وهو يحبها وبس يكملون السنه يتقدملها رسمي...
يله يوم تعالو تغدو صيحي روان خلي تجي تتغدا.. وكملو الغدا..
اكولج ام علي علاوي شوكت ناوي يرجع من السفر ان شاءالله..
والله ياخوي مااعرف عالاساس من يكمل دراسه يرجع والله كريم...
الله كريم..
مينا صعدت لغرفتها تدرس وتتصل بالحب وروان كاعده يمها تهز بايدها وتباوع صفح ماعاجبها الوضع 🙄😕
شبيچ لج ليش هيج تباوعيلي وتالي وياج هااا انتي تبقين هيج شوكت ترجعين لنفسج..
روان ماكافي تره حرام اللي جاي سوي بنفسج انتي بنيه وهذا واقع لازم تتقبلي..
لاء لاء اني ولد...
اكو ولد عنده صدر...
مينا نجبي شنو هالحجي...
دا احجي الحقيقه.. لو اكو ولد تجي الشهريه...
😡😡 خرب حظي اانتي شنو ولاتستحين..
زين اكو ولد يستحي 😂..
بعدين راح تندمين واذكرج خوش..
معليج بيه مينا اني قابله بوضعي..
روان جانت تعيش صراع نفسي بينها وبين نفسها ساعات تحس نفسها بنيه وساعات لا بسبب الانكسار اللي جانت شوفه بنظرات والدها لكن الى متى يستمر هالصراع..
علي جان يدرس بامريكا وباقي بس سنه ويتخرج ويرجع للعراق لأن كلش اشتاق لوالدته...
ابو روان كان عنده صديق مقرب اسمه ابو عمر في يوم اجاه للبيت وشاف روان وطلب ايدها لابنه عمر شنو جان ببال ابو عمر محد يعرف رغم انو يعرف ابنه عمر شنوو طبعا ابو روان رفض وشرح لابو عمر عن كل شي لكن ابو عمر بقى مصر انو يزوج عمر لروان وابو روان بقى محتار شنو يسوي.؟! وشلون يفاتح روان بالموضوع..
ثاني يوم ابو روان فتح الموضوع ويه اخته لم علي وهي انصدمت مو بس تفاجأت..
ابو روان انت شدا تحجي روان مو مال زواج هي شتعرف هاي المسكينه شفت سويت بنتك لا فلحت بدراسه مثل البنات جانو يضحكون عليها وبطلت من المدرسه ولاصارت بنيه من صدك شنو ذنبها قاسم... خطيتها برگبتك
ام علي اني ماجنت محسب هيج حساب
ليش خويه... البنيه تاليتها وين غير بيت زوجها يعني وين تاليتها..
أنت تقرأ
زفاف مزيف
General Fictionبسم الله الرحمن الرحيم وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ صدق الله العظيم الايه واضحه مايحتاجلها شرح مع كل الاسف هوايه اباء من تجي بنت ي...
