HITUNGAN CINTA (COMPLETED)

Part 4

No_Copy_Allowed!!!

#HitunganCinta

#Lovely_Desire

Pulang dari office, Yvonne terus membersihkan diri. Makan dan baring2 sambil bertelefon dengan maminya. 

“ adoiii anak. Hati2 begia kalau jalan. Tidak besar jugakah luka kau itu?”

“ish..bukan luka juga nga biru ni kaki sia. Buduh baitu urang mi. suka2 ja dia pigi langgar sia tadi. Kalau sia nampak it uterus sia sut baitu.” Kata Yvonne geram  sambil dia kasi ubat jari kaki dia yang lebam. Ermm..parah juga ni kaki sia ni.

“anak,, jangan kama koe benci2 urang. Jadi juduh kau maitu nak lama2 kalau koe benci2..lagipun belum sampai jantung lagi kan?” bilang maminya.

“memang lah bh belum smpai jantung mi.. tapi sakit baini.” Adu Yvonne.

“koe rehat2 lh arr anak.. mami telipun dulu durang kakak sama abang kau. Babaii..hati2.” pesan mami Yvonne.

“babaii mi..kirim salam dengan kakak dan abang.” Bilang Yvonne terus tutup telefon.

Nda lama Yvonne tertidur sebab penat. Kali dia tebangun jam 1200 sudah. Dia tertidur pun di sofa..Huh! nasib teda kakak wowow kacau. Bilang Yvonne terus dia pindah tempat tidur. Besoknya, Yvonne offday, di sana lah dia di rumah. Disebabkan kebosanan, dia jalan2 lah di bandar tempat tinggalnya. Disebabkan teda dapat kasi release tension, dia pigi di tanjung aru. Dapat lagi dia tingu pantai dan sunset.

Masa dia joging2, tiba2 badan Yvonne kena langgardari siring. Terus Yvonne teduduk. Punya sakit kama pantat sia tu. 

“ Oiii, teda mata kh mau langgar urang. BITCH!” kali sia tingu yang teriak sia kan perempuan bh. Sebelah dia mungkin buipren kali. Ensumbuiiii kama tu lelaki. Aummm!!

“Aik,, sia yang teda mata kh koe ni mandak? Saya jonging2 baitu tiba pula koe pigi langgar sia.  Sot kali koe ni kn.” Sia bilang sama ni tondu. Eee,,,gerigitan sia ow. Meradang sudah tu perempuan sia cakap begitu teda mata. Kotoh!!

“ bie,, look. Dia cakap sia sot.” Mengadu kunun dia sama  buipren dia. Cara becakap pun macam sundal..ee,,geli sia.

“ mandak, please behave with my gf.” Debilang tu buipren tu perempuan. Ee,, tulunglah. Ni lelaki pun buduh. 2x5 seja sia nampak.

“ sorry naik lorry lh. Buat apa juga sia behave kalau kena teriak2. Macam tuli bh sia kena teriak2. Palui! Ada juga bh sia kurik telinga semalam, so, tidak payah lh mau teriak2.isk..isk..” Yvonne bilang geleng2 kepala.

Terus tu perempuan sama boyfriend dia jalan. Saya masih di sana tepi pantai. Hilang mood sudah gara2 tu perempuan pigi teriak2. Tunggu sunset pun lama lagi.adeiii…

***************************************************************************

Di rumah…

Sunyi owwh kehidupan begini. Tiada mami..ermm. 

Ting!!📨 -Emir –

Hello evening Yvonne, next tomorrow you can come early? Our boss want to meet you.

📨-Yvonne-

Astaga!!!boss ada sudah kh??takut pula sia owh..

📨-Emir-

Yes!! Actually, mimang boss ada sudah niari. Tapi koe offday kn. So, see u next tomorrow.

Yvonne termenung lepas habis berchat dengan Emir. Macam mana lah penerimaan si boss ni? Aduiiiii….

“erghhhhh!!!!!” Yvonne teriak kecil. Belum lagi dia bersedia mau berdepan dengan boss. Mana tau tu boss garang. Aiaiaiiii…serammmmmmmm…