يحبني و انا غافلة ( روايات ليبية )

حلقة 1🔥

#يحبني_و_أنا_غافلة
#المقدمة

مها : حنون حبيبتي 😘
حنان : شن تبي
مها : لا حول ولا قوة الا بالله هاذي أم هاذي
حنان : أي أم نوضي سقي لـي خوك حـ يروح بطنه فاضية
مها : هذا يروح بطنه فاضية هههههههههـ تصخفي حتى أنتي و ناضت زيها زي البنت الفالحة سقت لـي أستاذ مهاب 😒
و تسمع فـي الباب أنفتح
مهاب : اااااااه يام جعان و رقد بطوله فـي وسط الحوش
شدت الصونيه و مشت وقفت فوق راسه و تقوله نصب عليك 😤
مهاب : مش وقتك هاتي جعان
مها : جبتلي الكراسة ؟
مهاب : هاتي فلوس نطلع نجيبها توا
مها : مش اعطيتك و المشكلة الكراسة مش حـ تغلى على جني أعطيتك 5 وين مشو
مهاب : أن شاء الله 5 أمتاعك 😲 و قعد مصدوم
مها : أي ما تقولش صرفتها ماما
حنان : كيف تصرفها ؟
مهاب : احم نوضي نوضي جيبي فلفل توا نقولك كيف صرفتها
مها : ماما ولدك هذا حـ يجي يوم و حـ نقتله معقولا دبر توا نبيها الكراسة من بكري أنراجي فيك الابلة تبيها غدوا
مهاب : الى يسمع يقول القراية مقطعه بعضها تـي خودي كراسة من شنطي و فوتي
مها : لما تشوف و مشت تجري فتحت شنطت خوها و طلعت كراسة و البصدفة لقتها فاضية
مهاب : ها لقيتي ؟
مها : أي و كيف تبي تدوي
حنان : خلاص بري اكتبي و ارقدي
مها : أي و توا تشوف يا مهاب هذا غير مريض و عندك حرارة
مهاب : أي عندي حرارة و مريض و ولعي البلاستيشن و أنتي فـي طريقك لـي الدار

خلي نعرفكم على العيلة
مها عمرها 16 السنة تقرا تانية ثانوي (علمي ) جوها مليح تحب تضحك و تبصر ما تعرفش تجامل الى فـي قلبها على لسانها تحب الناس كلها حساسة شوي

و مهاب : هذا خوها الكبير عمره 17 السنة يقرا ثالثة ثانوي (علمي ) وجها مش وجه قراية لكن شاطر كيف ما نعرفش حياته بلاستيشن و الكورة يحب البصارة هلبا و غالي عليه شري المشاكل 😂 و راسه من راس مها

و الام حنان ربت بيت عمرها فـي 40 حنينة هلبا على صغارها بس مدايره الفرق بين مها و مهاب

و الاب اسمه جمال متوفى من 3 سنين 😔

و توا تعرفتو على العيلة خلي نرجعو للقصة ☺

مها : ياااااااام
حنان : هي سلم بنتي سلم بنتي
مها : مشت تجري ساوت جدولها و رقدت
جـي تاني يوم الصبح
مهاب : مها يا دراه نوضي
مها : شن تبي
مهاب : حـي عليك الساعة 7 و نص أني غايب ره
مها : حي على مها  و ناضت غسلت و لبست و كيف تبي تطلع
مهاب : وين ماشية
مها : وين شنطي تـي وقت المدرسة
مهاب : زعما مفتوحة
مها :شن
مهاب : قصدي 7 الا ربع مفتوحة ؟
مها : شافت لـي الساعة و بصوت عالي مصحك يا مهاب و حق ربي لما نوريك
مهاب : هههههههههههههههـ غير لالالا بري تكمي قدام البنات منظرك تقول طالعة من قبر
مها : ها الطرف الى يتكلم ماهو منظرك تقول قرد
مهاب : 😳 تسمعي فـيها يام
حنان : بعدين قولي يضرب فيا و اتبكي
مهاب : أي متخلفة شوفي شوفي منظرها نتحشم نمشي جنبها فـي الشارع
حنان : خيرها مشاء الله عليها
مهاب : أي هلبا
مها : الى يسمع يقول أنك تساير فيا 😒
مهاب : يكفي أنك تمشي ورى واحد طرف زيني 8|
مها : ماما
حنان : خلاص انتو الزوز
و صوت تليفون مهاب يشرين : الو .. باهي طالع هي  و سكر
حنان : ديرو بالكم و ركزو سلم صغاري
مهاب : حاضر يام 😉
و طلعو لقو خالد فم الباب
خالد : صباح الخير
مهاب : صباح النور
خالد : صباح الخير مها
مها : صباح النور
خالد: ☺
مها : نبي نخطم على دانيا
مهاب : دانيا دانيا
مها : لا دانيا سالم
خالد : ههههههههههـ
مهاب : تحسابي دمك خفيف 😒 ........................
خالد : ...........
مها :........................