كيان

٦

  طلعتا من القاعه و انا زهجانه شديد .. بعد م مشيت مسافه ف صوت وحده نادتني ..

_انتى نرمين؟!..

نرمين:(عاينتا ليها بأستغراب كان ظاهر عليها جايه من بره .. لابسه بنطلون و تيشيرت لحدي الكمر و فاكه شعرها و عاملاهو لون كبدي ..)انا بعرفك؟!..

توسل:اسمي توسل

نرمين:توسل!!!

توسل:م اظن بتعرفيني(و كانت بتعاين لي من فوق لممن تحت و بتدقق شديد ...)

نرمين:و المطلوب حسي شنو؟!..

توسل:عايزه اتكلم معاكي ف موضوع مهم

نرمين:اها قولى

توسل:ينفع نقعد طيب؟!..

نرمين:لا مستعجله

توسل:طيب انا .. كيان!!

نرمين:(استغربتا ..)كيان مالو؟!..

توسل:هو كان حبيبي و ..

نرمين:(طوالى اتذكرتا كيان لمن حكه لى عن وحده اسمها توسل ..)حبيبتو زمان اي اي عرفتك .. اها؟!..

توسل:حكه ليكي؟!..

نرمين:ممكن تنجزي عشان انا مستعجله

توسل:كنتا عايزاكي تقولى ليهو حاجه .. لو عايز يبده بدايه جديده ف أحسن م ينسى انو انا بسببو ادمرتا

نرمين:أدمرتي؟!..

توسل:انا بسببو حياتي انتهت ..

نرمين:(بقيت بعاين ليها بأستغراب ..)م فاهمه .. هو قال لي انو انتى الأتغيرتي و ..

توسل:(قاطعتني ..)طبيعي اتغير بعد الحصل ٫ كيان اكتر انسان م عندو احساس ف الدنيا ٫ دمر لي حياتي و بسببو خسرنا حياه طفل لسه م شاف الحياه ..

نرمين:نعم!!!!!

توسل:خليهو يحكى ليك القصه كامله تمام و انا جيت هنا اقول ليكي م تقعى ف نفس الغلطه الأنا وقعتا فيها ٫ كيان انسان وسخ م ملاك زي م احنا خاتين ف بالنا..(و مشت طوالى ..)

  استغربته من كلامها شديد و طلعتا و انا م فاهمه شى .. كيان مستحيل يأذى زول انا متأكده ..

  عايزه ارجع البيت لقيت رساله من ابوي انهم ف المستشفى عشان عمليه اخو كيان ..

  طوالى مشيت ع هناك و قبل أدخل المستشفى لقيت كيان واقف جمبه عربيتو بره ..

نرمين:كيان ..

كيان:(عاين لي و أبتسم ..)عيونو

نرمين:انت كويس

كيان:اي

نرمين:اخوك ..