انتماء

كان ينقصني دوما شيء ما واكتمل حين وجدتك

دخلت ريم على محمد للمكتب محمد سوه نفسه منشغل بالاوراق الي كباله
ريم : عبد الله اجى حتى ... قطع كلامها قبل لاتكمل
محمد : مايهمني عندي شغل اطلعي بره
ريم اتفاجأة من ردت فعل محمد ردت عليه : اسفه ازعجتك من رخصتك مشت وفتحت الباب
صاح محمد : شيريد ؟
اتنهدت ريم ورجعت اتقربت عليه وكالت : عرض عليه شغل انو اكون الوجه الاعلاني لماركه مكياج جايبها جديده اله
محمد : وانتي تردين ؟
ريم : ممفكره بالموضوع بس ليش لا
محمد : اني مموافق
ريم : ليش بله ؟
محمد : اذا تحبين تشتغلين شغل ثاني اني اساعدج وافتحلج شي خاص بيج ليش تشتغلين عند احد
ريم : امممممم انت متريد اتعامل ويه عبد الله ؟
محمد : ولا ويه غيره
ضحكت ريم وكالت : اليسمعك يصدك احنه متزوجين عافته ومشت ضل محمد ساكت كام ووكف يم الشباب فتحه واخذ نفس عميق كلش وغمض عيونه .
.....................
بالبيت الساعه تقريبا ١٠ ونص كاعدين ريم و ام محمد يسولفون ام محمد سولفتلها عن طفوله محمد وشلون شال المسؤوليه بعد وفاة والده وريم تكول لنفسها كافي تحجين خاله بعد كل كلمه تكوليها اليه عنه احبه اكثر واتعلق بي كافي تحجيلي عنه محمد جان طالع يتابع شغل المحلات والشركه طبعا حسين و حيدر يشتغلون وياه كل واحد لازمله شغله صارت ساعه ١١ باليل فات محمد للبيت تعبان ودايخ من الشغل والحسابات لكى البيت هادئ كال يمكن نايمين صعد عالدرج ع كيفه حتى لا يزعج احد فتح باب الغرفه ولكى ريم كاعده عالجربايه
محمد : مساء الخير
ريم : مساء الورد ... متعشي ؟
محمد : اي اكلت لفه عالماشي
ريم اسويلك عشى ؟
محمد : لا شكرا
ريم : اكيد تعبان حضرتلك الحمام فوت اسبح وارتاح
محمد : شكرا
فات محمد للحمام طبعا الحمام جبير بي دوش وبي حوض بانيو ومغسله
لكى اوراق الورد الاحمر بكل مكان بالحمام وشموع مشتغله وريحه بخور كلش طيبه ابتسم وغمض عيونه واتنهد وفات فتح المي الحار وغصس جسمه واسترخى
فجأة وهو ومغمض اجت ابالة جرته لريم وشلون باسها من جان سكران وابتسم هو جان يحس اكو شي بداخله اتجاهه بس جان يكابر على روحه وبالاخص صار بين نارين نار حبه الاول ونار ريم ؟!!!!
خلص حمامه وطلع لكى ريم داتمشط شعرها عالمرايه وكف وراها وتقرب منها كلشششششش ريم بده كلبها يدك يدك يدك مد ايده عالمشط وابتعد منها ومشط شعره نامت ريم عالسرير و محمد وقت تلفونه ومدد بصف ريم
ريم : شنو مجايك نوم ؟
محمد : لا شويه وانام
ريم : اريد اسألك سؤال
محمد : جواب
ريم : بعد ما تخلص مدة اتفاقنه هم رح تتذكرني وتتذكر هاي الايام لو رح تنسانه ؟
محمد اتفاجئ بسؤالها وماعرف يرد
ريم : اكيد حتنسى ورح تتزوج نوره مو ؟
محمد : ليش كل هاي الاسئله ؟ بس لا تعلقتي بيه وتحبيني وضحك
ريم : مو قصة تعلقت بيك بس هيج فضول مني واصلا سؤالي سخيف اني اسفه
اندار محمد عليها وصار وجهه فوك وجهه وكال : يعني متحبيني ؟
ريم كلبها كام يدك رادت تجره لحضنها وتبوسه وتكوله احبك لا لا اني اعشق كل تفاصيلك انت الشي الناقص بحياتي وهسه اكتملت كل حياتي .
