كيان

١٩

  اقتناع انو يوسف ماف ف حياتى أثر علي شدييد ..

  كميه اسأله كانت ف راسي .. مثلا البيت ال مشيتو مع يوسف و البت القابلتها ع اساس بت عمو ده شنو طيب ؟!..

 الدكتور فسر لي كل حاجه و قال اني ممكن اكون مشيت وصف من راسي و قعدتا قصاد البيت و اتخيلتا ده كلو !!..

  و تفسير الكلام ده انو عقلى كان بحاول يوريني انو فعلا ف يوسف و الدليل ع كده اني كمان بساعدو زي م بساعدني و ده مرض نفسي بجى غالبا من التوحد او العزله و المرض ده عباره عن " اختراع صديق ماف ليهو وجود " ..

  الموضوع كان صعب علي شديد بس الدكتور و كيان كانو معاى ف كل خطوه ..

  م عارفه كيف حصل كده و م قادره افسر كيف ممكن يكون جزو كبير من حياتى عباره عن كذب او بطريقه تانيه خيال!..

  عدا علينا شهريين و ابوى جا من السودان و بقينا كلنا مركزين ف عمليه كيان ..

  الخوف ال كان جواى كان كبير شديييد ٫ كنت خايفه م يرجع يمشى و خايفه ع زعلو و خايفه خاطرو يتكسر و يرجع زى اول !...

  فتره ال 3 ساعات كانت اصعب فتره و حسيته 3 سنين ..

  ماف أصعب من انك تستنى حاجه و م تكون عارف لو ح تجى زى م عايز و لا لا!!

   قعدنا كلنا ع اعصابنا لمن م الدكتور طلع و كان فرحان شديييد و قال انو العمليه نجحت و انو كل حاجه ح تظهر بعد يصحه و ان شااء لله م ح تكون ف مضاعفات !..

  كيان اول م صحه انا كنت قاعده جمبو و ماسكه يدو بنفس الطريقه ال كنتا ماسكاها بعد م عمل الحادث بس الفرق انو وقتها كنت عارفه انو الدكتور ح يقول ليهو خبر كعب و ح يصدمو بس حسي ح يقول ليهو خبر حلو و ح يفرحو ..

  و ف الحالتين انا معاهو و م ح اسيبو ..🖤

  _كيان .. حسي مطلوب تحرك رجلك براحه ل فوق

  فعلا كيان حرك رجلو بس بصعوبه شوويه ..

  الدكتور قال انو دي حاجه طبيعيه و انو ح يحتاج لوقت عشان يقدر يرجع زي زمان !..

  كنا فرحانين شدييد و عمي و ابوي طلعو و مشو يجيبو كيكه و حاجات حلوه زي دي 😂🖤