في زحام الحياة وضوضاء العالم ومشاكل الحياة لابد لنا ان نلجأ لمكان ما لكي يخفف عنا ثقل الحياة و يعطينا طاقة ايجابيه نشحن بها ارواحنا لكي تستعد لمواجة جديده في معركه الحياة قد يكون المكان بعيدا او قريبا طريقه شاق ام سهل نسلكه من دون تفكير بالتراجع لان...
كعد محمد من نومه عميقه جدا وراسه يوجعه صداع كلش قوي كوه كام للحمام سبح ولبس ونزل بتكاسل شاف ريم دتحضر كهوته وتغني بصوت هادئ وحنون ( لو بص بعيني مره بس حيحس أوام بشوقي اليه لو بص بعيني مره بس حيحس بأني ذايبه فيه لو قالي تعالي قلبي دق انا اروحلو اوام ماقولش لا ) ضحك محمد على طريقه وحركات ريم الي اكيد كال دتتخيل نفسها على فد ستيج وتغني فات وكال : صباح الخير ردت ريم : صباح النور شلون صرت ؟ رد محمد بخجل وفشله لان محد شايفه قبل بهالحالة : زين زين الحمد لله . قدمت ريم فنجان الكهوه وراحت تكمل غراضها للدوام اجاها صوت محمد وكفها : اني البارحه حجيت شي ؟ يعني ماحجيت شي زايد ؟ اني اسف اذا حجيت شي تجاوزت بي ريم : يعني انت متتذكر البارحه باليل شلون وصلت لغرفتك ؟ رد محمد : اني عندي مشكله صغيره اثرت عليه ردت افك عن نفسي واظاهر طوخت كل الي اتذكره جنت بالسياره صلاح جان يسوقها وبعدين غفيت . ريم : ماكو شي صار ولا حجيت شي صعدت لغرفتك وحدك ونمت واني اصلا ماجنت انتظرك بس حسيت على خطواتك وطلعت شفتك من دخلت للغرفه كمل كهوتك ورانه ازدحامات عافته ومشت وتفكر : يعني ميتذكر شسوه اصلا ميتذكر شلون صعد للغرفه عادي جنت متوقعتها اوووووف منك محمد اووووف ............... وصلو للدوام وكعدت ايمان وايه وريم ويه سيف وابو اركان وياهم موظفين اثنين يتريكون وصار شقه وضحك عالاكل طبعا ريم ضحكتها فضيحه وبهذا اليوم جان مودها عالي فضحكت من كل كلبها وتتشاقه وتحشش وياهم رن تلفون الغرفه ردت ريم : نعم محمد : تعالي لغرفتي بسرعه ريم : اوك فاتت ريم على محمد ولكته يخزرها وكال : اشوف اليوم منطلقه ويه الناس وتضحكين ردت ريم : اي والله مرتاحه ليش بيها شي رد محمد : لا بالعكس بس لاتنسين انتي هنا كدام الناس زوجتي واني ما اسمح لزوجتي تضحك وتتصرف هالتصرفات الطفوليه كوني كد المكانه الي نطيتج اياها شقه زايد ماريد ضحك عالي ماريد انتي هنا راجعه الي فكري بتصرفاتج ريم يلا روحي كملي شغلج .. طلعت ريم تأفف وتكول رجعنا للأوامر و الرزايل ممنوع ميصير ممنوع ممنوع اوف شكد متعب وغريب هالرجال لاكوها ايمان وايه وكالو انريد ننزل للكافتريا خلص الجاي هنا خل نشرب جاي ونرجع تعاي ريم ويانه نزلن البنات اتلاثتهم وطبلو جاي ريم : يلا بنات استعجلن ماريد اترزل مره ثانيه ايمان : ليش اكو رزاله اولى ايه : شكو شصار ريم : محمد رزلني على شقايه ويه الموظفين . ايه : يعني يغار اييييييي ايييييييي يغاااااااار عليج وضحكت ريم : ياغيره يمعوده يكول علمود صورته كدام الناس وشيكولون ايمان : لعد شتريدي يكلج ايكلج اغار لو ضحكتي لغيري اغار لو احد اتلاطف وياج اكيد يتحجج عليج بهاي السوالف . ريم : امشو خلي نشوف شغلنه يلا .......................... محمد كاعد ويحاول يتذكر شنو الي صار باليل شلون وصل هو يحس اكو شي صار يكول : هو جان احساس لو جنت اتمنى لو حلم ؟ بس اني احس اكو احد جان قريب مني سمعت صوت يحجي ويايه معقوله لان شربت زايد اوووف بعد ما اعيدها وهاي وين راحت اشو مدا اشوفها بالكامره على مكتبها عبالها اتزوجت المدير تخلص من المسروليه وتسخت بكيفها فجأة طلعت بالكامره تتمشى بالمرر ووكفها احد المراجعين يستفسر منها عن شغل ايه و ايمان عافوها وكل وحده على مكتبها كعدت ضل مركز نظره على كامرة على ريم ووكفتها يم المراجع خلصت كلام واتشكر منها المراجع اندارت لكت محمد وراها واكف محمد : وين جنتي ست ريم ؟ ريم : ويه البنات رحنه نشرب جاي بالكافتريا لان خلص هنا الجاي رفع حاجبه والوضع ماعاجبه لاعبالج هنا صرتي زوجة المدير رح تتهاونين بشغلج هاي الاضباره اريدج اليوم كلها تكمليها استنساخ وتفريق وهذني الكتب اريدهن بنص ساعه مطبوعات وعلى مكتبي وها الج يوم غياب عقوبه على نزلت يلا ابدي كله من وقتج . ريم اتأفأفت وكالت يعني بالبيت مغثه وهنا مغثه احس هذا الرجال الله خلقه خصيصا حتى يجلطني هففففف بدت ريم بشغلها الي انطاهيا وايد هنا وايد هنا اتريد تخلص فاتت ٣٥ دقيقه وفاتت على محمد وقدمتله الاوراق الي كاللها عليهن باوع محمد وكال : عاجبج تتعاقبين بعد ؟ ريم : شنو بعد شمسويه شنو مشتهي عقوبات لليوم وجاي اطلعهن بيه الله يالله ضحك محمد ضحكه استهزاء وكال : ولسانج كام يطول على المدير اممممممممم عفيه اليوم مترجعين للبيت اذا متخلصين كل شغلج لو تعرفين تباتين هنا يلا بدا وكتج ، ريم : اني شسويتلك مو ردت الكتب بنص ساعه وانت وياهن مسلمني شغل مايخلص بأسبوع !!! محمد : تأخرتي خمس دقايق وهذا مو انضباط موظف شلون تردون تجبكم مكافأة وعلاوات ؟ ريم : شنو اني هنا بالجيش لو وين محمد : حتروحين اتشوفين شغلج لو اخليج هنا تباتين للصبح تشتغلين ريم : حاضر حاضر استاذ محمد راحت ريم تكمل شغلها وخلص وقت الدوام وريم بعد عدها شغل الكل طلع وبقت لوحدها تشتغل واعصابها نار على محمد خلصت شغل ورجعت للبيت بعد العصر جانت كلش تعبانه وايديها توجعها من كد الشغل فتحت الباب لكت محمد كاعد بالصاله يتفرج عالتلفزيون فاتت بدون سلام ولا كلام وصعدت لغرفتها سبحت وبدلت ونامت رأسا من التعب اما محمد ضل يلوب يحاول يتذكر ويفسر الي صار وياه وابد متذكر رن تلفون محمد رساله عالتوتساب فتحها من نوره نوره : هلو حمودي شخبارك محمد : هلا نوره شلونج نوره : الحمد لله حبيت اطمئن عليك محمد : زين الحمد لله نوره : بعد ماكملنه حجينه من تقابلنه اكو شغلات اتهربت منها محمد : مادري ما اتذكر نوره : شنو رأيك باجر اعزمك عالغده ؟ محمد : اسف خليها غير يوم باجر طالع اني وريم واصدقائنه سفره للحبانيه . نوره : اممممممممممم ما رح تعزمني عالسفره محمد : اكيد اذا تحبين تجين هلا بيج نوره : اذا كدرت اجي رح اتصل عليك محمد : تمام تصبحين ع خير نوره : وانت من اهله .............................. صار صبح يوم الجمعه ريم من الصبح كعدت حضرت الاكل للسفره والعصاير والحبشكلات محمد نزل لكى ريم دا تلم بالغراض وتتحضر محمد : هاي من شوكت كاعده ريم : من الفجر محمد : على شغل البارحه كلت حتنامين للظهر اليوم ريم : لا اني انطيت وعد للبنات هم وميصير ارجع بكلامي وبعدين اني هم