كيان

١٢

  مشيت ل يوسف ع حسب وصفو لي لمن وصلتا بيت كده صغير ..

  ضربته ل يوسف و طلع لي بره ..

نرمين:ف شنو؟!..

يوسف:ح احكي ليك القصه بأختصار ٫ بت عمي م كويسه خليكي معاها بس لممن احل الجوطه طيب؟!..

نرمين:بس ..

يوسف:يلا يلا تعالى

نرمين:(دخلتا وراهو لمن وصلتا غرفه كده كانت مقفوله بالمفتاح.. ناده ام البت فتحتا لينا و كانت بتبكي لمن بتتنهد ..)يوسف ف شنو فهمتي طيب!!!(اول م دخلتا و شفتا المنظر بقيت ساكته ٫ كانت بت عمرها بكون 18 سنه قاعده و مضربه و وشها مورم و راقده ف الارض ..)يوسف ده شنو!

يوسف:م بقدر اخليها مع زول غيرك .. بس خليكي معاها لمن اجي طيب؟!..

نرمين:(كنت خايفه شويه ..)طييب ..(دخلتا الغرفه و يوسف قفل الباب وراي .. مشيت عليها و قعدتا جمبها كان حالته بجد تحنن ٫ و بتبكي بطريقه فظيعه ..)ممكن اعرف اسمك ايه طيب؟!..طيب ف شنو؟!..احكي لي امكن اساعدك!..

_تساعديني؟!..

نرمين:ليه لا؟!..انتى بس وريني مالك .. ماف شي ..

_(قاطعتني و هيا بتصرخ ..)ماف شي م عندو حل!!لا ف😭ف الاهل المتخلفين ال م بعرفو شي عن المشاعر .. ف المجتمع الغبي ال م بعرف شي غير قلنا و قالو .. ف حاجه اسمها بت و بت بتموت كل يوم عشان بس م لاقيه اقل حقوقها😭هو احنا اتخلقنا عشان نتعذب؟!..هو احنا " غلطه " ؟!..

نرمين:احنا م غلطه و مستحيل اي انسان اتخلق يكون غلطه

_طيب ليه بحصل كده؟!..ليه خانقننا كده؟!..انا عملتا شنو؟!..حبيت بس!!حبيت انسان بس م غلطه معاهو وين المشكله؟!..ليه أتضرب كده؟!..ليه اتعامل كأني حيوانه و أتحبس كده؟!..ليه يجى البعيد عشان يكون ارحم لي من ابوي و اخواني لي؟!..هو الحب عيب و لا الاهل و لا مجتمعنا وريني الغلط وين فيهم؟!..😭😭😭

نرمين:(مسكتها و حضنتها و بقيت ببكي معاها ..)

  انا كمان نفسي اعرف ليه؟!..

ليه احنا البلد الوحيده العندنا الحب عيب؟!..

  م بنختلف انو ف حاجات بتحصل بأسم الحب هيا العيب بس احنا م ممكن نعيب المشاعر ف حد زاتها بسبب ناس م قدروها !...

  الغلط م ف الحب و لا ممكن نقول انو ف الاهل لانو اهلنا خايفين علينا ٫ صح تحت مسمى الخوف بدمرو حاجات حلوه ف حياتنا بس هما م قادرين يتقبلو الحااجات الدخلت ف جيلنا ٫ م بنقدر نخته الذنب فيهم لانو ببساطه هما عاشو حياه مختلفه عن حياتنا ..