انتماء

لم اتعمد حبك لكن حبك تعمدني

نوره تفاجأة من رد فعل محمد معقوله اني الحبني سنين والي رفض يتزوج كل العمر بسببي وبعد ما اجيت ليمه وبين ايده يرفضني معقوله هذه البنت الي صارلها كم شهر ويا تنسي نوره وحب عمره ؟
محمد : اني اسف نوره لازم اروح تصبحين ع خير
نوره : تحبها ؟ هيج نستك منو نوره ؟ مدا اصدك
محمد : تدرين نوره هسه يلا عرفت الشي الصح الوحيد السويته بحياتي هو ريم اي احبها ولو ما دخلت حياتي ماجنت اتوقع انو رح احب بيوم ولو ما رجعتي انتي هم ماجنت اعرف انو اني احبها بهالقدر اني اسف باجر الصبح نرجع لبعداد
...
طلع محمد وهو مستغرب على نفسه ويكول : اول مره اكون صادق ويه نفسي اي اي احبها ما اتخيل حياتي بدونها هيه احلى شي صار بحياتي كل هذيج الفتره عاندت نفسي لكن احساسي ومشاعري اقوى مني لازم ارجع باجر وما اضيع ولا لحظه من حياتي بدونها
....................
صار الصبح ولمو غراضهم وطلعو وطول الطريق محد حجى ولا كلمه وصل نوره لبيتهم و نطلق للبيت بكل لهفه وشوك لشوفت ريم وصل للبيت فتح الباب وصاح ريم ريم ماكو رد دخل للمطبخ ماكو للصاله ماكو صعد دك باب غرفتها ماكو رد فتح الباب الغرفه فارغه اتخبل جن جنونه بس كال يمكن راحت لبيت اهلها خلي اتصل عليها اتصل على تلفونها مغلق رد اتصل على امها جاوبته
ام ريم : هلا محمد شلونك
محمد : الحمد لله زين انتو شلونكم ريم شلونها ؟
ام ريم : ليش هيه مو بالبيت ؟
محمد غمض عيونه وصار نار وكال : يجوز طالعه مشوار وترجع !
ام ريم : خليها تتصل بيه من ترجع ضل بالي
محمد : ان شاء الله
.............
ضل كاعد محمد على جربايتها ويفكر وين راحت رح اختنك بس فتحي تلفونج كلبي مثل النار عليج
صار تقريبا ساعه ١٠ باليل و محمد يلوب بالبيت فجأة انفتحت الباب وريم دخلت
محمد ركض عليها : وين جنتي ؟
ريم وعيونها حمره من الغضب : مالك دخل بيه
ومشت لزم زندها ووكفها
محمد : لا الي دخل اني زوجج
ريم بضحكه عاليه كلش : تخبلت انت شنو لاتنسى اكو اتفاق واني كوه وعلى اعصابي عايشه هنا تدري ليش لان اكرهك كلشي بيك اكرهه ما اطيقك .
عافته ومشت صعدت لغرفتها سدت الباب وضلت تبجي محمد ضل مصدوم من كلامها واسلوبها الحاد ويا متوقع ابد هيج يطلع كلام منها صعد دك الباب عليها ماردت عليه رجع دك الباب وكال : اذا متفتحين الباب رح اكسره فتحت الباب
محمد : هم داتبجين ؟
ريم : ماريد اكمل
محمد : شنو يعني ؟؟
ريم : طلكني
محمد : بينا اتفاق ومده بعدها مخلصانه
ريم : الغي كل اتفاق بينه كلشي ماريد منك اريد بس ارجع لحياتي وبس
محمد : ماكدر اطلكج
ريم : مو بكيفك
رن تلفون ريم المتصل عبد الله جاوبت ريم
ريم : هلا عبد الله اكيد باجر على موعدنا ان شاء الله بداية خير تصبح على خير
محمد :شنو بداية خير ؟ فسريلي
ريم : مامجبوره افسر الك اي شي ومالك دخل بيه
محمد لزم ايد ريم وعصرها : لاتجنين جنوني وتخليني اتصرف تصرف اندم عليه ؟!!! احجي شنو الي بينكم
ريم : شتريد تسوي سوي اعلى ما بخيلك اركبه
محمد : لاتستفزيني ريم
ريم : انت شمفكر نفسك هااا ؟
كل الي تريده لازم يصير كل متفكر بالي حواليك انسان اناني متفكر غير بنفسك عبالك الناس كلها سلعه وتشتريها انسان استغلالي متقدر احساس الناس ولاتهتم غير بس بنفسك
عصب من كلامها كلش هو ولازم ايدها دفعها عالحايط ووكعت راد يتقرب صاحت اطلع بره بررررررررررره
..............