حابه اغير جو محمد فكر يكول لريم اكو شخص احتمال يجي وياهم للسفره بعدين اتراجع وصعد يحضر نفسه . .............. تواعدو كل المجموعه يلتقون بمكان اجتمعو وجانت ايه اخر من التحق اجتي متأخره ايه وصلاح وايمان بسياره و ريم ومحمد بسياره وانطلقووووووووو ريم كنكت على مسجل سياره محمد وشغلت اغنيه ( سكر محلي محطوط عليه كريمه ) واندمجت ويه الاغنيه وتسوي حركات عجيبه غريبه محمد يباوع عليها ايريد يضحك وكوه لازم نفسه بس جان مرتاح للأجواء وصلو للمكان وبدو ينزلون غراضهم افترو كلهم كمجموعه وبعدين انسحب ايه وصلاح لوحدهم يتمشون وراها اجى اتصال لايمان وانسحبت تحجي بالتلفون وضل محمد وريم يتمشون
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كل واحد بيهم جان سارح بأفكاره ريم ما انتبهت عالطريق جانت تباوع عالمي وتمشي وعثرث ورادت توكع فكأة لكت ايد محمد حضنتها وساعدتها ضلت بين ايديه وكاللها ديري بالج ريم بخجل هزت راسها يعني اوك جانت عيون صلاح وايه عليهم تراقبهم ايه : صلاح محمد يحب ريم مو ؟ صلاح : ليش هالسؤال ؟ ايه : مااعرف بس احس اكو شي غريب بينهم بس من اشوفهم ويه بعض احس حب جبير يجمعهم صلاح تنهد تنهيده طويله وكال : محمد محتاج ريم هاي الفتره كلش لازم اذا جانت تحبه حب صادق تترك بصمتها وتخلي ياخذ القرار الصح . ........ رن تلفون محمد باوع عليه نوره رد الو هلا نوره نوره هلا محمد اني هنا قريبه عليك دزلي مكانك بالضبط حتى اجيك انطاها العنوان وعاف ريم الي تبسمرت بمكانها والنار تاكل بيها وراح جاب نوره واجى ..... اجى محمد ووياه نوره يتمشون و ريم وايمان واكفين يباعون عليهم ايمان : هاي منو ريم : عوجت حلكها وكالت بنت خاله ايمان : وشجابها ؟، ريم : هففففففف جانو على علاقه على علاقه يحبون بعض . بهالاثناء وصل محمد ونوره يم ريم وسلمت نوره هلو شلونكم ريم بأبتسامه صفره ونظره شريره : اهلا نوره : اكيد انتي ريم ريم : اي نعم برفعه حاجب ريم حست انو محمد ماحاجي لنوره على طبيعه علاقتهم وهذا الشي خلاها ترتاح نوع ما نوره : شفت بعض الصور الج بالعرس مبروك جنتي حلوه خوش شغل مشتغلج ابو الصالون ريم رفعة حاجبها وفتحت عيونها وتقدمت فجأة ولزمت ايد محمد ومالت راسها على جتفه وكالت : الله يبارك بيج يوم التفرحين بناتج ضحت نوره وكالت : بناتي بعدهم صغار كولي يوم الالي وعود كوليلي على الصالون الي رحتيله لان مبين خوش يشتغلون على الواحد ريم : اي ضروري لازم تروحيلهم قبل اسبوع لان بشرتج تعبانه ومبين عليها الكبر محتاجه هوايه شغل محمد : ريم كافي ريم بصوت مايع : شكلت حياتي دا انصحها نوره : من رخصتج حبيبتي رح ناخذ حبيبج منج دقايق اريده بموضوع هز محمد راسه مشت نوره متوجهه للساحل محمد اندار على ريم صفن عليها وهز براسه يعني ماعاجبني الي سويتي وعافها ولحك نوره وضلو يتمشون الغيره تقره الف عند ريم اجتي ايمان واخذتها يتمشون ويبعدون شويه حتى لا تصير مشكله اخذهم المشي وبعدو شويه وفجأة صار موقف ويه ريم وايمان همه ويتمشووووووووون .
انتهى الجزء العاشر انتظرونا بالجديد شنو توقعاتكم الي صار ويه ايمان وريم ؟ وشرح تسوي ريم ويه نوره وصارو بعد بالمواجهه تحياتي زينب النعيمي