محمد : وين صفنتي ها ؟
ريم : تصبح ع خير
رجع محمد لمكانه واتنهد ونامو
..............
الصبح كعدو نزلو لكو ام محمد مبدله ولامه غراضها
محمد : خير يمه وين
ام محمد : يمه مرت حيدر اليوم الفجر ولدت ولازم ارجع للبيت هسه اختك وحدها
محمد : هسه اوصلج
ريم : يلا خل نروح
انطلقو بالسياره متجهين لبيت اهل محمد دخلو للبيت شويه ودخل حيدر ومرته شايلين البيبي
بارك محمد الهم وباس اخو والبيبي
وريم باركت وباست البيبي وشالته
ام محمد : ان شاء الله يوم الي تشيلين ابنج ونفرح بيكم انتي ومحمد
باوعت ريم على محمد بنظرات حب ممزوجه بحزن محمد : يلا ريم اتأخرنه
ام محمد : وين اليوم تبقون يمنه انريد نذبح ذبيحه ونسوي غده
محمد : عدنه شغل نكمله ونجي
..........
طول الطريق ريم ساكته وشارده بأفكارها وتباوع عالطريق محمد انتبه الها بس ماحب يقاطع افكارها
وصلو للدوام وجان يوم روتيني خلصو وطلعو من وكت ريم ومحمد ورجعو لبيت اهله لكو خالاته و بنات خالاته ونسوان خواله و نوره طبعا موجوده سلمت ريم عالكل ومن ضمنهم نوره محمد كعد يم اخوته وريم كامت تساعد سرى بالمطبخ
محمد التمن عليه خالاته والبنات وكعدو يسولفون ونوره كعدت بصفه وبدو يسولفون ويضحكون ريم شافتهم وانتبه محمد عليها عيونهم اجت عين بعين وراها رجعت للمطبخ جان محمد طول ماكد يسولف وعيونه تتحرك بأي مكان ريم تكون بي
..........
نوره : محمد باجر لازم نروح لاربيل نوقع العقد ونتفق على موعد استلام الشحنه
محمد : مامحضر نفسي شنو هالسرعه
نوره : هيه يوم وثاني يوم منطول واريدك ويايه لان انت العرفتني عليهم
محمد : تمام ان شاء الله
..........
صار الليل ورجع محمد وريم للبيت
ريم : تكدر ترجع لغرفتك اليوم عافته ومشت
محمد : هيج جنت مزعج ؟
ريم : اي
محمد : يلا رح تخلصين من ازعاجي
باجر مسافر لاربيل عندي شغل يومين وارجع
تردين تروحين لاهلج او تبقين هنا براحتج
ريم : طبعا اروح لاهلي شعندي هنا
محمد : واني ماريد تبقين لوحدج هم
ريم : الله كريم
محمد : مزعوجه من شي ؟ اليوم احسج متغيره !
ريم : هه ليش انزعج على شنو انت متوهم
صعدت ريم لغرفتها انفجرت بالدموع جانت مخنوكه كلش وحاسه بضغط كلش جبير وحست انو محمد عمره مارح يفكر بيها او يحبها لان نوره موجوده وهو يحبها تكول لنفسها : شبيه ؟ شناقصني ؟ ليش ياربي كلبي رح ينكسر اه سمعت دكت الباب مسحت دموعها وفتحت الباب
محمد شاف عيونها حمره مبينه جانت تبجي
محمد : ليش تبجين ؟
ريم : شتريد ؟
محمد : جاوبيني ليش تبجين لاتجننين جنوني
ريم : مايهمك ليش ابجي عوفي رجائا عوفني
رادت تسد الباب بس محمد لزم الباب ودفعها وفات وجرها وحضنها هيه بعد ماسيطرت على نفسها انفجرت مره ثانيه بالبجي
محمد : كليلي شبيج ريم منو هيج غاثج ومخليج تبجين احجيلي
ريم ساكته وبس تبجي
اتنهد محمد ورفع وجهها عليه ولزمها من يم خدها وكال : احجيلي شنو الغاثج
مكدرت ريم تنطق اي شي دفعته وكالت اطلع بره ماريد احجي
اخذ محمد ملابسه وطلع وسد الباب
ريم غمضت عيونها وحجت بينها وبين نفسها ردت اكلك اوكف لاتروح لاتروح ابقى يمي لاتبتعد عني اوكف حيلي مهدود واريد اشد بيك حيلي اوكف وخل نخلص هالمر سويه اريد اكبر واشيب على ايدك اريد اخلف منك اريدك اوكف اوكف ماحست الا وهيه نامت
.........................
