كيان

١٠

كنت مستغربه من الاحداث البقت تحصل ف حياتي ..

فجأه اتعرفتا ع يوسف و فجأه قررتا ابده من جديد و أجتهد و ف نفس الوقت فجأه كيان خته مسافه بينا ..

رجعتا البيت و قعدتا اتونستا مع ابوي و كيان دخل لقانا قاعدين سلم علينا عادي و طلع غرفتو ..

تاني زي المغرب عملتا شاي و قعدنا كلنا و الغريبه انو كيان كان بتصرف زي كأني ماف ..

كنتا متعوده اني اكون الحاجه الأساسيه عندو .. بس فجأه بقيت حاجه فرعيه وجوده و عدمه واحد ..

ف الاسبوع ده علاقتي ب كيان بقت كعبه شدييد ..

بنصبح ع بعض و نتونس ونسه اقل من عاديه ..

لأول مره احسه انو قلبي بجد ح يتكسر ..

م كنتا متخيله انو ممكن كيان ف يوم يبقا م بحبني و دي الفكره الأتوصلتا ليها بعد البحصل معانا الفتره دي!!!..

ف نفس الوقت يوسف بقا قريب مني شدييد ..

بنتكلم دايما و نتونس و نطلع و ندخل سوا ..

وجود يوسف ف حياتي حسسني اني فعلا بديت حياه جديده و حسسني انو ممكن يعوضني عن مكان كيان ف حياتى !..

ف يوم رجعتا من الجامعه لقيت باب البيت مفتوح ..

استغربتا و دخلتا لقيتو فاضي ..

قلبي كان قابضني شدييد ٫ ضربتا لأبوي رده لي و جمبو جوطه شديييده ..

نرمين:ابوي وين انتو

محمد:ف المستشفي ..

نرمين:ليه!ف شنو و انت كويس؟!..

محمد:انا كويس .. بس

نرمين:ابوي ف شنو م تخوفني

محمد:عمك!!تعب شويه و حسي احنا ف المستشفى

نرمين:..

طلعتا من البيت سريع و مشيت المستشفى لقيت ابوي قاعد و وشو نهائ م بطمن ..

نرمين:ابوي ف شنو؟!..عمي مالو؟!..

محمد:م عارف بقولو انو مبادئ جلطه

نرمين:لا حول و لا قوه الا بالله .. متين و كيف؟!..الصباح كان كويس

محمد:م ..(عاين لقا كيان داخل ..)كيان الحاصل شنو💔

نرمين:(عاينته ل كيان كان واقف و وشو متغير شدييد .. عيونو وارمه و كأنو كان ببكى ..)

كيان:قالو انو جلطه .. ي عمي حصل شنو؟!...هو زعل شدييد من شنو؟!..

محمد:...

نرمين:كيان اهدى ..

كيان:انا م بتكلم معاك ..😡