كيان

١١

محمد:ي ولدي رووق

نرمين:(دخلتا و أتخلعتا بمنظر كيان .. أول مره اشوفو كده !!)

كيان:اهدي كيف وروني؟!..انا م عارف كيف قدرتا ي ابوي تعمل كده!..انت العلمتني الصح من الغلط ٫ علمتني م اكل حق زول و علمتني يعني شنو مشاعر ناس و علمتني كيف م اكسر كلمتي ..

احمد:بس م علمتك تغلط مع بنات الناس .

كيان:كنت مستعد اتحمل نتيجه غلطي ياخ .. انا كنتا مستعد استحمل المسؤليه دي ليه تعمل كده😡

محمد:ي ولدي الكلام ده فات حسي فايدتو شنو ليه و ليه

احمد:البت دي م كانت مناسبه ليك ي كيان

كيان:تمام .. حسي انا ح اكفر عن غلطي و غلطك ي ابوي .. اول م تطلع من المستشفى ح نمشى نطلب يدها

نرمين:(طبعا من الخلعه بقيت بعاين ليهو و مصدومه و شويه و قلبي يوقف ..كيان ده بقول شنو؟!..كيف يعني يعمل كده!..)

محمد:ي ولدي بطل اندفاع و جنون كده .. م صح ده عرس يعني ..

كيان:انا عارف يعني شنو ماف داعي توروني!!ده قراري و انا ح انفذو ..

احمد:(كان ساكت و بعاين ليهو ..)

محمد:ي احمد قول شي

كيان:ماف شي يتقال ..(و طلع طوالى ..)

نرمين:(م قدرتا استحمل و طلعتا وراهو ..)كيان ..

كيان:نعم .. ف شنو تاني؟!..

نرمين:كيف يعني عايز تتزوج؟!..كيان دى م لعبه

كيان:انتى مفتكره انو انا بعدك حياتي ح توقف يعني؟!..خلاص ي نرمين .. احنا انتهينا .. و ح اشوف حياتي ..(كان ماشي تاني رجع لى ..)معلش .. احنا م انتهينا لانو اصلا م كان ف بدايه بينا صح!..(أبتسم لي و مشا ..)

   عمري م اتعودتا ع كيان و هو قاسي كده ..

  عمري م اتوقعتا اشوف تصرفاتي ال كنت بعملا زمان فيهو هو ..

  دخلتا الغرفه لقيت عمي سرحان و كل الهموم ف وشو و ابوي م عارف يقول شنو ..

  عنده كيان :

  نزل و لقا يوسف لسه واقف مشا عليهو طوالى و ضربو ..

  يوسف م قدر يعمل شي لانو كان مخلوع ..

  وقع ف الارض و بقا بعاين ل كيان بأستغراب ..

كيان:عايز منها شنو؟!..