كيان

١٦

  ف يوم قاعده زهجانه و بتكلم مع يوسف ف الواتس جا كيان و عاين لي ..

كيان:السمح مالو

نرمين:و لا شي زهج و ماف موضوع

كيان:امممم .. طيب الساعه 7 كده اجهزي افسحك احلى فسحه

نرمين:بجد

كيان:بجد .. يلا انا حسي طالع😉(و طلع ..)

  مشيت طلعتا غرفتي و كان ف فستان جبتو جديد قلتا البسو الليله عشان افرح كيان ..

  اصلا نفسو اغير طريقه لبسي ..

  فعلا المغرب كده بديت أجهز ٫ لبستا الفستان كان اسود كده و فيهو حاجات بالأزرق و ختيت طرحه زرقه ف كتفى و عملتا مكياج بسيط و نزلتا لقيت ابوي و عمي ف الصاله بقو يصفرو و يشاغلوني😂⁦❤️⁩⁦❤️⁩

احمد:لكن م حلاوه

محمد:و الله بتي من يومها حلوه ..

احمد:الليله حلوه بزياده

كيان:(يادوب دخل و شافني .. بقا ساكت و بعاين ..)

محمد:شاغله شاغله كأننا مافي اخذ راحتك😂

نرمين:(بعد كلام ابوي بقيت بضحك شديد و خجلتا لمن خدودي حمرت !!..)

محمد:دي اخر طلعه ليكم زاتو ٫ بعد كده تعملو خطوبه و بعدين تطلعو و تدخلو ع كيفكم !

احمد:اي صح بلا قله ادب يلا اتخارجو ..

  انا و كيان ضحكنا و طلعنا ..

كيان فتح لى باب العربيه و ركب و نهائ م اتكلم معاي لمن وصلنا المطعم و قعدنا ..

نرمين:اول مره تكون ساكت كده

كيان:اول مره احس نفسي محظوظ للدرجه دي!!..🖤

نرمين:محظوظ عشان معاك بت حلوه و كده ..

كيان:لا محظوظ عشان معاي نرمين .. الحلاوه بتروح بس نرمين ح تفضل نرمين ..🖤

نرمين:م فهمته بس يلا نمشيها ..😂

  انا و كيان اتونسنا كتير و ضحكنا حرفيا كان احلى يوم ممكن اقضيهو ف حياتى ..

  بعد خلصنا طلعنا و الجو كان حلو شديد و قلنا نتمشى شويه و فعلا بقينا ماشين و فجأه كيان مسك يدى ..