كيان

١٧

   انا و كيان كان علاقتنا متوتره .. حاولتا أقرب منو بس كان ف برود من ناحيتو ..

  كنت عارفه انو الحادثه اثرت عليهو شدييد بس م كنتا متوقعه انو يتغير بالطريقه دي!!...

   بعد 10 ايام طلعنا من المستشفي و مرحله انو يتعود ع البيت و هو ف الحاله دي كانت اصعب مرحله ممكن تمر عليهو و علينا كلنا !...

  كان ابوهو دايما معاهو ف الغرفه و انا بجي بونسو و بضحك معاهو و بطلع ..

  ف يوم قاعدين ف الصاله كلنا ..

كيان:عايز اسافر اتعالج ..

احمد:انا برضو شايف كده بس حسي ..

كيان:حسي ي ابوي ٫ م مقتنع بكلام الدكاتره ال هنا و م ح أقتنع !..

نرمين:طييب نمشي كندا .. دخولنا هناك ساهل شديد لانو عندنا الجنسيه ف النهايه !..

كيان:بس احنا م ح نمشى .. انا ال ح امشى ي نرمين

نرمين:انا م ح اخليك تمشى براك

كيان:الموضوع م ع كيفك انتى!

نرمين:لا ع كيفى ي استاذ ..

  بقينا جايطين شدييد و كيان زهج و دخل الغرفه ..

  كانت غرفه الضيوف تحت و لانو م بقدر يطلع السلم نقلنا غرفتو تحت ..

  انا زعلتا شدييد ٫ شلتا تلفوني و طلعتا لقيت يوسف قصادي ..

يوسف:نرمين!

نرمين:جابك ايه؟!..

يوسف:جاى اطمن عليكي م بتردى علي

نرمين:يوسف😭(و بقيت ببكي من غير احس ..)

يوسف:بتبكي!!نرمين انتى عبيطه كدى تعالى معاي ..(و اخذنى و مشينا قعدنا ف حته قريبه ..)ف شنو احكى لى ..

نرمين:بتعامل معاي بطريقه تانيه .. بقا قاسي و حاسه انو قلبي بتقطع من جوه بسبب تصرفاتو .. انا عارفه انو الحادثه أثرت عليهو و حاسه بيهو بس كمان انا م قادره اعمل شى .. م قادره اساعدو ..

  يوسف سكت مسافه و كان م عارف يتكلم .. لمن م انا انتهيت بكا حتى يادوب اتكلم ..

يوسف:انتى زمان كمان كنتى صعبه كده ٫ جرحتى مشاعرو و هو كان م قادر يساعدك ي نرمين!!...

  بس م عمل زيك .. هو كان بحاول بكل الطرق انو يطلعك من ال أنتى فيهو و ده دورك عشان تعملى كده ..