كيان

٩

  عاينتا ل يوسف بأستغراب و مشييت ..

  رجعتا البيت و كنت تعبانه شدييد اول م دخلتا الحديقه لقيت كيان ماسك سجارتو و بعاين لى ..

  م كنتا ح اتكلم معاهو لمن م جا هو و مسكنى من يدي قوى ..

نرمين:كيان يدى .. انت جنيت!!

كيان:اى جنيت ي استاذه ..بسببك و بسبب تصرفاتك الطايشه دي!

نرمين:كيان م تتصرف زي كأنك عاقد علي و مسؤل مني .. انت بس ولد عمي م اكتر

كيان:(وشو بقا احمر و عروق جبهتو ظهرت و مسك يدي اقوى من اول ..)انتى ليه بتعملى كده؟!..ليه اصلا بتتعاملى معاي بالطريقه دي .. انا عمري م وعدتا نسرين بحاجه و عمري م حبيت زول زي م حبيتك !..

نرمين:انا م طلبتا منك الحب ده

كيان:ده كلامك؟!..

نرمين:اي

كيان:تمام ..(و طلع ..)

  كنت بعاين ليهو لمن م ركب عربيتو و مشا بسرعه ..

احمد:نرمين .. ف شنو؟!..كيان مشا وين

نرمين:م عارفه

احمد:(اخذ نفس عميق ..)مرات احنا مفروض م نكون قاسين كده ي نرمين !..

نرمين:(عاينتا ليهو بأستغراب ..)انا ..

احمد:(قاطعنى ..)مشاعر الناس لمن تنكسر صعبه نقدر نجبرا تانى ٫ ف قصص حب بتنتهى ف كم دقيقه بس عشان تتبنى محتاجه زمن طوويل اكتر من م انتو تتخيلو ..(و دخل ..)

  " صح .. العلاقات بتنتهى بثوانى و بتتبنى بصعوبه بس ف الحالتين التجاوز صعب ..

  صعب نتجاوز زول اتعودنا نتكلم معاهو .. 

و عنده كيان كان صعب يتجاوز خوفو ع نرمين او بطريقه تانيه م كان عايز يتجاوز خوفو و قلقو و حبو ممكن نقول مشاعرو أعتادت ع أنها (تقدم) و م كان بطلب الأمتنان ع الحاجه القدما و كأى أنسان طبيعي مصيرو يزهج و يقرر اخيرا يطالب بحقو .."

   طلعتا غرفتى و كنت بجد زهجانه .. نمته طوالى و صحيت متأخر شويه ..

  نزلتا لقيت البيت فاضى ٫ و انا طالعه مريت بغرفه كيان ..

  م عارفه ليه كان نفسي أدخلا و فعلا ده الحصل .. دخلتا و بقيت حايمه جوا ..

  كيان كان بحب النظام شديييد ٫ كان كل شى مرتب و كل شى ف حتتو ..