كيان

٣

  _ف مرات قصص بتخلينا نلاحظ لقصصنا .. وين احنا؟!..وين ح نصل؟!..ي ربي حقيقه مشاعرنا ايه؟!..

مفروض نفكر بالحاجات دي كتير!!

احنا محتاجين نعرف نفسنا وين ف الأعراب قبل م نقع ..

  كنتا بتذكر ف كلام حجه فاطمه ده و ماشه ف الشارع ..

امكن انا بحب أنتبهه للتفاصيل عشان كده بعمل قصه لكل زول ماشى .. 

  م بالضروره دي تكون قصتم بجد!

  بس ف حاجه من القصه بتشبهم!!..

  دايما كنتا بفكر شنو السبب البخلى البت تطلع متظبطه و عامله فل ميكب ..

  تلفت انتباهه؟!..بتحب الناس يشوفوها كده؟!..بتحب نفسها و هيا حلوه ..

  امكن ف زمنا ده للفت الأنتبااه بس و بعد يلفتو الأنتباه يشاغلوهم و بعد يشاغلوهم تحصل مشكله .. و تستمر الحكايه كده ..

  ف طريقي ده و انا ماشه حصلت اكتر من 7 مشاكل لنفس الموضوع ..

 امكن المشاكل بسبب الطرفين ..

وحده لبست لبس م تمام و التاني م عرف يغض بصرو زي الناس ..

و بتفضل العقده ف انو كيف تتحل المشكله؟!..

  محتاجين نركز وين احنا؟!..شنو عملنا؟!..وين ح نصل؟!..

  قاطع تفكيري صوت تلفوني و هو بضرب لقيتو كيان ..

كيان:انتى وين

نرمين:ح نتعشى وين؟!..

كيان:يعني موافقه؟!..

نرمين:اي

كيان:طيب اجى اخذك؟!..

نرمين:لا بس وين ..

كيان:ف ()

نرمين:تمام.(و قفلتا الخط ..)

  المطعم كان قرييب مشيت و قعدتا هناك و بعد نص ساعه كده كيان جا ..

كيان:اتأخرتا؟!..

نرمين:يعنى(و كنت بعاين للناس ..)

كيان:الحصل قبيل ...

نرمين:(قاطعتو ..)موضوع و انتهى

كيان:انتى حلوه شديد