مرت الليله وجانت من اقسى الليالي على محمد وريم
وصبح الصبح كعد محمد حس صوت غريب طلع لبره شاف ريم فاتحه باب غرفتها ودتلم بغراضها
محمد : شداسوين
ريم : رايحه منا
محمد : وين ؟؟
ريم : مالك دخل بيه اتمنى ماشوفك بعد منا ليوم المحكمه
محمد : تره ماكو شي بيني وبين نوره صدكيني حاولت صح تتقرب مني بس صديتها ماكدرت لان ....
ريم : مايهمني الصار بينكم ولا يهمني شنو سبب الي خلاك تسوي هيج وخر خل افوت
محمد : زين على الاقل انتظري اسبوع سرى عرسها بعد اسبوع ماريد يصير شي يخرب عليهم فرحتهم ارجوج اترجاج اني موافق على كل الي تردي بس مشيها لبعد عرس اختي
ريم اتنهدت وكالت : لخاطر امك الطيبه وسرى ماريد اكسر فرحتهم لكن تنزف سرى منا ترمي عليه اليمين منا
محمد : موافق
ريم : تمام
محمد : شكرا
ريم : على فكره اليوم مجازه اني لان عندي جلسة تصوير ويه عبد الله
محمد : وافقتي يعني ؟! موكتلج .... قاطعته وكالت : وكتلك محد يدخل بحياة الثاني .
طلعت ريم ومحمد ضل يلوب بالدوام ماعرف كلشي يشتغل اتصل على صديق اله يعرف عبدالله وطلب منه يعرف مكان التصوير وفعلا وصله المكان وطلع محمد بدون تردد بسرعه وصل لمكان التصوير ودخل من بعيد يباوع على ريم وجان عبد الله واكف يمها ويشرحلها وياه المصور ريم لمحت محمد بالمكان بس غلست سوت نفسها ماشافته وتقصدت تتشاقة ويه عبدالله وعبد الله داس بالشقه وياها وضربها بالشقه محمد ماصبر دخل وجر ريم ريم سحبت ايدها بالقوه من ايده
ريم : تخبلت شجابك هنا ؟
محمد : شنو هالتفاهه الي انتي بيها على الاقل احترمي الرجال الي انتي على ذمته
ريم : اني محترمه غصبا عنك ما اسمحلك تتجاوز حدودك ويايه ولاتنسى احنه اسبوع و ننفصل واشوف حياتي بعد ودارت نظراتها على عبدالله الي جان يراقبهم بعيونه من بعيد
محمد : اني اسف اخذي راحتج
طلع محمد وشغل سياره عالسريع لكن ريم ابد ابد ماجانت مرتاحه رجعت على عبدالله
ريم : اسفه عبد الله ماكدر اكمل
عبد الله : ليش خير محمد السبب ؟
ريم : اعتذر عافته ومشت لمت غراضها وطلعت
رجعت للبيت وكعدت تنتظر محمد ضل بالها عليه
الساعه صارت ٢ بعد منتصف الليل ومحمد ماكو
فتحت الباب طلعت للحديقه حست اكو شخص كاعد يم باب الشارع شافت خيال انسان خافت وتردد بس تقدمت دنكت من جوه الباب فزت محمد !!!!! يمكن لان نفس الملابس صاحت : منو بره ؟ مالكت جواب خافت اكثر ردت كالت : منو بره ؟ محمد !! اجاها صوت خافت كلش مافتهمت شنو بس هو صوت محمد فتحت الباب بطيء شويه شويه ومدت راسها انصدمت لكت محمد كاعد بباب البيت وطافي سكران
