كيان

١٨

  كيان بعد سمع كلمه بحبك قفل الخط و انا رقدتا و م مصدقه البحصل نهائ ..

  بعد مسافه سمعتا جوطه تحت ..

  نزلتا لقيت اصحاب كيان شديد واحد اسمو عمار و واحد اسمو انور جو ..

  قلتا يكون جاين يزوروهو ..

  طلعتا فوق تاني بعد شويه سمعتا صوت ناس !!..

  نزلتا لقيت ام كيان و منذر اخو كيان جو!!..

  سلمتا عليهم و قعدتا معاهم ف الصاله بعد دقايق جو اصحاب عمي و اصحاب ابوي و م كان عندنا قرايب كتار بس جات بت خالة ابوي و عياله و انا م فاهمه شى و م قادره اسأل ابوي قدام الناس ..

   ام كيان ضحكت و قالت لى ارح نجهزك!!!

  طبعا نجهزك دي بقت لى غريبه غريبه بس م قدرتا اعمل شى سكته و طلعته و انا مخلوعه ..

  دخلنا الغرفه انا و ام كيان و بت خاله ابوي اسمها أنوار ..

  قعدتا و بعاين ليهم زي الشافعه ال م فاهمه حاجه😂

  

  ابوي جا و جاب لي فستان كده م عارفه من وين و معاهو كعب عالى و مكياج ..

  بعد ابوي طلع م قدرتا استحمل وسألتهم ..

نرمين:ي جماعه انا م فاهمه و الله ف شنو؟!..

مريم:(بقت تضحك ..)ي بت عقدك بعد شويه

  طبعا كلمه عقدك دي جابت لي هبوط عديل !...

نرمين:عقدى؟!..

مريم:(قعدت جمبى ..)لمن حصل الحادث م كنتا عارفه و اتفاجأتا لمن شفتا كلامك ف الفيس .. ضربتا ل كيان و قال لي ماف داعي اعتذر و ابطل بكا و اجي عشان احضر عقدو ع البت البحبها ..

  امكن انا ام سيئه بس كيان طلع م بشبهني و طلع انسان نظيف من جوه و عشان كده حافظي عليهو ٫ م تخليهو لانو بحبك و لانو م بقدر من غيرك انا متأكده !...

  بقيت بسمع ف كلام ام كيان و برضو حاسه نفسي بحلم !!..