محمد كاعد ويريد يفسر شنو الي خلاه يجر ريم ويحضنها ويريد يبرر لنفسه ماكدر ضل يفكر لحد ما نام
..........
صبح الصبح حضر محمد جنطته نزل عالمطبخ لكى ريم داسويله الكهوه
محمد : صباح الخير
ريم : صباح النور ... اني اسفه عالبارحه جنت بحاله نفسيه سيئه اعذرني
محمد  : مو مشكله اهم شي انتي زينه
تقربت ريم منه وقدمتله فنجان الكهوه وكالت : الحمد لله احسن
محمد شرب كهوته وكام :اني حروح يومين وارجع ان شاء الله ديري بالج على نفسج اي شي تحتاجي اتصلي لاتترديين ابد .
ريم : وانت هم دير بالك ع نفسك ولا تعب نفسك من توصل طمني عليك
محمد : ان شاء الله يلا مع السلامه
ريم :  الله وياك
...........................................
وصل محمد ونوره للفندق حجز محمد غرفتين جانت نوره مستغربه كل ظنها حيحز غرفه وحده لان هاي فرصه همه سوا ولوحدهم
محمد : خلي نصعد نذب الجنط ونطلع عالشغله
نوره : اوك
طلع محمد ونوره والتقو بالناس الي متواعدين وياهم وقعت نوره العقد واتفقو على الموعد وعزمهم الرجال على العشى لكن محمد اعتذر وكال تعبان
رجعو محمد ونوره للفندق كل واحد فات لغرفته محمد جان مفكر يبدل ويسبح ويتصل بريم لان نسى يتصل بيها ويكوللها وصلت  فات سبح وطلع رن تلفونه نوره المتصل
محمد : ها نور محتاجه شي
نوره : تعال اريدك هسه انتظرك بغرفتي
محمد : تمام هسه اجي
دك الباب محمد وفتحت الباب نوره
تفاجئ لكى نوره لابسه سيت نوم اسود قصير ومبين كل مفاتن جسمها جرته نور من ايده ودخلته وسدت الباب
نوره : شبيك مرتبك شنو مستحي
محمد : لا بس شنو الموضوع الي ردتي تحجين بي
اتقربت نوره من محمد كلش بهاللحظه رن تلفون محمد ريم المتصل : رد محمد بدون تردد هلو ريم
ريم : شلونك انت زين ظل بالي لان متصلت
نوره واكفه بصف محمد كلش فجأة وكعت نفسها عود بالغلط ووكعت على محمد وسمعت صوتها لريم
ريم سمعت صوت مره وياه اختنكت كلش والعبره خنكتها وكالت : اسفه اخذ راحتك
محمد مالحد يجاوب سدت التلفون
نوره : اسفه بس لا مرتك سمعت صوتي هيه تدري انت ويايه ؟
محمد : لا
نوره : تقربت كلش على محمد وبدت تتلمس بوجهه
شكد مشتاقتلك ومشتاقه لحضنك ومشتاقه لكلشي بيك ادري بيك تحبني واني هم احبك بعدني قربت انفاسها يم انفاسه ومحمد غمض عيونه باسته نوره
فاجأها بصده ودفعها
.........

انتهى الجزء الحادي عشر
انتظرو الجزء الاخير
شنو تتوقعون النهايه
زينب النعيمي