كومته كوه وسحلته لداخل البيت سدت الباب ورجعت عليه وصلو يم الدرج كعد محمد عالدرج وجر اديها وكعدها بصفه باوع بعيونها وتلمس شعرها
محمد : هوايه خسرت بحياتي اشياء راحت ومستحيل تتعوض ماكو شي مثالي لا الناس ولا الحياة ولا اي شي مثالي مثل كل الناس اني هم مو مثالي ولا نهاياتي سعيده بس انتي ريم من شفتج حسيت انتي الشي المثالي الوحيد الي رح يعوض كل خساراتي بهاي الحياة
ريم دمعت عيونها وكامت وكومته وصعدو عالدرج فتحت باب غرفته ونيمته على جربايته نزعته الحذاء اجلكم الله وضلت واكفه يمه تباوع عليه
محمد يتمتم : ريم ريم ريم
تنهدت ريم وتقربت منه وكالت : اني هنا
محمد : تتذكرين من جنه بنفس هالموقف تتذكرين من جريتج وبستج ومن سألتج ماجاوبتيني صح جنت ناسي بس بعد فتره اتذكرت تدرين اكلج سر
ريم كول : جانت احلى ذكرى خزنتها بدماغي
ابتسمت ريم ودموعها تنزل وكالت : ارتاح هسه ارتاح
بعدين نكمل سوالفنه
محمد : تتذكرين من سألتيني رح تنساني لو لا وسكتت اريد اجاوبج هسه مستحيل انساج وماريد انساج يوميه اذكر نفسي بيج حتى لا انساج اذا بتعدتي عني ضحكتج عيونج عطرج خبالج كل تفاصيلج مستحيل انساها .
ريم تقربت من محمد وهيه تبجي وخلت راسها على صدره وانفجرت بالبجي وتكول : كافي محمد كافي
محمد : احبج ريم احبج واريد تتزوجيني حقيقي اريد اعيش وياج اريد اخلف منج واريد اموت على ايدج صح اني جبير اكبر منج بهوايه و عصبي ومرات ما انحمل بس احبج والله مو بيدي صدكيني اذا انتي كتيلي اكرهك اني احبج شكيتي كلبي من كلتيلي اكرهك لو ذابحتني ولا كلتيها وعبد الله اي اغار عليج منه لا مو بس من عبد الله من الدينا كلها اغار عليج اريد اضمج لكلبي وما اخلي احد يوصلج
ريم كامت من يمه باسته من خده وكالتله تصبح على خير جرها وباسها من شفتها لزمها من خصرها وشدها حيل لحضنه وكلبها عالجربايه صار فوكاها غمضت عيونها ريم وحضنته حيل من ضهره وذابت جواه شال راسه وخر من فوكاها واتمدد بصفها وغفى ريم ضلت بصفه وتباوع عليه وتحجي لنفسها : واخيرا واخيرا مدا اصدك انت الي للابد حبيبي ونور عيوني واحلى زوج بالكون رفعت راسها وضلت تتلمس بوجهه اوعدك مارح اكون لغيرك اوعدك احبك طول عمري اوعدك نعيش بسعاده طول العمر اوعدك مارح اتخلى وابتعد عنك احبك محمد احبك بكد ما الله خلق حب بهالكون احبك بكد كل دموع العاشكين البجوها احبك بكد الكون واكبر
كامت عدلت نومته وغطته ورجعت لغرفتها ونامت
........
الصبح صار وريم سوت الكهوه بس محمد مانزل اتأخر بنزلته مو عوايده اخذت فنجان الكهوه وصعدت دكت الباب ماكو رد فتحت الباب لكته نايم خلت الكهوه عالميز واتقربت منه
ريم : محمد ! محمد !

محمد بصوت خافت : ها
ريم : شبيك ؟
محمد : مادري يمكن مريض
خلت ايدها على وجهه حرارته صاعده
ريم : كوم خلي اخذك للمستشفى
محمد : ماكو شي بس ساعديني اكوم اغسل
سندته ريم وفات للحمام غسل ونشفت وجهه ريم وايده ورجعته للفراش سرعت للمطبخ فتحت الصيدليه جابت خافض حراره وكاسه مي وصعدتله شربته الدوه وبدت تسويله كمادات وكلساع تراقب حرارته هو كل شويه ينام ويكعد نزلت للمطبخ سوت شوربه خضار بالدجاج و عصير برتقال طبيعي وصعدتهن اله
ريم : يلا اكل انت مريض
محمد : ما اشتهي
ريم كعدت بصفه وخلت الصينيه بحضنه وشالت شوربه بالخاشوكه وخلتها يم حلكه يلا افتح حلكك ابتسم وكال دا احس بروحي ابنج ههههه
ضحكت ريم وكالت : حس شلون متحب ابني ابويه عمي اهم شي تاكل يلا
بده محمد ياكل من ايدها لحد ما كمل الكاسه وانطته عصير برتقال
ريم : اشربه وارتاح لا تعب نفسك ولا تفكر زايد اظاهر شربت هوايه البارحه واثر عليك
محمد : اني اسف
ريم : ارتاح هسه
...............................................
مرت يومين و محمد نايم مريض وريم تعتني بي لحد ما اجى قبل يوم من حنه سرى واثنينهم مافتحو موضوع اخر ليله من سكران محمد بيها مرت الايام بينهم طبيعي
محمد نزل للمطبخ لكى ريم دا تطبخ الغده
محمد : الله يساعدج
ريم : ليش كمت من الفراش
محمد : مابيه شي صرت احسن
ريم : الحمد لله عالسلامه
محمد : حضري نفسج نطلع وره الغده
نروح لمحل صديقي نشتري ملابس لحفله سرى
ريم : بعدك مريض مايحتاج عندي ملابس هوايه
محمد : بس اني اريد اخذلج شي
يمكن هذا اخر شي نشتري سويه
ذبت البيدها ريم وتنهدت وكالت : اوك
ضل محمد كاعد بالمطبخ ويباوع على ريم من تشتغل وريم تحاول تسيطر على نفسها انو ممهتمه
صبت الغدا وتغدو صعدت بدلت لبست بنطرون ٩٠ ماروني وقميص ابيض وخلت مكياج خفيف وشالت شعرها رافعته حيل محمد جان لابس بنطرون اسود و قميص لونه بيجي طلعو وصعدو بالسياره بالطريق محمد شغل بمسجل السياره  وعله الصوت كلش الاغنيه لداليا مبارك ( ترا حقي من افكر بيك واشغل بيك تفكيري بهالدنيا بعد ما اعيش من تفكر بغيري تخيل لو عليه تغيب وتنسى تغيب وننهي حبنه ونتركه العالم ينتهي ويصير عالم ماكو بي ضحكه )
وصلو للمحل ونزلو اثنينهم وبدو يكلبون بفساتين السهره محمد جر فستان لونه ابيض بي موجات رصاصي لامع بردان طويله و صدر محفور على شكل قلب مخصر طويل
محمد : جربي هذا
ريم : اوك
راحت ريم لبسته وطلعت شافهه محمد ابتسم واشرلها اوكي بثنين اديه اشترو واخذت حذاء لونه رصاصي وياه ومرو عالمكياج اشترو هم وراها ورجعو للبيت .
...............

التكمله الاخيره
بالبارت الجاي
زينب النعيمي